柳應廷時隔5年再Busking感觸落淚 甩歌詞仍獲粉絲撐爆：下次覆桌！

MIRROR成員柳應廷（Jer）日前現身灣仔海濱舉行「Jer仔 Music Live 2.0」Busking活動，吸引數百名「柳炒」（粉絲暱稱）到場支持，場面墟冚！事隔5年再街頭獻唱，Jer感觸良多，事後在社交平台發文感謝粉絲，更自嘲甩歌詞，但承諾下次會「覆桌」補數！

 Jer在帖文中寫道：「事隔5年，估唔到要咁耐先可以再Busking，拿...我找數post片ga！」他坦言對這次演出非常期待，更開放點歌環節，與粉絲互動12。不過，他亦自爆表現未算完美：「雖然今日有啲甩歌詞，但希望唔會影響你哋比我咁個咁靚嘅回憶喇！」粉絲紛紛留言力撐：「甩歌詞都係回憶一部分！」、「你嘅真誠先最打動人！」

IG@jeremylaous圖片

IG@jeremylaous圖片

IG@jeremylaous圖片

IG@jeremylaous圖片

大埔宏福苑五級大火摧毀無數家園，導致嚴重傷亡，全城陷入悲慟，不少娛樂活動都紛紛暫停或延期以示哀悼。MIRROR成員柳應廷（Jer）於11月30日至12月1日假亞博舉行的《Jer Lau “The Shape of Breathing” Live 2025》雖然如期舉行，但首場門票及相關周邊產品銷售所得之盈利，將悉數捐予本地募捐平台，用於支援大埔宏福苑火災的受災者及其家屬，而Jer在正式開show前亦在社交平台發文，希望以音樂的力量，讓大家能忘記暫時傷痛。

《Jer Lau “The Shape of Breathing” Live 2025》雖然如期舉行，但首場門票及相關周邊產品銷售所得之盈利，將悉數捐予本地募捐平台，用於支援大埔宏福苑火災的受災者及其家屬。

Jer IG圖片

Jer表示：「作為一個音樂創作人，我一向都好相信音樂的力量，佢係我成長路上，一直都有比左好多力量我走過黎，陪我傷心，陪我難過，陪我開心，陪我成長。係呢個時候，知道大家都非常難過，我覺得正正就係需要音樂力量嘅時候，哪怕只係令自己忘記短暫嘅唔開心，或者搵到短暫嘅情緒出口，但『它』的確很靠譜。由我今年創作演唱會嘅主題，大碟『金繼』就係希望可以修補大家人生中唔同階段嘅碎片，希望大家『今天過後，繼續努力生活下去』。」

Jer IG圖片

Jer感謝這兩晚入場的的朋友，希望大家可以8點15分準時入到場，「屆時，大家同我仲有演唱會團隊，會係開場前進行一個默哀悼念儀式，向今次嘅傷難者致以最深切嘅慰問。」最後，他表示：「香港人，大家要撐住！無論身邊嘅家人朋友，希望大家可以用自己嘅方式去幫/關懷大家，多慰問，多關心，多陪伴身邊嘅人。以愛嘅方式，手牽手繼續走下去，我地一定可以好快撐過來，加油！」

Jer IG圖片