KOL「五索」鍾睿心（Rachel）與百億富豪馬清鏗的「父女戀」近日再成熱話！早前被踢爆暗交9年並育有4名子女後，五索不但無懼輿論，更在生日派對上高調放閃，獲馬清鏗以「背後抱」姿勢甜蜜慶生，隨即引發網民熱議。
五索經常與林作裕美拍片
五索日前在IG分享慶生照，相中可見她至少切了三個蛋糕，與朋友、同事及「最重要嘅馬生」慶祝。最吸睛嘅係兩張「背後抱」合照，馬清鏗從後「箍頸」攬實五索，女方則一臉幸福搭住男友隻手。雖然五索用「馬」emoji遮住馬生樣貌，但此舉反而更顯曖昧，網民笑稱：「使乜遮啫，個個都知係邊個啦！」
曬慶生相
好開心
感謝朋友
當然仲有馬生
依然咁sweet
IG粉絲破11萬
值得留意的是，自婚外情曝光後，五索IG追蹤人數不跌反升，目前已突破11萬大關。她在帖文中寫道：「多謝咁多位同我慶祝生日嘅朋友＋同事們！感謝大家！祝福滿滿～下年五索節再慶祝！」獲大批網民留言祝福：「馬生好靚仔呀」、「甜到呢～生日快樂」，亦有人起哄叫佢公開馬生真面目。
「五索」鍾睿心（Rachel）被外界形容為「最強小三」，與與66歲、身家以百億計的大生銀行主席馬清鏗相戀多年，二人更育有四名子女。「五索」一夜爆紅的背後離不開裕美與林作的功勞，不過近日瘋傳兩人鬧不和，裕美男友林作周六在灣仔范德偉律師事務所召開記者會，澄清近日有關裕美與「五索」關係轉差的傳聞。
裕美IG截圖
林作在記者會大爆裕美從未在合作中賺取豐厚利潤，又指二人從來不是合夥關係「從來都唔係一伙」，一切協助純屬幫忙。林作又指大家出來做生意，應該互相祝福，不應該踩低別人。
裕美IG截圖
裕美IG截圖
裕美雖然未現身記者會，她亦於星期六晚在IG撰文回應：「女人一定有自己事業，我一直都講，隔籬嗰個有錢是人哋的錢，如何自由分配，唔到你話事。一切都是表面風光，世上沒有不勞而獲，亦唔會有兩全其美。你有得一樣嘢，就會冇第二樣嘢，要做嘅係自己有能力，那你就可以有話事權，亦唔會俾人看不起。當你完全依附一個男人，佢會話：『我比屋你住比飯你，食仲想點？』我對我家狗狗都比屋企佢哋住、俾飯佢哋食，得閒買啲玩具俾佢哋玩，外人點樣講我，我冇所謂，但一個曾經相識，並用心過既人，到頭來搵人出嚟顛倒是非黑白，確實失望。再講落去，只會令我諗起一直以來捱更抵夜做過既一切回憶而感到戇居。不過，係我揀，唔想再講，我繼續向前行。重申：『唔好再做咁多小動作，請努力做好自己嘅嘢，我會繼續祝福。』」
「五索」鍾睿心IG截圖
「五索」鍾睿心IG截圖
「五索」鍾睿心IG截圖
