「致敬詞聖盧國沾作品演唱會 」紅館圓滿完成 羅嘉良張與辰劉洋以金曲向沾Sir致敬

「致敬詞聖盧國沾作品演唱會」昨晚 (6月7日) 於紅磡體育館圓滿完成，一眾表演嘉賓包括葉振棠、徐小明、羅嘉良、呂珊、李龍基、張德蘭、米雪、溫兆倫、 雷安娜、蔣志光、麥潔文、黃寶欣、羅敏莊、張與辰和劉洋聯同由麥家樂擔任指揮的寰宇交響樂團以沾Sir的經典金曲向他致敬。

歌手和盧國沾女兒盧葦蓁大合照。

米雪

羅嘉良

呂珊

打頭陣的張德蘭以一曲《相識也是緣份》為全晚演唱會揭開了序幕，之後她說 :「首先我要多謝大家嚟支持今晚演唱會，其實盧國沾先生真係寫咗好多令大家刻骨銘心嘅金曲，對我哋香港樂壇有好大嘅貢獻，盧國沾先生嘅作品係我哋 香港好寶貴嘅文化遺產，你哋話係唔係?所以我喺度希望大家用你哋最熱烈嘅 掌聲送俾盧國沾先生，好嘛?」此時全場掌聲雷動，德蘭續說:「我睇過盧生佢生前出嘅一本書，叫做《歌詞的背後》，我睇晒成本書，我發覺盧生原來好 鍾意大自然，所以如果你有留意盧生嘅歌詞，你會發覺佢係會有好多對大自然 嘅描寫，更加有好多佢嘅人生哲理喺裡面，咁我知道佢今晚佢嘅女女喺度，盧太亦都喺後台聽我哋唱歌，我想借呢個機會除咗多謝盧生，亦都要多謝盧太，因為佢一直都比好多支持同埋佢好愛盧生，我同佢哋真係相識咗好耐，咁呢個時候我唔阻大家咁多時間，我喺度送俾大家一首我好鍾意嘅歌，大家可以細味裡面嘅歌詞，呢首歌我比較少唱，但我今晚好想用心將佢唱俾大家聽，呢首歌就係《情若無花不結果》。」唱畢此曲後德蘭說:「真係好掛住佢，跟住我唱嘅歌可以話改變咗我嘅歌唱事業，因為呢首歌係盧生第一首寫俾我嘅電視劇插曲，《鮮花滿月樓》」接著的李龍基獻唱了《陸小鳳》和《浣花洗劍錄》;呂珊先唱出《每當變幻時》，珊姐說;「好多謝主辦單位邀請我嚟演繹沾Sir嘅歌，其實佢咁多首唔同類型嘅歌曲，喺我哋嘅成長過程都代表唔同嘅片段，佢嘅歌太精彩，隻隻歌我都想唱，大家平時應該好少見到我着晚裝，今晚可以同咁好嘅樂團一齊合作，跟住送俾大家嘅呢首歌都係由細唱到大，呢首就係《神鳳》。」

李龍基

徐小明

張與辰和劉洋

葉振棠出場先唱出《大內群英》，棠哥說:「多謝大家對盧Sir嘅支持，其實我自己當年好幸運，因為我加入麗的電視之後就一口氣可以唱咗六套劇嘅主題曲同插曲，呢啲主題曲同插曲都係盧Sir嘅作品，大家仲記唔記得《大內群英》、《浮生六劫》、《浴血太平山》、《大俠霍元甲》同埋《太極張三丰》嘅主題曲，仲有《浮生六劫》嘅插曲《戲劇人生》、《浴血太平山》嘅插曲《找不着藉口》、《大俠霍元甲》嘅插曲《誰知我心》，我非常非常多謝盧Sir對我嘅愛戴，但係大會同我講雖然我自己有咁多首盧Sir嘅靚歌，但我只可以揀兩首，不過我要唱三首，我問點解呢?佢哋話我要代表Michael Kwan向盧Sir致敬，各位朋友《天蠶變》」;久違的黃寶欣獻唱了《驟雨中的陽光》和她當年參加第四屆新秀歌唱比賽時的作品《我為你狂》。

張與辰

劉洋

蔣志光

張德蘭

麥潔文

羅嘉良從升降台出現在大家眼前唱出《秦始皇》，之後他說:「盧國沾先生寫 咗咁多膾炙人口嘅歌曲，令到我哋留下咗咁多美好嘅回憶，我喺1984年參加新秀歌唱比賽嗰陣認識盧生，當時佢第一次見到我，我亦都係第一次見到佢，眨吓眼已經41年，我非常多謝我嘅恩人盧國沾先生，因為如果冇佢就唔會有我羅嘉良，我相信大家都會永遠懷念盧生，我好開心成為佢嘅徒弟，跟住我要送俾大家盧生一首非常出名嘅歌曲，亦都係一首電視劇嘅主題曲，大家頭先開場嘅時候呢首歌就已經響起，送俾大家，《殘夢》」。接着雷安娜先後唱出《明日話今天》和《願君真愛不相欺》，她更找來蔣志光和她合唱《人在旅途灑淚時》，之後蔣志光再唱了《漁舟唱晚》及《大地恩情》。

黃寶欣

溫兆倫

葉振棠

雷安娜

中年好聲音3的張與辰先出場唱《決戰前夕》，劉洋緊接出場唱《雪中情》，之後他們兩人合唱《傲骨》。壓軸出場的溫兆倫先唱出《隨緣》，Derek說:「我 重新一次介紹自己，大家好，香港嘅朋友好耐冇見，我係溫兆倫，好榮幸可以 嚟到今晚紅館呢個舞台，我哋可以一齊向盧國沾先生致敬嘅同時，我哋唔可以 忘記一件事，一個成功男人嘅背後一定有一個好好嘅女人支持佢，同唔同意呀?所以大家要對老婆好啲，今晚我哋嘅掌聲除咗係送俾盧國沾先生，我哋更應該用更熱烈嘅掌聲鼓勵同埋送俾盧國沾夫人，盧太，多謝妳同沾叔睇住我入行，我都好幸運喺拍劇嘅期間遇到好多好嘅劇本，其中有一部劇我相信大家都有 睇過，叫做《今生無悔》，跟住落嚟送俾大家同名嘅歌。」Derek在唱畢《今生無悔》後，便聯同其他歌手大合唱《前程錦繡》，為「致敬詞聖盧國沾作品演唱會」畫上了圓滿句號。

羅敏莊

歌手大合唱《前程錦繡》。

丘亞葵和麥家樂擔任指揮的寰宇交響樂團。

由尚梯娛樂主辦，詩琳美容冠名贊助，天才製作協辦，TVB MusicGroup全力支持的張與辰《The Novara Bal》演唱會澳門站已於日前圓滿圓成，全場爆滿，座無虛席。暖場嘉賓劉芷君先後唱出《瘋了》和《浪漫症候群》，獲得現場不少掌聲。接著主角張與辰在多位舞蹈員陪同下出場，他以一曲《大藝術家》正式為全晚演唱會揭開了序幕，在唱畢《壞女孩》加《激光中》組曲後與辰說：「非常急不及待在尚梯館的舞台上為大家表演，今晚歌單和服飾也會和之前的個唱有所調整，相信必定能令到專程到澳門支持我的粉絲感到滿意。」及後的《迷迭香》，再加上原曲為Kylie Minogue 的PadamPadam更令觀眾情緒牽動，大家即時投入與辰精心打造的音樂世界。

由尚梯娛樂主辦、詩琳美容冠名贊助的張與辰《The Novara Bal》演唱會澳門站日前圓滿舉行，全場爆滿。

暖場嘉賓劉芷君先後唱出《瘋了》及《浪漫症候群》，獲熱烈掌聲。

與辰在換過服飾後帶來多首慢歌，包括《奇蹟You' re The Reason ILive》、《藏海》、《誤人歧途》和全場大合唱的《深海》，在現場樂隊伴奏的音樂襯托下，與辰歌聲中最動人的一面在空氣中迴盪。在緊接的觀眾互動點歌環節中，與辰預備了二十首中文和英文歌讓現場六位幸運兒揀選，他更親自彈琴或彈結他為這些歌曲伴奏，盡顯他的音樂造詣。

張與辰在舞蹈員陪同下登場，以《大藝術家》揭開序幕，隨後獻上《壞女孩》加《激光中》組曲、Padam Padam等勁歌熱舞，全場氣氛高漲。

他更親自彈琴結他與觀眾互動點歌，盡顯音樂造詣。

在一番深情表演後，與辰再次把現場變身為大舞池，一口氣唱了四首舞曲包括《My Buddy》、《Abracadabra》•《Chotto等等》和《大日子》，令全場觀眾雙腳隨着節拍舞動，大家也忘情地享受這個週末晚上。最後與辰以單曲《獨居的儀式感》為全晚演唱會畫上了完美句號。與辰表示：「能夠在短短十個月內舉行了三次個人演唱會，每次也看到那麼多粉絲來到現場給我帶來很多能量，我真的非常感動和感恩，我會繼續做更多好的音樂出來，藉此報答大家對我的鼓勵和支持。」

與辰感動表示，十個月內三度開唱，感恩粉絲到場支持。