劉德華舞台劇尾場再現身謝幕 麥沛東冒收𠝹刀之險摑芯駖13巴不留手

由朱栢康、魯文傑、麥沛東、芯駖@COLLAR、巢嘉倫、黎逸正等主演，朱栢謙、張志敏執導、鄧永威監製、舞台劇《你好，打劫！Reunion》12場演出圓滿閉幕，出品人劉德華於尾場再度現身，與劇中主角一起謝幕，答謝大家支持，並向台下的觀眾笑說：「我哋呢班人，喺適當嘅時候會對着你哋荷包講：「你好….打劫！」暗示大家隨時再度公演，而台下的觀眾掌聲附和支持。完場後華仔逐一跟每一位演員和導演擁抱，感謝大家落力演出，場面溫馨。

舞台劇《你好，打劫！Reunion》12場演出圓滿閉幕。

品人劉德華於尾場再度現身。

與劇中主角一起謝幕，答謝大家支持。

12場演出瞬間完成，大家嫌未夠喉，華仔有感難得遇上一個好劇本，希望將這個劇目成為經典，一直公演下去！他隨時Stand by的跟一班主演說：「只要book到場就再嚟㗎啦，你哋邊個得閒就嚟埋位！」大家即興奮和應。

華仔希望將這個劇目成為經典，一直公演下去！

首次參演舞台劇的芯駖，感謝一班隊員對她這新手的包容和鼓勵，讓她獲益良多；當大家都以為她完成12場演出後會有一刻感動落淚；因她的角色設定，每一場都要情感大爆發而嚎哭，但她完場後卻整個人鬆弛下來。她心情舒暢的笑說：「因為演出最後一幕嘅時候已經哭乾晒眼淚！開場前反而想喊，因為12場咁快就完咗，好唔捨得；自己第一次參演舞台劇，可以遇上一班咁好嘅班底，非常難得！」

芯駖

Day、芯駖

問到連續12晚掌摑芯駖的麥沛東可會覺得心痛？他不好意思的說：「其實係掌摑咗13巴；其中一晚連刮兩巴！唔單止心痛，而且仲好驚；因為有朋友問我會否擔心收到fans𠝹刀？因為掌摑天團偶像！但心駖演嗰場戲感情澎湃，我都要情緒爆發，忍唔住要掌摑佢。我曾經同導演講不如由芯駖掌摑我，因為我塊面大啲安全啲，發生意外機會率會低啲，始終掌摑會有頭暈嘅風險，加上芯駖塊面又骨又瘦，但導演堅持芯駖被掌摑嘅效果同感覺會好啲。」而心駖亦感謝麥東打她的力度剛好，兩人互動下，讓她順利完成這幕激情的演出。

麥沛東、劉德華

好一陣子沒有演出舞台劇的朱栢康也感激遇上這一班好對手，讓他大過戲癮的說：「隔咗咁耐再返舞台，今次遇上呢班志同道合嘅對手，大家唔單止可以一拍即合，令到我有再次享受舞台演出嘅感覺，好正！」

朱栢康、劉德華

在劇中演出甚有喜感的魯文𠎀自爆，導演朱栢謙發現有網民留言認錯留了長髮的他是劉雅麗，令他哭笑不得的說：「哇！以為我係劉雅麗？我真係入咗腦，演出嘅時候真係有一刻俾「劉雅麗」呢三個字影響到，好彩我撥一撥頭髮，好快清醒過嚟！其實我由冇乜頭髮可以留到而家咁長頭髮，真係覺得好開心㗎！」而繼早前重遇張家輝之後，昨日尾場跟曾經合作過舞台劇的兩位舊拍檔錢嘉樂、湯盈盈敘舊。「湯盈盈係我演舞台劇嘅第一個女主角對手，錢嘉樂曾經同我合演過《王老虎搶親》，難得喺後台見到佢哋份外親切，今次喺後台真係有好多回憶殺！」

魯文𠎀（左一）

至於3度參演這個劇的黎逸正（飾銀行見習生）和巢嘉倫（飾資深銀行職員），也異口同聲的說，雖然是同一個劇，但今次幕後班底和加入新演員，令他們演得更過癮，每一場對他們來說都是一個挑戰，一次比一次更有滿足感，個人表現發揮更大。巢嘉倫今次更多了一個別號鬍鬚佬；因為第一日入組導演便要求他留鬍鬚，讓他角色感覺上多了一份新鮮感。而劇中他多次說「小明的故事」，給觀眾留下深刻印象，讓人會心微笑，不少fans留言提起小明的故事便想起鬍鬚佬。而團隊中最年青的黎逸正，演技到位之餘，更成為不少女fans的小鮮肉。

大合照

此外，兩位導演朱栢謙和張志敏十分欣賞原著編劇導演饒曉志這部作品，張導坦言要將中港兩地文化背景故事融合讓觀眾理解，對他們來說是一個挑戰。而兩人也高度讚揚首次演舞台劇的心駖，雖然一切由零開始，但她很努力。朱導更爆排練的中段，芯駖因壓力大出現脂肪量和肌肉量體重驟減狀況，令人心痛，但她為了有更好的演出在所不計，故讓團隊更愛惜這位成員。

兩位導演朱栢謙和張志敏

而當晚嘉賓陳家樂、連詩雅、錢嘉樂、湯盈盈、劉天蘭、Day@COLLAR、駱振偉等，大家不約而同讚嘆2小時無間斷的精彩演出節奏明快，期待重演再次捧場。陳家樂尤其欣賞導演設計上巧妙安排，除了舞台上所見，其中有演員更聲演多個角色，最後得知6個演員，原來扮演了9個角色，台上演員的互動，讓他大開眼界。

朱栢康錫錫陳家樂.

樂壇女子組合COLLAR繼Marf邱彥筒、Winka陳泳伽、Sumling李芯駖與Day許軼先後「單飛」出歌後，昨日（3月12日）隊中兩大「 仙界女神」 Ivy蘇雅琳與Candy王家晴，亦宣布同時推出首支個人單曲《給你一隻大口仔》與《直白》。日前二人分別為新歌拍攝MV，期間她們表示為揀選合適曲風及主題，絞盡腦汁，最後她們不約而同挑選慢歌作頭炮，實行攜手一切從「柔」開始。

Ivy蘇雅琳推出首支個人單曲《給你一隻大口仔》。

Candy王家晴亦宣布同時推出首支個人單曲《直白》。

Ivy在新歌《給你一隻大口仔》中首次填詞，希望透過歌曲分享她的經歷及感受，從而令所有正在努力中的人，都有一種被擁抱與關愛的感覺，她說：「呢首歌嘅靈感係來自自己花名『大口蘇』，呢個名陪咗我咁多年，開始覺得象徵住自己好開心一面。其實當知道要出Solo時，大家想見到點樣嘅Ivy So，點樣嘅Ivy So先會令大家滿意，到開始諗Idea、填詞都改咗好多版本，所以每個過程都係好大挑戰，多謝好多人幫忙完成呢首歌，希望大家會喜歡。」

Ivy首度挑戰填詞。

新歌靈感源自花名「大口蘇」，希望透過歌曲傳遞擁抱與關愛的感覺。

愛情故事作包裝
至於Candy的新歌《直白》，榮幸地請來Wyman黃偉文填詞，歌曲以愛情故事作包裝，帶出面對所有關係，都要直接表達自己想法及感受，不要轉彎抹角，亦不要互相猜度，Candy說：「MV入面嘅故事，唔係個人經歷，不過用咗一個故事嚟展現我Character，自己係一個幾直白同簡單嘅人，呢首歌都對自己作一個提醒，對家人都要直接啲，表達對屋企人嘅感受同愛，有時我好怕醜，唔敢對家人講『我愛你』、『多謝』等。」

Candy則獲黃偉文（Wyman）填詞，以愛情故事包裝「直白」個性，提醒自己對家人勇敢表達愛意。

過往COLLAR成員單飛出歌，都有不俗成績，未知Ivy與Candy可有壓力？Ivy表示：「超有，所以嗰時諗出咩類型歌，諗咗好耐，畀咩面向嘅我大家睇，諗咗好耐，我揀咗唔會令自己後悔，選擇展現Deep Down自己嘅一面。」而Candy則表示壓力並非來自隊友的成績：「壓力來源，唔係來自佢哋嘅成績，由團到Solo真係好唔同，喺團入面好多事都有一班好姊妹分擔，Solo就自己面對，所以會有壓力同擔心，但講到成績，當然希望大家聽完會鍾意，同埋有共鳴。」

二人同時出歌，強調互相扶持冇比較，更一齊討論宣傳，感情要好。

正面交鋒互扶持
兩人同時出歌「正面交鋒」又可會比較？Candy指：「我哋知道同時出Solo，由揀歌到錄音，我哋都會互相分享，我哋仲一齊討論，一齊拍咩片宣傳，我覺得同Ivy由《造星IV》開始就好有緣分，好多嘢都一齊經歷，我哋係互相扶持，互相陪伴。」Ivy同樣認為一起出歌，感覺二人有一種陪伴的感覺：「係驚大家以為我哋有比較，其實我哋自己冇諗呢啲嘢，我哋好多嘢都有互相Share。」