海洋公園公開「家姐細佬」高清靚相 記錄大熊貓「又懶又cute」日常

星期日（6月1日）是國際兒童節，海洋公園在社交平台公開一批大熊貓「盈盈」同一對仔女「家姐」加加同「細佬」德德的高清圖片，各位熊貓迷快啲save做wallpaper啦！

懶洋洋「細佬」德德

正如海洋公園小編所言，望著這批記錄熊貓們日常又懶又cute的高清圖片，大家「心已融化」

「細佬」德德迷人的紫薯麻糬背影

「細佬」德德瞓醒啦

「細佬」德德：媽媽，家姐喺邊度？

相片曝光掀起網友熱議，大家紛紛留言：「日日睇d對白好正，辛苦小編日日都加d對白落去，令到成件事更加可愛」、「阿得兩粒牙」、「最尾果張好似小樹熊」、「得得 得得意，家姐仔都得得得意呀」

「細佬」德德：家姐~

媽媽「盈盈」：家姐，你喺邊度啊

「家姐」加加：我喺呢度啊

「家姐」加加：細佬你爬到咁高嘅

「細佬」德德：到你搵我啦！數十聲後開始

星期日是一年一度的父親節，海洋公園的一眾動物爸爸們今日亦收到來自飼養員們的暖心祝福，而當中有最chill爸爸之稱的大熊貓「樂樂」亦坦言，「我雖然唔知咩係父親節，但我今日過得好快樂呀！」

IG圖片

海洋公園在社交平台公開園中多位動物爸爸收到的父親節祝福，其中大熊貓「樂樂」早上一瞓醒，就見到超多契爸契媽同動物朋友仔祝自己父親節快樂，不過向來不知自己早已成為爸爸的「樂樂」就全程都係十萬個黑人問號「？？？」

IG圖片

IG圖片

雖然同自己的一對寶貝子女家姐「加加」同細佬「德德」緣慳一面，心有靈犀的「樂樂」在父親節這天食得飽、瞓得冧已經無得輸，仲有兩姐弟隔空送上寫有「父親節快樂」的竹子，不怪得「樂樂」心滿意足「我決定唔問太多，照單全收」