歌手衛蘭（Janice）接受新城廣播《卡拉O!Babe》節目主持葉文輝(啤梨) 錄音訪問，兩人在節目中合唱多首經典歌，包括《心亂如麻》及《大哥》等，Janice更特別選唱了偶像瑪麗嘉兒（Mariah Carey）於1990年推出的第一首歌《Vision Of Love》，而當中亦埋藏了一段不為人知的故事。
衛蘭接受葉文輝(啤梨)《卡拉O!BABE》節目訪問
早前Janice獲國際天后Mariah Carey邀請，擔任其深圳站世界巡迴演唱會的暖場嘉賓，能有這次難能可貴的經歷，Janice高呼太不真實，她回港後接受啤梨訪問，直言仍感到十分震撼，她更首次在節目中大唱Mariah Carey的歌《Vision Of Love》，原來這首歌對Janice來說別具意義，她表示：「呢首歌係Mariah Carey嘅第一首歌，我當時得12歲，第一次聽佢呢首歌就覺得非常好聽，然後就愛上咗Mariah Carey，跟住就發誓要做歌手，呢首歌係令到我想入行做歌手嘅歌，而入行之後第一次唱呢首歌就係喺《卡拉O!Babe》。」
點擊看圖輯
衛蘭接受葉文輝(啤梨)《卡拉O!BABE》節目訪問
葉文輝(啤梨)、衛蘭
之後Janice又分享新歌《The Best Version of Me》的創作過程，這首由音樂人蘇道哲編曲和監製的歌曲，邀得著名填詞人黃偉文（Wyman）度身訂造歌詞，Janice感動表示：「Wyman呢個版本，正係我依家嘅心境，好感恩能夠繼續為大家唱歌。」她預告正籌備國語專輯，並於6月啟動巡迴演唱會，令不少粉絲們相當期待。
訪問期間，Janice突然問啤梨是否已結婚？啤梨告知已成為人夫7、8年，得知Janice感情生活交白卷，他隨即打蛇隨棍上，問Janice：「使唔使我介紹好男仔畀你呀？我身邊唔多男人，只有好男人，衰男人做唔到我朋友。」Janice即「𦧲飯應」：「好喎！（鍾意外籍男士多啲？）冇所謂，最緊要溝通到，同埋識欣賞音樂，起碼睇我演唱會都會enjoy，今次靠晒你喇！」
去年4月，衛蘭「OUT OF FRAME」世界巡迴演唱會於廣州啟航，隨後已經走過深圳、肇慶、東莞、成都、南寧、佛山、上海、廈門、湛江、汕頭，馬來西亞雲頂以及加拿大多倫多。上周六 （3月21日）衛蘭（Janice）於澳門銀河綜藝館舉行「OUT OF FRAME」澳門站，由於一早宣布澳門站不會加場，12,000 門票火速售罄，闊別澳門7年，Janice特別為此站加入新歌單和舞台效果，與歌迷一同沉浸她二十年來的音樂旅程。
衛蘭日前於澳門銀河綜藝館舉行「OUT OF FRAME」澳門站。
Janice請來馮允謙Jay擔任澳門站嘉賓，暖男Jay帶了一樽印上二人合照的蜜糖送給Janice，Jay 說：「知道你開巡迴演唱會，要好好保護把聲，蜜糖就最啱，希望你食蜜糖時望住張相，呢張合照係2021年我哋合作嘅一個騷，到而家仍然係我one of my favorite show。」
澳門站請來馮允謙Jay擔任嘉賓。
暖男Jay帶了一樽印上二人合照的蜜糖送給Janice。
衛蘭、馮允謙
衛蘭、馮允謙
Jay在台上大讚Janice是一個很sweet的女仔，搞到Janice都面紅耳赤，Janice說：「希望下次可以再一齊開騷，其實香港男歌手之中，我係好鍾意Jay把聲，每次同Jay合唱都好開心，唔知點解同佢喺台上面好有默契。」兩人合唱《家門》後，Jay說：「因為Janice太sweet，我特別揀咗一首歌獨唱，送俾Janice同大家——《遠在眼前》。」
馮允謙、衛蘭
衛蘭、馮允謙
這晚，Janice繼續以穩定細膩的靚聲獻唱多首經典金曲，唱功獲全場大讚，除了自彈自唱《ONLY LOVE》，Janice又請來Guddy及SVA合唱團一起演唱《鐵蘭花》和《所以我愛》，Janice更挑戰Rap，令觀眾十分驚喜。
Janice又請來Guddy 及SVA合唱團一起演唱《鐵蘭花》和《所以我愛》。
Janice又請來Guddy 及SVA合唱團一起演唱《鐵蘭花》和《所以我愛》。
Janice更挑戰Rap。
Janice更挑戰Rap。
澳門站的舞台設計亦特別改動，包括更改部分LED和燈光，令舞台更顯得立體，提升整體視覺效果；而這晚的盲盒歌更是鐵粉專屬，是Janice 2009年推出首張英文大碟的歌曲《Please》。隨後Janice 獻唱《一場誤會》時更走到台前與觀眾近距離握手，全場氣氛高漲。
衛蘭
衛蘭
在演唱會尾聲，Janice突然送上重量級喜訊，宣布將第6次踏上紅館舞台，「有個好開心好開心嘅消息，之後會去我最鍾意嘅城市，返去屋企香港開騷，年尾就會喺紅館同大家再見面！」之後Janice 便唱出《大哥》為演唱會劃下完美句號。
衛蘭
不過，場館燈亮起觀眾仍不肯離場大叫Encore ，Janice亦被歌迷的熱情感動再次登場，她說：「原本冇㗎喇，不過你哋太熱情喇，仲有咩歌想聽？不如即場點唱。」全場歌迷點出很多歌曲，包括《拍錯拖》、《天敵》、《雜技》等，最終Janice 選唱大部分觀眾想聽的《雜技》。
衛蘭
演唱會後，Janice直言澳門站的氣氛非常好，雖然她開騷撞正生理痛，Janice說：「最怕就係開騷遇到女人生理不適，不過今次世界巡迴，最令我感受到，就係只要堅持便能做到，之前到各地都曾遇過水土不服，但我都一次又一次克服了。另外終於可以宣布返香港開騷，真係好開心好期待，暫時可以透露係香港站唔止歌單會重新調整，整體所有嘢都會係全新！」
全場大合照
