現年41歲、被封為「宅男女神」的鄧洢玲（阿旦），近年雖然減少幕前工作，但仍積極尋找新發展方向。繼袁嘉敏之後，她亦將性感化為商機，開設付費平台與粉絲分享更多作品。日前她於社交平台上載多張比堅尼照片，大方展現保養得宜的身形。
雖然近年減少幕前工作，但身材仲keep得好好
阿旦在帖文中透露，早於數年前已開始經營Patreon，原因是不想浪費每次拍攝的大量成果。她表示平日社交平台只會精選少量照片發布，但實際拍攝素材遠比想像中多，因此希望透過更私密的平台完整記錄與分享。同時，她亦提到翻看舊照時，能夠重新感受當時的心境與人生階段。
大方派福利
早於數年前已開始經營Patreon
多一個分享加創造收入的平台
她亦預告正籌備新一輪拍攝計劃，並主動向粉絲收集意見。從照片所見，阿旦狀態依然出色，身形線條與肌膚狀態都維持得相當理想。
預告正籌備新一輪拍攝計劃
此外，她指出目前訂閱者中有不少來自海外的華人及移民港人，對她的支持成為持續創作的動力。在本地娛樂市場轉變之下，阿旦透過經營付費內容平台開拓新收入來源，亦為自己的事業發展開出另一條路。
藝人主持鄧洢玲（阿旦）近日喜遇前娛樂台主播舊同事黄合秀（Season），二人即興合體推出全新Podcast節目《夜闌人靜 Small Talk》，以理性與感性雙重視角，陪聽眾度過深夜時光。節目已於昨日（11月11日）正式上線，逢星期二於Apple Podcast更新聲音版，星期日則於YouTube上載視像片段。
鄧洢玲與黄合秀合體推出全新Podcast節目《夜闌人靜 Small Talk》。
阿旦目前除咗做生意，繼續活躍主持拍片工作，Season則早已轉去財經節目。二人曾於娛樂新聞臺共事多年，原來阿旦除咗性感仲好感性——一講到感情就眼濕濕；Season則擅長理性拆解世界。節目標榜「屬於兩個唔同世界嘅聲音」，每集用唔同價值觀睇世界，話題涵蓋生活、情感以至社會熱點，旨在成為都市人夜闌人靜嘅最佳陪伴。
鄧洢玲
黄合秀
首集雙雙大爆人生轉行路
第一集阿旦率先分享即使身為主持、除咗做生意仍然繼續拍片工作，仍堅持憑一己之力做生意。她首次公開最大動力來自父親臨終遺言：「冇男人照顧，就要靠自己。」阿旦一講到呢句就哽咽道：「爸爸走之前講咗呢句話。我由細到大都冇靠過男人，創業嗰陣更加記住呢句話。」她坦言：「做老闆娘聽落好風光，但其實好辛苦！每日早起晚歸，處理財務、客戶投訴，仲要面對市場競爭。有時一個決定錯咗，就可能血本無歸。」阿旦不諱言創業初期的低谷，包括資金短缺、孤立無援的孤獨感，以及平衡主持拍片與生意生活的掙扎。
鄧洢玲
鄧洢玲
Season則爆出另一條人生軌跡：當年理性判斷娛樂圈唔適合自己，毅然轉行跑新聞，由記者做起。「放棄嗰時娛樂台比較高嘅收入，真係唔容易。新聞行業人工唔高，但覺得更有挑戰。」後來除咗做財經節目仲走咗去結婚生仔。她笑言：「日日追財經加日日追仔，少啲心力都唔掂！」Season坦言，經歷過身份認同危機，「日日上鏡加埋湊仔，需要極強嘅時間管理、情緒管理同危機處理能力。」
黄合秀
黄合秀
阿旦聞言即場「捉住」Season：二人你一言我一語，理性拆解女性多重身份的社會標籤，感性分享轉型背後的掙扎與成長。阿旦聽爸爸遺言靠自己，——成功從來唔止一種定義。」阿旦興奮表示：「好開心可以同Season再合作！呢個節目唔止係傾偈，係用理性同感性一齊探索世界，等大家聽得過癮、睇得開心。」Season補充：「我哋唔止有聲音，仲有畫面，等你哋每星期陪我哋過夜闌人靜嘅晚上。」
《夜闌人靜 Small Talk》現已登陸Apple Podcast及YouTube，歡迎訂閱及留意更新。
《夜闌人靜 Small Talk》
