以「𡃁模」身份出道的鄧洢玲（阿旦Elaine）入行多年，主力做主持工作，而其火辣的身材一直都是網民焦點，雖然她已經年過40歲，但身材依然Fit到爆，她亦相當識做，不時在社交平台晒靚相，近日她就趁41歲生日大派福利！
鄧洢玲擁有火辣身材。
不時在社交平台派福利。
鄧洢玲日前迎來41歲生日，她在IG晒出婚紗照及拍攝花絮，可見她穿上低胸婚紗，將其豐滿上圍展露無遺，加上中間透視的設計，若隱若現更具誘惑，她一舉手一投足更散發出迷人女人味，睇到網民心心眼！不過，鄧洢玲並不是宣布結婚，而是對大一歲有感而發，「話咁快又繞咗太陽一圈，人生呢場奇妙旅程，有時似過山車刺激，有時似單車悠閒，最溫暖嘅係…沿途有你哋嘅陪伴。」
鄧洢玲又坦言自己都有年齡焦慮，「年齡？不過係雞蛋盒上嘅數字,話冇焦慮就假㗎～但請記住：每人嘅時間線都唔同！際遇不同，何必比較？當迷茫時就問下自己：『究竟係目標唔清晰？定係唔夠自信？』只要認識同了解自己深啲，適合嘅人同事，自然會喺對嘅時候出現。」最後，鄧洢玲表示：「新一歲，繼續做個： 樂天知命嘅 #鄧雞旦，保持好奇嘅探索者，心懷感恩嘅旅人！」
影片截圖
影片截圖
影片截圖
影片截圖
影片截圖
藝人主持鄧洢玲（阿旦）近日喜遇前娛樂台主播舊同事黄合秀（Season），二人即興合體推出全新Podcast節目《夜闌人靜 Small Talk》，以理性與感性雙重視角，陪聽眾度過深夜時光。節目已於昨日（11月11日）正式上線，逢星期二於Apple Podcast更新聲音版，星期日則於YouTube上載視像片段。
鄧洢玲與黄合秀合體推出全新Podcast節目《夜闌人靜 Small Talk》。
阿旦目前除咗做生意，繼續活躍主持拍片工作，Season則早已轉去財經節目。二人曾於娛樂新聞臺共事多年，原來阿旦除咗性感仲好感性——一講到感情就眼濕濕；Season則擅長理性拆解世界。節目標榜「屬於兩個唔同世界嘅聲音」，每集用唔同價值觀睇世界，話題涵蓋生活、情感以至社會熱點，旨在成為都市人夜闌人靜嘅最佳陪伴。
鄧洢玲
黄合秀
首集雙雙大爆人生轉行路
第一集阿旦率先分享即使身為主持、除咗做生意仍然繼續拍片工作，仍堅持憑一己之力做生意。她首次公開最大動力來自父親臨終遺言：「冇男人照顧，就要靠自己。」阿旦一講到呢句就哽咽道：「爸爸走之前講咗呢句話。我由細到大都冇靠過男人，創業嗰陣更加記住呢句話。」她坦言：「做老闆娘聽落好風光，但其實好辛苦！每日早起晚歸，處理財務、客戶投訴，仲要面對市場競爭。有時一個決定錯咗，就可能血本無歸。」阿旦不諱言創業初期的低谷，包括資金短缺、孤立無援的孤獨感，以及平衡主持拍片與生意生活的掙扎。
鄧洢玲
鄧洢玲
Season則爆出另一條人生軌跡：當年理性判斷娛樂圈唔適合自己，毅然轉行跑新聞，由記者做起。「放棄嗰時娛樂台比較高嘅收入，真係唔容易。新聞行業人工唔高，但覺得更有挑戰。」後來除咗做財經節目仲走咗去結婚生仔。她笑言：「日日追財經加日日追仔，少啲心力都唔掂！」Season坦言，經歷過身份認同危機，「日日上鏡加埋湊仔，需要極強嘅時間管理、情緒管理同危機處理能力。」
黄合秀
黄合秀
阿旦聞言即場「捉住」Season：二人你一言我一語，理性拆解女性多重身份的社會標籤，感性分享轉型背後的掙扎與成長。阿旦聽爸爸遺言靠自己，——成功從來唔止一種定義。」阿旦興奮表示：「好開心可以同Season再合作！呢個節目唔止係傾偈，係用理性同感性一齊探索世界，等大家聽得過癮、睇得開心。」Season補充：「我哋唔止有聲音，仲有畫面，等你哋每星期陪我哋過夜闌人靜嘅晚上。」
《夜闌人靜 Small Talk》現已登陸Apple Podcast及YouTube，歡迎訂閱及留意更新。
《夜闌人靜 Small Talk》
