願減薪4位數轉新工1原因樂在其中 打工仔感歎：人生不一定是加法

不少人轉工為求高薪，但有人卻反其道而行，寧願減薪4位數轉新工。更有同路人透露，轉工後人工減少了，連同大假也少了5天。然而，這兩位打工仔卻因同一個理由而甘願犧牲。

樓主感恩找到這份工作

樓主早前在社交平台Threads發帖，「講個小秘密：我返咗新工快一個星期喇。人工比要求少咗1K。但工作量少，準時收工，返5Days，彈性上班時間」。

Getty示意圖

樓主還透露返工的日常，「工作時間可以用耳機聽歌／收音機，同事各自不八婆亦不冷漠。缺點係貨倉裏的寫字房大塵，洗手間同上落客𨋢唔算乾淨，但已經覺得上天待我不薄了。打算出糧後捐少少錢做善事，感恩」，可見樓主對於現在這份工作感到十分滿意。

人生不一定是加法

樓主在留言補充「人生不一定是加法，減去壓力心也寬」、「仲有以前失業聽開早霸王，而家Keep住工作有得聽，真係好珍惜呢件事」、「我都失業咗近1年，有時一份不適合自己的工請辭，係保命的一種求生本領」。樓主續指「返工地點近屋企嘅人生，比人多咗私人時間，從容不迫，人都會寬容啲」。

Getty示意圖

有同路人分享經歷

帖文一出，有不少網民在留言下方戥樓主開心，亦有同路人分享自己的經歷「情況同我相似。人工比之前少了1K，大假由20天變為15天，觀塘維港海景View變為現時觀塘舊式工業大廈。5天工作變為周6半天長短周。但工作輕鬆做半天，完成應做的工作可以上網，篤電話，放工絕對準時。由面對寫字樓過百位同事變為現時未夠20個。

Getty示意圖

環球外資公司變為現時本地人公司，公司同事由以前是洪水猛獸的各部門互鬥，變為現時各人做妥份內工作交到差就可，同事關係比之前簡單。返了3個星期已習慣，甚至感恩這個環境年紀又不是青春後生，還能做回文職工作，人工少了也沒所謂了」。兩名打工仔願意減薪轉新工，都是因為壓力比上一份工作小，所以即使人工減少，亦樂意接受。

網民：喺地獄做耐咗 轉工感覺到咗人間仙境

有網民羡慕地表示「彈性上班時間已經無敵」、「返工最怕壓力大，少過上一份就值得恭喜」、「之前喺地獄做耐咗，一轉工就感覺到咗人間仙境」、「收工準時，唔多嘢做，同事又ok，唔好講呢個時世，就算平時都好好，加油啊」。

Getty示意圖

清明時節，先人墳前除了香燭鮮花，往往還擺滿了各式祭品。但當你拜祭完畢轉身離開，那些燒肉、生果、發糕最終去了哪裏？近日就有網民在社交平台分享短片，直擊一隻野豬闖入墓地，正「Jap Jap聲」滋味地偷吃祭品，隨即引發網民熱烈討論，更有自稱前墳場修樹工人，爆出祭品終極去向真相。

threads 截圖

樓主：拿走祭品會好啲

短片中，一隻野豬在墓地裡埋頭大嚼，吃得相當投入。上載片段的樓主在帖文中笑言是「野豬食燒豬野餐」，並呼籲大家「拜祭先人後，都係拿走祭品會好啲」。不過，有眼利網民糾正，野豬當時其實只是在吃一個疑似發糕的「包」，旁邊的燒肉早已散落一地。

threads 截圖

網笑：由得佢食啦，食晒唔浪費最好！

對於野豬的「偷食」行為，網民反應兩極。一方認為應寬容對待，留言如「由得佢食啦，食晒唔浪費最好！」、「俾豬仔食下啦，唔好趕盡殺絕」，更有人覺得「睇到隻野豬食到Jap Jap咁開心」是好事，反正「先人食完就到野豬食，又唔使浪費食物幾好呀」。他們認為，墳場本就是流浪動物的覓食地，享用祭品實屬正常。

threads 截圖

前修樹工人大爆內情

另一方則關注環境衛生與安全，支持樓主建議，認為拜祭後自行清理祭品才是正確做法，「拜完清理乾淨先啱」。然而，整場討論最引人注目的轉折，是一位自稱「曾經係喺墳場嘅修樹工人」的網民現身說法。

threads 截圖

這位前修樹工人爆出一個可能許多拜山客從未想過的內情：「我想講，你哋放喺先人墳前嘅祭品，只要你哋離開墳場之後，係會有外判清潔工人確定好無人之後，拎返去自己食或即日做午餐，所以有無野豬其實無分別。」這番話猶如投下震撼彈，揭示了祭品的另一條「消化」路徑。

網民提倡環保拜山

其他網民隨即補充，總結出祭品離場後的三大去向：「一係就俾人哋執咗去食，一係益咗野豬，一係就清潔掃走。」事件也引發對祭祀文化的反思，有網民自豪地表示自己是最環保的拜山客，「乜都唔會帶去，連花都唔會有一支，只帶個心去」，提倡更簡約的追思方式。