旅行最緊要近｜農夫合體暢遊大灣區尋日本泰國平替 胡敏芝因一句話獲封「行姐」

由二人組合農夫︰陸永（6永）、鄭詩君（C君）夥拍胡敏芝（Karen）主持的旅遊文化節目《旅行最緊要近》，逢周四晚九點三十五分及周五晚九點半TVB Plus（82台）播映。三人本住坐熱氣球不一定要到土耳其的宗旨，以一小時生活圈為出發點，沿住高鐵線食玩買盡大灣區城市，尋找日本、泰國以外的平替，用最低消費，獲最高享受。

今晚6永、C君及Karen主持的《旅行最緊要近》首播。

今晚（6月5日）陸永（6永）、鄭詩君（C君）及胡敏芝（Karen）聯手主持的《旅行最緊要近》首播，節目中C君講到今趟構思的由來，他說︰「最近睇咗蔡瀾先生嘅訪問，獲益良多。佢話人要有修養就要多做兩樣嘢，多讀書、多旅行。我當然想多旅行啦，但無咁多假期，惟有去啲近啲地方，所以旅行最緊要近，一個禮拜六、日即刻去玩下、食下、歎下。」就好似今集目的地，從香港出發只花了一小時便到達的廣州。搭乘全能觀光巴士，車內既提供飲食又有歌聽，途經全廣州標誌性建築物。

三人坐觀光巴士暢遊打卡點。

三人坐觀光巴士暢遊打卡點。

三人坐觀光巴士暢遊打卡點。

今趟行程重點之一，是到訪一間頂級粵菜餐廳，合作夥伴為全球知名香檳品牌。大廚為各人預備涼瓜薄荷湯做頭啖湯，接住的生醃西施貝、一口薑蔥白切雞等，都是一人份量的精緻粵菜，方便就算人數少，都可以品嚐多款菜式，最精彩是甜品的椰子雪糕，製成一支牙膏，並提供牙擦品嚐。

跟知名香檳品牌合作的粵菜餐廳。

跟知名香檳品牌合作的粵菜餐廳。

跟知名香檳品牌合作的粵菜餐廳。

一人份量的精緻粵菜，勝在可試勻不同款色。

一人份量的精緻粵菜，勝在可試勻不同款色。

薑蔥白切雞

護國海參

魚子醬鹵水鵝肝

特色點心

製成牙膏狀的椰子雪糕。

接住是品味之旅，三人到訪一間格調高雅，主打黑膠碟及威士忌的Jazz吧，Karen問到此行是否想替她培養品味，但C君毫不避諱說︰「以你品味嘅程度，唔能夠稱得上醞釀，你係一個品味胚胎，應該逢禮拜六嚟品味一下。」C君教各人品嚐威士忌，他為陸永點了一款略帶甜易入口的威士忌︰「呢一隻我喺『子華神』（黃子華）屋企飲過，勁得嚟唔係好辣。」他又教Karen假如見到綠色樽的威士忌，該款酒好大機會帶「醫院味」。

主打黑膠碟Jazz吧格調高雅。

主打黑膠碟Jazz吧格調高雅。

主打黑膠碟Jazz吧格調高雅。

主打黑膠碟Jazz吧格調高雅。

節目最後一站三人介紹一間天花板級數的按摩水療店，設施可媲美5星級酒店，美食及飲品更是無限量供應，適合一日快閃酒店都不想訂的人士。不過，Karen繼被形容為「胚胎」後再度出事。當調酒師搖動搖酒器時，她脫口而出說︰「好有架勢呀。」身旁的農夫展示難以置信的表情，更被C君取笑她用詞例牌，他說︰「所有嘢你都要有一個最『行』嘅形容，其實你先至係『行姐』呀，大佬。」

Karen享受天花板級按摩水療服務。

Karen享受天花板級按摩水療服務。

Karen享受天花板級按摩水療服務。

場內同時提供酒店級自助餐。

場內同時提供酒店級自助餐。

場內同時提供酒店級自助餐。

此外，Karen雖然被連番取笑，接受訪問時仍不忘賣口乖，她笑說︰「咁點都有小小壓力嘅 不過佢地好好人係好好嘅前輩，會同我講點樣做會好啲提點我!。反而係佢地太搞笑 笑到我成日都講唔到野。」

Karen被取笑說話內容行。

Karen被取笑說話內容行。

由無綫與優酷聯合出品，鍾澍佳、關旭總監製，方浤酌／關文深／權香蘭監製，方家逸、潘漫紅、楊雪兒總編劇的律政劇《康業信貸快遞物業貸款呈獻：正義女神》，逢周一至周五晚翡翠台八點半播映，主要演員有佘詩曼、譚耀文、陳煒、周嘉洛、許紹雄、馬貫東、蔣祖曼及戴祖儀，特別演出：文頌嫻。

羅皓誼首度挑戰喊戲，表現不俗。

啲欺凌場面拍得好逼真，亦因為咁更加有警誡同埋警世效果，呢啲都係全靠台前幕後嘅用心同努力。

樣子可愛兼楚楚可憐的羅皓誼，加上皮膚白晢，獲封「小白兔女孩」。

昨晚一集《正義女神》言官（佘詩曼飾）審理的「女學生傷人案」，案情亦貫徹劇情特色反轉再反轉。女學生文靜宜（羅皓誼飾）因用美工刀𠝹傷男教師張一匯（周嘉全飾）上庭，並聲稱是因張一匯企圖非禮所以自衛；言官感事有蹊蹺，破天荒要求檢控官雅晴（戴祖儀飾）傳召全班三十名同學作證，並以敏銳觸覺識破「美工刀謊言」，終引出其中一名女學生連詩詩（胡敏芝飾）講出真相，原來一切是女學生集體欺凌引發的悲劇…

齋睇Chloe個樣都感受到嗰種絕望。

Chloe最難忘廁所被集體欺凌同埋被推落樓梯戲份，而呢場碌落樓梯戲份雖然係短短嘅場口，但佢都堅持親身上陣，好專業！

Chloe最難忘廁所被集體欺凌同埋被推落樓梯戲份，而呢場碌落樓梯戲份雖然係短短嘅場口，但佢都堅持親身上陣，好專業！

獲網民激讚「每個案件都有新人，每一個都演得好好」的《正義女神》，昨晚個案的焦點新演員絕對是羅皓誼（Chloe）及胡敏芝。羅皓誼（Chloe）飾演的靜宜，因被揭發寫情信給張Sir，從而跌入被誣陷及集體欺凌的地獄，最終更被逼走上傷人之路。由於遭受「惡霸學生」（張天妮及劉詠彤飾）一再威脅，Chloe經常要呈現惶恐及有口難言狀態，配合她清純的樣子，著實我見猶憐；之後當真相水落石出，靜宜在庭上涕淚交連的「漸進式崩潰自白」場口亦相當有感染力，Chloe的情緒明顯跟著角色訴說的不幸遭遇有所遞增，由最初的委屈、不甘、無助，最後演變成絕望及走向崩潰，最後Chloe聲嘶力竭的「爆喊道歉」：「好我後悔呀，對唔住呀，對唔住呀，我唔應該咁做架」，更是令網民大感動容，好奇飾演靜宜的新面孔是誰之餘，並大讚樣子可愛的Chloe是「小白兔女孩」：「好漂亮，小白兔一樣的女孩」、「妹妹演得真好，又漂亮」、「學生裝好清純」。

其實Chloe之所以贏得網民一致同情，除因為靜宜角色自身的悲慘遭遇及Chloe本身自帶的可愛清純感，亦與劇組將欺凌場面拍攝得相當像真有關；為了強調靜宜身處的環境有多地獄，劇組將搶情信、集體語言暴力、扯頭髮、掌摑、除衫羞辱、倒垃圾落飯盒、用波掟，甚至是推落樓梯，畫面的逼真混亂感，再配以Chloe無力又可憐的無聲吶喊，令人看得相當心酸，亦逼令受眾正視在各地已存在了多時的校園暴力問題。就像言官判詞所說：「同學之間嘅欺凌行為，經常被大人視為簡單嘅、過火嘅玩笑，而輕視咗佢嘅嚴重性，學校息事寧人嘅態度，對孤立無援嘅受害人嚟講，係等同二次傷害。如果校方同埋家長，可以及早重視、及早阻止，教導年青人正確嘅價值觀，而唔係做無聲嘅幫兇，咁本案就唔會發生。」

雖然言官判咗靜宜入更生中心，但其實佢私下有託蔣祖曼拎本書畀靜宜予以關心及指引，好有愛。

雖然言官判咗靜宜入更生中心，但其實佢私下有託蔣祖曼拎本書畀靜宜予以關心及指引，好有愛。

最終言官判靜宜入更生中心，遭程睿燊（馬貫東飾）怒斥太狠心，而言官的回應則以另一種方式演繹了何為「慈母多敗兒」：「法律係道德嘅底線，文靜宜真係有做錯，我唔理佢咩原因…咁細個就講大話畀假口供，如果判決冇足夠阻嚇性，你認為佢會記得今次嘅教訓咩？班細路依家唔教，你將來先去阻止佢哋就已經太遲喇。」根據劇情，靜宜入了更生中心受到應有懲罰後反而變得更釋懷，亦因著言官及鄭邵玲（蔣祖曼飾）的引導，有了重新出發的動力和希望。

現年22歲的羅皓誼Chloe，2022年經藝訓班加入無綫，並以《愛‧回家之開心速遞》中的卜卜脆一角深入民心，之前在《異空感應》中飾演的叛逆少女羅秀慧，亦獲得了一定好評。早前，有網民發起「TVB三大童顏女藝人」選舉，Chloe僅次於羅毓儀、倪嘉雯排名第三，足見入屋度。談到被欺凌場口拍攝極逼真，Chloe受訪時透露劇組及佳導為了確保她們拍攝時的安全，在現場做足保護措施之餘，佳導更是全程貼身指導：「佳導有教我哋打面時，要打面下面骨嘅位，咁先唔會受傷。同埋畀人扯頭髮時，我要盡量借力挨後，一來冇咁易整親，二來出到嚟嘅畫面先會好。」

之前喺《麻雀樂團》有亮麗表現嘅Karen，今次演繹同樣到位。

佢個樣真係好內疚。

網民大讚佢同Chloe扮學生零違和之餘，亦好有CP感。

完全感受到詩詩嘅自責同內疚。

周嘉全飾演被誣陷嘅張Sir。

感激佳導貼身指導：佢一見我有唔明，就會即刻教我
談到最難忘場口，Chloe透露是廁所被集體欺凌及被推落樓梯場口：「廁所嗰段一來係重頭戲，二來我哋拍嘅地方真係廁所嚟，所以係我人生第一次瞓喺廁所裏面，同埋嗰段戲都多拉扯，所以都辛苦」、「至於樓梯嗰場因為係自己親身碌落去，劇組為咗咁做咗好多安全措施，同埋台前幕後都有不斷關心問有冇整痛我。」Chloe續指其實拍樓梯戲當日劇組有book男替身，但最後因為「腳毛」問題，Chloe就自告奮勇頂上：「因為個替身著裙，拍時個shot好難就，我就提議不如自己嚟，因為我覺得個樓梯個高度都Ok Handle到。其實拍攝現場係鋪咗好多海棉墊同埋有人幫我卸力，所以好安全。」

Chloe續指是次是她首拍喊戲，故事前感到「有啲大壓力」，並感激佳導貼身指導及阿佘幫忙帶入戲：「拍法庭戲時，劇組畀咗個好安靜環境我去培養情緒，除搬嘢時特登好細聲，連講嘢都唔敢大聲，驚影響到我，令我好感動。佳導都有睇住我，一見我有唔明，會即刻教我」、「其實第一場拍我係有啲驚，但當言官（佘詩曼）一行上庭就已經拉咗我入戲、冇晒擔心嘅感覺。」

阿佘今次飾演嘅言官沉穩睿智又有愛。

言官呢番話好有啟發性。

另之前憑《麻雀樂團》的「可愛慳妹」程晴贏盡好評的胡敏芝Karen，這次飾演為了公義、決心鼓起勇氣說出真相的詩詩，詩詩與靜宜一樣同樣曾受欺凌，並曾因為同學將欺凌目標轉往靜宜感到鬆一口氣、並一時自私選擇「見死不救」而大感內疚，故在法庭說出真相時情緒大為激動，配以Karen「小綿羊」的感覺，將角色的內疚及後悔相當立體的展現出來，與Chloe一樣贏盡好評及同情。網民又指現年26歲的Karen，與Chloe演同學完全沒有違和感，並大讚這對「女學生閨蜜CP」相當合襯！