孖凌文龍麥沛東岑珈其合作爆笑舞台喜劇 Sica一人分飾三角挑戰忍笑極限

爆笑舞台喜劇《三一萬能合》由上川娛樂及鈴和工作坊主辦，Makerville、Six Degrees及CLL協辦，並獲國泰航空全力支持。作品由凌文龍擔任創作策劃，朱栢謙與張志敏聯合執導，梁澤宇編劇，主演陣容包括凌文龍（I.T.狗）、麥沛東（正義迴廊）、岑珈其（膠戰）、何洛瑤Sica（全民造星IV）及張志敏。今日正式發布宣傳海報，三位男主角以科幻造型配合鬼馬表情，加上Sica的創意演繹，為這部爆笑舞台劇率先點燃笑彈。門票於2月25日早上11時於售票平台「撲飛 POPTICKET」公開發售，演期為4月10日至19日，一連10場於灣仔藝術中心壽臣劇院上演。

爆笑舞台喜劇《三一萬能合》將於4月10日至19日在灣仔藝術中心壽臣劇院上演。

《三一萬能合》故事講述三位各自背負煩惱的男人，為追求「更完美的自己」，決定接受科技融合手術，把三人的優點抽取、雜質剔除，合成一個「優化型男」。天馬行空的設定加上爆趣劇情，令幾位主演都期待滿滿。

《三一萬能合》

《三一萬能合》

歌影視火速掘起的Sica，今次大膽挑戰角色演繹，在劇中一人分飾三角，對她而言絕對是演技與忍笑極限挑戰，Sica說：「今次係第二次演舞台劇，上次同珈其合作，今次好榮幸可以同小龍、麥沛東合作。影海報當日，佢哋擺出好多鬼馬動作同趣怪樣，對我嚟講真係好難忍，我都想一齊搞搞震，但拍海報時我要蹲低唔準郁，又唔可以跟佢哋做趣怪表情，真係難到我。」

Sica

張志敏、Sica

凌文龍表示，首次擔任舞台劇策劃及發起人，感謝導演、演員及幕後團隊的信任與支持，讓他獲益良多。他透露早前開始圍讀時已經笑聲不斷，非常期待正式演出。小龍笑言：「今次海報造型好正，我未試過呢啲風格，影完出嚟好鬼馬，好襯今次主題。我一直都怕影相，平時要我chok樣真係笑死人。」

凌文龍

麥沛東則指，與拍檔們已迅速建立默契：「影海報時已經笑爆咀，難以想像排戲會點，一定笑到攰。大家都係搞笑擔當，完全唔擔心演出，反而驚忍唔住笑。」他又分享：「珈其啱啱做咗爸爸，會同我講育兒心得；小龍導演嘅作品我都有睇，大家傾戲劇傾得好投契。同Sica雖然係第一次合作，但都好快熟絡。」

麥沛東

岑珈其表示，今次班底非常好玩，舞台上一定火花四射：「大家好有默契，又肯一齊玩一齊傾，真係好期待演出。」談到海報拍攝，他坦言不容易：「影硬照要表達訊息對我嚟講好難，有壓力又冇乜信心，但最終效果好好，自己都好滿意。」

岑珈其

三一萬能合

爆笑舞台喜劇《三一萬能合》

主辦： 上川娛樂丶鈴和工作坊
協辦： Makerville丶6 Degrees丶CLL
創作策劃： 凌文龍
編劇： 梁澤宇
導演： 朱栢謙、張志敏
演員： 凌文龍、麥沛東、岑珈其、何洛瑤Sica、張志敏
演出地點： 香港藝術中心壽臣劇院
演出場次： 4月10-12丶14-16日 8PM；4月11-12 丶18-19日3PM
票價： $888（堂座前排）/ $688（堂座）／$488（樓座）
購票連結： https://www.popticket.hk/event/the-integration

由潘惠森編劇、陳小東執導，許賢、蘇致豪、岑珈其、梁浩邦及楊螢映聯手爆笑演出的暗黑無賴喜劇《我在大戈壁沙漠收數的日子2026》，將於10月2日起假香港藝術中心壽臣劇院荒誕上演。

岑珈其

許賢

梁浩邦

蘇豪

早前公開發售反應熱烈，16場演出門票火速售罄。一眾「收數佬」見大家如此撐場，成功爭取再度加開3場，將演出場次增至19場！加開場次分別為10月10日及17日下午3時，以及10月11日晚上8時。上次未能成功「還債」買飛嘅債仔sss，今次機會終於返嚟喇！

為表誠意，呢班收數界靚佬近日開Live直播「追債」，呼籲大家準時睇Live，睇下佢哋有咩獨門收數絕技之餘，兼同大家一齊集氣，預祝大家今晚 10PM 喺 Goodshow.club 成功搶飛，保送各位直入大戈壁！

暗黑無賴喜劇《我在大戈壁沙漠收數的日子2026》

暗黑無賴喜劇《我在大戈壁沙漠收數的日子2026》

加開3場

加開3場

劇場新丁許賢、蘇豪　珈其笑言：「希望蘇豪每場都畀到唔同嘢！」

成功爭取再度加場，珈其笑指「債仔」愈嚟愈多，並衷心感激觀眾支持：「真係好多謝觀眾支持！你哋肯支持，我哋先可以加到去19場！」首次參與舞台劇演出的許賢及蘇豪，更即將迎來一日演出兩場的挑戰，蘇豪信心滿滿指自己體能OK，搞笑指：「做舞台劇要好大能量，最難係要保持精神，平時拍片可以瞌眼瞓，做舞台劇就唔得喇！」

講到兩位「劇場新丁」嘅表現，珈其笑著賣關子：「希望蘇豪可以每場都畀到唔同嘢，大家唔好錯過呀，可能隨時要睇三、四場！」笑指可能有現意想不到的「驚喜」，請大家務必搶飛。

圍讀笑聲不斷   蘇豪「Delay笑」許賢「陰濕笑」珈其「忍唔到笑」

許賢及蘇豪的劇場初體驗固然令人期待，而一眾演員之間的化學作用亦同樣充滿火花。珈其率先劇透是次劇本的一大挑戰：「我從來未遇過一個劇本係咁，最大挑戰係有啲場口要幾個人同時間不停講好多嘢，類似《寒戰》最經典嗰啲場口咁。我自己喺圍讀嗰陣已經覺得好困難！」

至於應如何招架許賢、蘇豪、珈其兄弟合體，梁浩邦（阿邦）揚言：「圍讀嗰陣我盡量唔會揀坐喺佢哋中間！」他又透露指一眾演員圍讀時已經笑料不斷，「佢哋好鍾意讀完對白之後停喺度，諗返之前幾句，然後再笑返之前嗰幾句。」

其中蘇豪經常出現「Delay笑」，而許賢則被阿邦形容為「陰濕笑」。許賢笑著解釋：「因為個劇本係超現實，而我又明明地，所以嗰刻覺得自己同編劇潘Sir有種精神交流，會忍唔住嘴角上揚。」珈其則自認笑點最低：「我都好驚呀！之前做過兩個舞台劇都試過『爆蟹』，今次會盡力忍笑啦，希望做到最好！」

潘惠森經典黑盒劇場作品　25年後全新荒誕演繹

《我在大戈壁沙漠收數的日子2026》改編自潘惠森於2001年在香港話劇團首度編導的同名黑盒劇場作品，當年由周志輝、葉進及高翰文主演，黑色荒誕風格成為不少劇迷心中的經典。來到2026年，作品將以全新陣容重新演繹。故事講述三名收數佬，收數期間意外「誤闖」大戈壁沙漠，更遇上一對憑實力走數的無賴債仔夫婦。三位收數佬決定繼續追債，甚至出動火水、錯字紅油，誓要對方「欠貝還$」。然而，在烈日當空、荒無人煙的大戈壁之中，他們最終收回來的，竟然是人生真諦。

《我在大戈壁沙漠收數的日子2026》10月荒誕上演

一班演員未正式登台已經笑聲不斷，一眾「收數佬」究竟會點樣喺大戈壁沙漠「追數」，相信要留待觀眾親身入場揭曉！暗黑無賴喜劇《我在大戈壁沙漠收數的日子2026》將於10月2日起，假香港藝術中心壽臣劇院荒誕上演。加場後合共19場演出，門票現正公開發售，各位債主記得準時搶飛入場！