天后鄭秀文（Sammi）最近為賀歲片《夜王》四出宣傳，行程密密麻麻，早前更登上鄭裕玲（DoDo）嘅YouTube節目《The Do Show》做嘉賓。節目中，Sammi難得大談多年拍檔劉德華，仲爆出驚人內幕——原來天王私底下竟然有啲「社交恐懼症」！
日前登上鄭裕玲（DoDo）的YouTube節目《The Do Show》做嘉賓
講到二人首次合作《孤男寡女》，Sammi坦言一開始都需要時間磨合，始終未算熟絡，但拍落之後就完全改觀：「名氣越大嘅人，反而越平易近人，會令你覺得好舒服。」她大讚劉德華零架子、超有禮貌，完全顛覆「天王高高在上」的刻板印象。
點擊看圖輯
日前登上鄭裕玲（DoDo）的YouTube節目《The Do Show》做嘉賓
Sammi 坦言一開始都需要時間與華仔磨合
大讚劉德華零架子、超有禮貌
多年來合作無間，《孤男寡女》、《瘦身男女》、《龍鳳鬥》等部部經典，兩人關係亦由銀幕情侶升級為現實摯友。Sammi透露，私底下經常會到對方屋企食飯、傾偈，平時亦會WhatsApp問候，感情早已唔止係工作拍檔咁簡單。
《孤男寡女》劇照
《瘦身男女》劇照
相處耐咗，Sammi對華仔嘅性格更加了解，直言對方其實性格單純又超宅，生活重心幾乎全放喺家庭同女兒身上，唔算好鍾意應酬：「我覺得佢唔係靠人脈，而係一步一腳印打拼返嚟。」
直言華仔其實性格單純又超宅
她更笑言劉德華有少少「社交恐懼症」，唔太擅長交際，但正正因為專注、勤奮同自律，先可以由新人一步步走到今日嘅天王地位。消息一出，隨即引起網民熱議：「完全估唔到！」、「原來華仔咁內向！」、「果然成功唔係靠social！」
全城期待的AXA安盛呈獻《You & Mi 鄭秀文演唱會2026亞洲巡迴終點站－香港啟德主場館》，7月10日至11日兩場門票，繼4月20日東亞銀行信用卡獨家優先訂票火速售罄後，到4月28日門票公開發售，反應同樣熱烈，門票全被秒殺。主辦機構寰亞娛樂於兩日後宣佈加開7月12日終極尾場，希望觀眾能夠把握最後機會，入場感受Sammi的舞台魅力。
主辦機構寰亞娛樂宣佈加開7月12日終極尾場！
「對於上次4月28日我嘅啟德主場館門票公開發售，見到大家咁熱烈支持，呢個消息對我嚟講係相當鼓舞同振奮，希望加場，讓更多人睇到我哋呢個show嘅誠意、製作、同埋我嘅演出，因為我哋book場地嘅時間好有限，向前向後加都冇可能，只能夠加到呢一場。」Sammi感激地說。
Sammi鄭秀文
7月12日終極尾場門票，將於5月11日早上十時於快達票公開發售，莫講話觀眾要校定鬧鐘搶飛，就連Sammi也為了撲飛而頭痛，「的確好多朋友搵我買飛，但我冇辦法滿足晒所有朋友，因為cut飛情況都好嚴重，始終座位有限，亦要預留門票公開發售，至於會唔會有睇massage恐懼症？咁又未至於，但事實票務情況係相當緊張，亦有好多朋友同歌迷留言話買唔到飛，見到佢哋好失望，希望5月11日加場門票公開發售嘅時候，大家可以好幸運、好順利買到飛啦！我唯一可以做，係應承大家，會盡力做好呢個show，我嘅第一次啟德演唱會，會全力以赴，同埋見到大家對呢個演唱會咁大力支持，俾咗好大嘅力量同好正面嘅鼓舞，我一定會做好自己。」
7月12日終極尾場門票，將於5月11日早上十時於快達票公開發售。
上月完成兩場吉隆坡站演唱會，Sammi展開了十天的休假，笑言每次回想與台下吉隆坡站觀眾互動的快樂，都有種令她「飄吓飄吓」的感覺，身體在休息，但思想上仍然亢奮，她說：「呢十日假期，我不斷有諗啟德show嘅細節同內容，因為完咗啟德，仲有好多工作要做，所以呢十日嘅小叉電非常重要，體力亦恢復得唔錯，最緊要係食咗好多自己好想食嘅嘢，例如肥膩同煎炸嘢，所以呢十日相當之享受。」
Sammi鄭秀文
Sammi鄭秀文
叉滿電，返回工作崗位，Sammi每日都盡全力為7月三場啟德主場館站演唱會積極備戰，對於每一個細節和流程，都希望做到最好，「由於呢個係You&Mi演唱會亞洲區終站，會沿用番上次澳門站嘅rundown，有睇過嘅人都好鍾意，所以啟德站會用番呢個rundown去出發，但會喺既有嘅內容入面，一啲細節、鋪排上會有所提升，所以呢個係我俾自己同埋團隊嘅一份功課。」
Sammi鄭秀文
Sammi鄭秀文
正如Sammi所講，要完成三場啟德站演唱會，體力輸出非常之龐大，自律的生活作息、積極練歌排舞，是非常重要，「近排我嘅生活作息好有規律，每日起身就會做心肺體能嘅鍛練，因為Sammi呢種表演方式，體力需求係好大，所以要確保自己身體應付得到，除此之外，練歌練聲都係好基本，仲有排舞、好多嘅會議，因為演唱會有多嘢需要琢磨需要商量，同步又開始為新唱片進行錄音嘅工作，雖然好忙，但心態上係好愉悅，因為每當我向住一個目標進發，過程我會好享受，可以俾到自己好多正面嘅能量，係一種好開心嘅過程，所以我會好enjoy，同埋好多謝觀眾，俾好多支持同鼓勵我，我一定會做得更加好，希望所有觀眾可以喺啟德呢個場館感受一個滿意度好高嘅rundown，多謝大家！」
Sammi鄭秀文
Sammi鄭秀文
快達票指定節目售票網公開發售
日期：5月11日（上午10時）
網上購票：hkt.hkticketing.com
電話購票：31 288 288（僅適用於購買輪椅門票）
票務查詢及客戶服務：2922 8288
購票前請先註冊快達票指定節目網會員賬戶 (https://hkt.hkticketing.com/hant/#/news/detail/205)
**本演唱會不設售票處及自助購票機售票
演唱會詳情
AXA安盛呈獻《You & Mi 鄭秀文演唱會2026亞洲巡迴終點站－香港啟德主場館》
日期：2026年7月10至12日
時間：7:30PM
地點：香港啟德主場館
票價：HK $1,880／1,680／1,380／1,280*／980／880*
*Restricted View（視線受阻位置）
注意事項：
-主辦機構保留隨時更改節目資料、內容及時間表之權利，恕不另行通知。如有任何爭議，主辦機構保留最終解釋權及決定權。
-有關票務詳情（包括官方售票途徑），請參閱稍後於購票網站公佈之條款及細則說明。主辦機構呼籲市民應循正式途徑購票，以免受騙及招致損失，及會涉及風險，並助長門票炒賣。
