湯怡母女「神同步」變裝萌到爆 3歲麥QQ複製媽媽穿搭

英皇藝人湯怡（Kathy）與丈夫麥秋成的3歲愛女「麥QQ」一向是網民焦點，近日湯怡在社交平台分享一段母女「變裝戲法」短片，兩人大玩「神同步」穿搭，由衣服、鞋子到太陽眼鏡甚至髮型都完美複製，萌度爆錶！

湯怡（Kathy）與丈夫麥秋成的3歲愛女「麥QQ」

母女感情好好

湯怡與「麥QQ」一口氣換上同色系造型，囡囡都興奮擺pose配合。湯怡笑稱：「佢最近強迫症發作，連我紮辮都要跟到足！」兩母女更對望甜笑擊掌，再互相送吻的畫面，湯怡更溫柔替女兒整理頭髮，盡顯寵溺。網民紛紛表示被融化：「麥QQ笑得咁甜，明顯係喺滿滿愛嘅家庭大！」亦有粉絲大讚湯怡是「滿分媽咪」：「又要拍戲又要陪玩，仲可以襯到衫，點做到的？」

一口氣換上同色系造型

囡囡都興奮擺pose配合

囡囡都興奮擺pose配合

好得意

連紮辮都要跟到足！

跟足媽媽100%

冧爆網民

互相送吻

互相送吻

攬到實一實

好有愛！

變裝萌爆

全球性大型健身賽事Hyrox香港賽於5月8日至10日一連三天在亞覽舉行，賽事吸引了不少熱愛運動的藝參加，當中包括湯怡（Kathy），她參加第三日的賽事，適逢母親節，這亦是一份給予自己的母親節禮物。

湯怡首次挑戰Hyrox。

湯怡表示：「其實今次係第一次玩Hyrox，事源就係我IG突然之間彈咗關於Hyrox嘅嘢出嚟，就問經理人其實難唔難玩㗎，講講吓就諗住同佢兩個一齊玩。係比賽前一個月左右先發生呢件事，第二日就報咗名。其實結咗婚有小朋友之後同之前嘅生活真係好唔同，一直都好想做返以前做嘅嘢，例如跑馬拉松或者做返gym，所以今次係一個開始嚟嘅。」

湯怡

湯怡

湯怡指原本是想和老公麥秋成一同參加，但他當日要工作，不在香港，「同埋原來男仔同女仔一齊做嘅話，女仔係要做男仔嘅重量，呢個對我嚟講一開頭嚟講係會有啲吃力，所以我點都搵個女仔一齊玩先，所以就搵咗經理人啦。當中最辛苦係要pick up返做運動，雖然自己跑開步，但我大髀力量係好弱，今次Hyrox八成嘅都係用隻腳去做，所以呢個對我嚟講都係有啲吃力。其實我買咗成set啞鈴喺屋企，但因為真係太忙，買咗返嚟淨係擺，哈哈。」

湯怡

湯怡

湯怡透露她是特意揀5月10日母親節這日參加，「其實Hyrox係分三日，我特登揀母親節呢一日，一嚟係俾自己一份嘅小禮物，二來我都想QQ睇住媽咪做呢個挑戰，佢嚟咗同我打氣，佢見到我不停喺度嗌：『媽咪加油、媽咪加油。』對於我嚟講其實好開心好鼓舞。Hyrox嘅氣氛同跑馬拉松好唔一樣，跑馬拉松可能你到終點先有機會見到自己嘅朋友、屋企人，雖然從來都未試過，哈哈。今次所有屋企人朋友喺場館入面，做每個Section、Station，都見到佢哋，所以個感覺真係兩回事。」

湯怡與囡囡QQ

湯怡與囡囡QQ

提到母親節，湯怡指囡囡QQ寫了張卡和畫了幅圖畫送給她，還有一份在學校整的小禮物，「係個筆插，但送完俾我之後佢自己拎返，哈哈，佢話係佢自己㗎喎，不過唔緊要嘅，因為佢而家識寫字又識表達，呢個對我嚟講係好開心。」經過今次，她覺得自己下年會再參加Hyrox，「不過要真係抽多啲時間認真去鍛鍊返自己，但同老公一齊玩呢個就我要說服到老公先，二來我要比而家更加強勁，因為我要做埋男人嗰個重量，所以努力一下先。」

湯怡與囡囡QQ