BIG FOUR邀請蘇志威車婉婉飯聚互爆新秀秘密 蘇永康爆大師兄張衞健關心後輩原來別有用心

即將在八月九至十一日於紅館舉行一連三場「FWD富衛保險呈獻：BIG FOUR HAPPY TO SEE YOU ALL演唱會2025」的BIG FOUR四子，相隔十二年再度合體，一眾歌迷引頸以待，在早前開放優先訂票，外間反應熱烈，門票火速售罄，今天（六月十日）門票正式公開發售，同樣掀起一輪搶飛熱。

BIG FOUR邀請蘇志威車婉婉飯聚互爆新秀秘密

沒有新秀、便沒有BIG FOUR，無論事業抑或四子的友誼，一切都是從新秀開始，早前四子邀請同樣來自新秀的蘇志威以及車婉婉，拍攝《BIG FOUR 請食ReU飯》，並指定要到銅鑼灣一間潮州菜館飯聚話當年，蘇永康解釋說：「點解要嚟呢間潮州菜館，因為當年新秀總決賽完咗，我哋喺度慶功，所以呢度俾我哋好深印象，好值得回憶嘅地方。」

早前四子邀請同樣來自新秀的蘇志威以及車婉婉，拍攝《BIG FOUR 請食ReU飯》，並指定要到銅鑼灣一間潮州菜館飯聚話當年

一起歎潮州菜，一起話當年，提到為何參加新秀？許志安坦白說：「其實我參加比賽係想見梅艷芳，但去面試時只係見到黎小田。」蘇志威還道出當年選完新秀，有一段時間是幫大師兄張衞健排舞兼伴舞，到後來才獲梅姐賞識，成為她的徒弟，當日草蜢要同大師兄各奔前程，四子更在排舞室抱頭痛哭。

許志安

六人之中，張衞健是第三屆新秀冠軍，是眾人的大師兄，蘇永康指當年為了買衫準備參加總決賽，在銅鑼灣利舞台開完會，約同其他參賽者一起到佐敦買衫，他說：「呢個師兄（指張衞健）全程跟到實，當時我覺得呢個師兄好好，好到不得了，照顧後輩，但原來只係照顧一個後輩啫！而詳情係點，我哋會喺節目入面，透露俾大家聽。」

張衞健是第三屆新秀冠軍

BIG FOUR四子之中，張衞健、許志安、蘇永康在新秀比賽中各有名次，梁漢文晉身十強後，雖然未有名次，但當時只有十七歲的他，卻在比賽翌日接到華星唱片的來電，他說：「當時我瞓喺上格床，我媽咪話：『喂！華星打嚟搵你喎！』我即刻仆落床聽電話，原來想搵我簽約，對方仲叫我帶埋阿媽，因為我未夠秤。」節目中梁漢文更透露當年為他找到《不願一個人》、《纏綿遊戲》兩首經典名作的「伯樂」是何方神聖。

BIG FOUR邀請蘇志威車婉婉飯聚互爆新秀秘密

BIG FOUR邀請蘇志威車婉婉飯聚互爆新秀秘密

BIG FOUR邀請蘇志威車婉婉飯聚互爆新秀秘密

BIG FOUR邀請蘇志威車婉婉飯聚互爆新秀秘密

BIG FOUR邀請蘇志威車婉婉飯聚互爆新秀秘密

BIG FOUR邀請蘇志威車婉婉飯聚互爆新秀秘密

BIG FOUR邀請蘇志威車婉婉飯聚互爆新秀秘密

BIG FOUR邀請蘇志威車婉婉飯聚互爆新秀秘密

除了食飯話當年，當日還準備了一個小遊戲，輪流估對方內心喜好次序，例如估蘇永康最愛的飾物、許志安最鍾意自己邊首歌、梁漢文如果唔做歌手，會成為那個類型的運動員，輪到張衞健，要大家估他演過最深刻的角色，選擇範圍包括：《西遊記》孫悟空、《大帥哥》狄奇、《我愛牙擦蘇》林甦、以及《鹿鼎記》韋小寶，最終無人估中，張衞健開估時忍不住說：「冇人了解我，好遺憾呢個世界，兄弟喎！」事後張衞健接受訪問時，不禁向三位兄弟詐型：「唔緊要，兄弟呢啲，少個咪少個囉！不過，show，一定照做。」

《BIG FOUR 請食ReU飯》將於本周內播出，BIG FOUR樂迷，記得密切留意。

由張衞健（Dicky）、許志安、蘇永康和梁漢文（Edmond）組成的BIG FOUR，將於今年8月9至11日在紅館舉行「FWD富衛保險呈獻：BIG FOUR HAPPY TO SEE YOU ALL演唱會2025」。門票分別為港幣$1180、$680和$480，東亞銀行信用卡獨家於6月5日早上十時起優先預訂門票，BIG FOUR粉絲萬勿錯過。

BIG FOUR將於今年8月9至11日在紅館舉行「BIG FOUR HAPPY TO SEE YOU ALL演唱會2025」。

相隔12年BIG FOUR合體再踏紅館舞台，台前幕後陣容強勁，演唱會海報重金禮聘鬼才林海峰（Jan）擔任創意大腦，星級攝影師夏永康親自操刀，捕捉四子最Man、最有型、最突顯他們超過30年的真摯友情，化作正能量散播出去。

演唱會海報重金禮聘鬼才林海峰擔任創意大腦。

還有星級攝影師夏永康親自操刀。

Dicky爆料「BIG FOUR」由Jan命名，他說：「我哋第一張演唱會海報，4個人咬住一支玫瑰花嗰張，就係由Jan幫我哋做。好開心今次我哋三顧草廬，邀請到佢出山。」Jan幽默回應：「嗰次演唱會喺2010年，即係隔咗15年先至有第二個job，都算係咁，我都終於發市！」2013年他們舉行第二次紅館演唱會，至今相隔12年。

Dicky爆料，指「BIG FOUR」由Jan命名。

今次演唱會「HAPPY TO SEE YOU ALL 」再由Jan命名，他笑言：「原本諗住佢哋咁耐無見大家，想用『BIG FOUR無穿無爛演唱會』，但中文名呢個唔係幾好，不如諗個英文名，就叫『BIG FOUR BODY CHECK演唱會』，每次上台都係你哋同觀眾嘅一次體檢。」Dicky補充：「唔（做）騷唔知身體好！」Edmond說：「BIG FOUR係我哋嘅『根』，咁耐無見，梗係要一齊搞啲正嘢畀大家啦！」令人非常期待。

而今次演唱會「HAPPY TO SEE YOU ALL 」同樣由Jan命。

喜愛時裝，經常為BIG FOUR扮靚的蘇永康，被Jan問他今次四子造型？他說：「都要問過你（Jan）先！好開心又再同大家襯衫襯飾物。（困難嗎？）困難喺我度，我依家嘅size畀唔到佢哋用，除咗啲披肩圍巾之外。（要加拐杖嗎？護㬹、護膝？）好彩，仲未需要！」Jan笑指安仔低胸上陣，安仔即掩住心口，拉開話題：「雖然我哋也成日見面，但一齊喺舞台上出現，真係好耐無感受到，直到今日一齊影海報，感覺到個力量返嚟啦！」

蘇永康

梁漢文

海報拍攝期間，現場播放多首有關友情的歌曲，Jan笑說：「最初揀咗《監獄風雲》首歌《友誼之光》，諗住播呢啲歌幫佢哋帶入情緒，後嚟發覺都唔需要，佢哋四個好快就好自然咁入咗嗰個氛圍，呢個就係大家都好想喺台上見到佢哋俾大家嘅感覺。尤其是Dicky，佢好清楚我想大家表達乜嘢，一直帶住大家，始終都係最大（年紀）。」Dicky一臉認真，扮作有感而發，說：「長輩嘛，『牽牛上樹』係有啲難度，仲要係三隻牛，但係佢哋都算乖、聽話！」

張衞健

許志安

事隔12年，BIG FOUR不但成家立室，蘇永康更榮升爸爸，問他如何湊仔又開騷？他說：「輪到佢就返我一次啦！囝囝自出生開始，成日見到呢三位叔叔，又分別睇過佢哋唱歌，但未見過我哋四個同台表演。」Edmond爆料：「佢成日迫個仔睇架！」一人一句，現場充滿笑聲。Dicky說：「BIG FIUR走埋一齊，自自然然就會帶到快樂畀大家，經過咁多年月之後，希望今次除咗快樂，大家有更多得著。」Jan以醇酒形容他們的友誼和情懷。

BIG FOUR

BIG FOUR

BIG FOUR與林林海峰

BIG FOUR與林林海峰

演唱會詳情：

《FWD富衛保險呈獻：BIG FOUR HAPPY TO SEE YOU ALL演唱會2025》
日期：2025年8月9至11日
時間：8:15 PM
地點：紅磡香港體育館
票價：HK $1180/ 680 /480
主辦機構：掌賞娛樂 / 寰亞娛樂

東亞銀行信用卡獨家優先訂票：
優先購票日期：2025年6月5日（上午10時）至6月9日（晚上11時59分）
優先購票渠道：www.hotdogtix.com 或 HotdogTIX手機應用程式
**東亞銀行信用卡持卡人請先登記成為HotdogTIX會員，以享優先訂票。