湯怡母親節挑戰健身賽Hyrox 囡囡現場打氣勁鼓舞

全球性大型健身賽事Hyrox香港賽於5月8日至10日一連三天在亞覽舉行，賽事吸引了不少熱愛運動的藝參加，當中包括湯怡（Kathy），她參加第三日的賽事，適逢母親節，這亦是一份給予自己的母親節禮物。

湯怡首次挑戰Hyrox。

湯怡表示：「其實今次係第一次玩Hyrox，事源就係我IG突然之間彈咗關於Hyrox嘅嘢出嚟，就問經理人其實難唔難玩㗎，講講吓就諗住同佢兩個一齊玩。係比賽前一個月左右先發生呢件事，第二日就報咗名。其實結咗婚有小朋友之後同之前嘅生活真係好唔同，一直都好想做返以前做嘅嘢，例如跑馬拉松或者做返gym，所以今次係一個開始嚟嘅。」

湯怡

湯怡

湯怡指原本是想和老公麥秋成一同參加，但他當日要工作，不在香港，「同埋原來男仔同女仔一齊做嘅話，女仔係要做男仔嘅重量，呢個對我嚟講一開頭嚟講係會有啲吃力，所以我點都搵個女仔一齊玩先，所以就搵咗經理人啦。當中最辛苦係要pick up返做運動，雖然自己跑開步，但我大髀力量係好弱，今次Hyrox八成嘅都係用隻腳去做，所以呢個對我嚟講都係有啲吃力。其實我買咗成set啞鈴喺屋企，但因為真係太忙，買咗返嚟淨係擺，哈哈。」

湯怡

湯怡

湯怡透露她是特意揀5月10日母親節這日參加，「其實Hyrox係分三日，我特登揀母親節呢一日，一嚟係俾自己一份嘅小禮物，二來我都想QQ睇住媽咪做呢個挑戰，佢嚟咗同我打氣，佢見到我不停喺度嗌：『媽咪加油、媽咪加油。』對於我嚟講其實好開心好鼓舞。Hyrox嘅氣氛同跑馬拉松好唔一樣，跑馬拉松可能你到終點先有機會見到自己嘅朋友、屋企人，雖然從來都未試過，哈哈。今次所有屋企人朋友喺場館入面，做每個Section、Station，都見到佢哋，所以個感覺真係兩回事。」

湯怡與囡囡QQ

湯怡與囡囡QQ

提到母親節，湯怡指囡囡QQ寫了張卡和畫了幅圖畫送給她，還有一份在學校整的小禮物，「係個筆插，但送完俾我之後佢自己拎返，哈哈，佢話係佢自己㗎喎，不過唔緊要嘅，因為佢而家識寫字又識表達，呢個對我嚟講係好開心。」經過今次，她覺得自己下年會再參加Hyrox，「不過要真係抽多啲時間認真去鍛鍊返自己，但同老公一齊玩呢個就我要說服到老公先，二來我要比而家更加強勁，因為我要做埋男人嗰個重量，所以努力一下先。」

湯怡與囡囡QQ

馮素波、湯怡、戴耀明現身香港藝術中心，出席香港糖尿聯會30周年拍攝微電影《腰豆》首播活動。波姐表示自己屬於「得閒就會同醫生溝通」類型，電話簿中有各科醫生的號碼，唯獨沒有有份出席活動的腎科醫生，於是順理成章「抄牌」，十分好笑。

微電影《腰豆》舉行首播活動。

微電影《腰豆》舉行首播活動。

波姐接受訪問時透露，經過今次拍攝，令她知道糖尿病有機會引發腎病：「身體係自己嘅，雖然話自己最清楚同了解，但出現一、兩次問題時，都係最好去搵醫生，唔好諗住有僥倖。」

波姐將在本月7日舉行《峰波情未了3.0之八十後存在演唱會》，開騷當日正是82歲生日正日，波姐表示已在密鑼緊鼓排練，又呼籲未買票的觀眾切勿錯過，問到有否邀請「孫仔」Lokman（楊樂文）與AK（江𤒹生），波姐說：「又無同佢哋交談，但如果佢哋唔嫌煩，我都好歡迎佢哋嚟，我當然想佢哋上台做嘉賓，但我無budget，所以佢哋嚟睇我已經好開心。」波姐又透露已邀請不少好友，當中包括二公主沈芝華、金牌監製梅小青，而身在內地工作的陳慧珊亦答應會回港捧場，令波姐十分開心。

馮素波、湯怡、戴耀明

提到修哥（胡楓）日前因急性膽管炎入院昏迷4日，波姐表示也是透過新聞才知悉。「修哥好強壯，身體扭下計啫，我幾年前都瞓過ICU，不過都希望修哥身體健康。」而對於「四哥」謝賢離世，波姐表示：「都係朋友send返我同四哥60年前合照出嚟，我問咩事先知原來佢已經『安樂』咗。」

馮素波

有份參與《腰豆》拍攝的湯怡向來「唔舒服就瞓多啲」，如非必要都不會去睇醫生，但經過今次拍攝，明白有時睇醫生是必須的，亦會學波姐多抄醫生牌，因為識人好過識字：「而家開始儲定，大家做個朋友仔，一定無壞。」踏入7月，身為媽媽的湯怡笑言近日最大的考驗是如何安排女兒「放電」，她說：「因為近半個月又打風又落雨，好多室外活動都做唔到，而家同佢諗住砌一個好大嘅 Lego 樂園，已在施工，另外都計劃緊去旅行，要有陽光與海灘。」

湯怡

提到好友衞詩雅日前拍劇受傷，傷口縫50針，湯怡表示已慰問對方：「佢先生好叻，已經幫佢處理好多嘢，大家都唔需要太擔心，我有 send 訊息畀佢，相信佢都想快啲好番、復工同埋出嚟見大家。」