陳奕迅邀圈中好友觀賞演唱會紀錄片 Eason患情緒病瞞母親

陳奕迅《FEAR and DREAMS:NOW is the only reality》於香港舉行首映，一連放映4場，3場開放給歌迷看之外，第4場特別邀請圈中好友觀看，星光熠熠，包括容祖兒、楊千嬅、梁漢文、馮德倫、許志安、郭偉亮、葉佩雯、岑寧兒和谷德昭等，一班好友難得敘舊，於影院中不停合照傾偈，非常歡樂。

陳奕迅（Eason）的紀錄片《FEAR and DREAMS:NOW is the only reality》於香港舉行首映一連放映四場。

陳奕迅（Eason）的紀錄片《FEAR and DREAMS:NOW is the only reality》於香港舉行首映一連放映四場。

三場開放給歌迷欣賞。

三場開放給歌迷欣賞。

看過紀錄片後，楊千嬅表示意想不到Eason這次旅程這麼精彩，最希望他可以做回30年前那個陳奕迅，「牙牙擦擦」又「開開心心」！

容祖兒表示看完後心情複雜，真正感受到Eason是將生命奉獻給工作的藝術家，她說：「我覺得有啲部分，我好似睇緊鬼片一樣，好緊張，直頭係身同感受，完全感受到佢個fear。佢好似打咗一場仗，一個個難關去克服，佢經過今次後，應該冇嘢可以再嚇到佢。我哋大家都大個，最希望見到朋友，可以每一日做到自己想做的事，每一件事，成功失敗，到最後都希望可以滿載而歸，能於人生中收集好多經驗，好多愛。」

而第四場特別邀請了一班圈中好朋友來到觀看，包括容祖兒、楊千嬅、梁漢文、馮德倫、許志安、郭偉亮、葉佩雯、岑寧兒等，星光熠熠。

許志安表示：「感受好深，鏡頭前都係好真實嘅佢，兩三年前，我都有fear嘅時候，佢寫咗首歌俾我，我好佩服佢，佢生病過程當中，仍然可以咁強。」

岑寧兒

梁漢文與太太

蘇永康表示Eason打網球受傷時，一直於醫院陪伴，亦在他未康復，總是擔心耳仔聽不清時，不時跟他通電話，安慰他不用擔心，他說：「人生入面有很多fear，可能有時有一些問題，不能馬上解決，就先放一邊，學習與問題共存，終有一日可以解決的。 」

梁漢文表示作為好朋友，很早已知道他的一些感受，像早期要取消香港站，正好他們正一起打網球，打到一半收到消息，感受到他的fear，他說：「大家都係男人，我哋又唔會講咁多，見到佢去咁多地方，做咁長tour，戥佢好開心。」

郭偉亮覺得這部電影「好正」，告訴大家無論幾勁的人，都是一個人，而不是超人，任何事都要付出的。至於大家都關心Eason的情緒病，郭偉亮笑說：「佢不嬲都Short㗎啦！哈哈！佢將情緒係歌到發泄出嚟就得㗎啦！唔使擔心，佢有咁多好朋友喺身邊。」

許志安坦言看完紀錄片，自己的心也舒服不少：「感受好深，鏡頭前都係好真實嘅佢，2﹑3年前，我都有fear嘅時候，佢寫咗首歌畀我，我好佩服佢，佢生病過程中，仍然可以咁強。套紀錄片直頭係一粒藥，可以交畀其他有病嘅人，食咗好番嗰種，有呢個朋友，真係好正，歌又正，又帶畀大家好多歡樂。」

岑寧兒看完紀錄片表示，紀錄片非常珍貴，因為好多時大家好容易忘記台上表演者，也是一個人，電影中一如他唱歌一般誠懇，真實地把所有fear and dreams展示出來，同時也看到Eason也在成長中，她說：「每個人都要適應，好有啟發性。我想同佢講，放假啦，好嘢！好好休息下，再前進。」

容祖兒表示睇完之後，真正感受到Eason是一個將生命奉獻給工作的一個藝術家。

馮德倫

楊千嬅

於歌迷分享場，Eason爆出一直沒告訴媽咪自己有情緒病，怕對方擔心，但醜婦終需見家翁，新聞一出，母親即打來問他，為什麼會這麼大壓力，他說：「我真係唔係好緊要，我個病係好輕微，唔係嚴重到行唔到出房門口嗰種。大家唔使擔心。」

Eason於影院中不停合照傾偈。

葉佩雯

Eason演唱會完結後，他在家中沒有工作，已開始想下一次演唱會應該做些什麼，他說：「我直頭係諗不如開個大場，自己唔使咁辛苦，開場不如用《阿士匹靈》，《他一個人》都要唱，諗諗下自己摑自己一巴，咩事呀，放假啦，你仲諗？我不時係演唱會入面吹水，話不如下次是但就咁唱歌吹水咪得囉，但係我反問自己，係唔得㗎，我做唔到，我要有故事骨幹，我𠵱家已經乾晒，或者去西班牙、意大利、巴西，去唔同地方睇騷，吸收唔同文化，睇騷真係好開心，好似我嗰日睇BIG FOUR好開心，覺得許志安好有型，有衝動都練下自己肢體弗啲。」

蘇永康

谷德昭

《FEAR and DREAMS：NOW is the only reality》紀錄片將於本月23日，於陳奕迅官方YouTube channel可付費觀看，費用為30元正。內地地區，亦於同日可以在BiliBili平台上付費觀看。

由棋人香港、生意兄龍及力申創作主辦，方力申首度舉行的紅館個人演唱會、一連兩場《Perfect Moment 最佳時間演唱會2026》，已圓滿於紅磡香港體育館落幕。尾場邀得師姐楊千嬅擔任特別演出嘉賓，大批圈中好友包括張繼聰與太太謝安琪、古巨基夫婦、何廣沛、吳業坤及Alton@MIRROR、葉念琛及唐詩詠、許惠菁等到場支持，當然還有小方最重視的四位「老闆」：太太葉萱、父母與女兒Isla。台上台下滿載家人、朋友與粉絲的愛，小方更表示入行25年終成就解鎖，首個紅館演唱會集齊四大天王張學友、黎明、郭富城及劉德華送贈的花籃，意義非凡。

方力申日前舉行首個紅館個人演唱會。

一連兩場《Perfect Moment 最佳時間演唱會2026》圓滿結束。

尾場演唱會前夕，小方因游泳後上水時不慎閃腰，劇痛至蹲下穿褲也有困難，一度擔心影響晚上演出。幸得兩位醫生朋友火速治療，配合止痛藥，小方不僅應付到開場的《就是這麼愛你》及《How I Miss You》中的簡單舞步，更在中段的《超速龍球》、《万刀甲》兩首節奏極強、舞步既快且有力的歌曲中，順利完成類似「蜈蚣彈」的高難度動作，有驚無險。他感觸地說：「好彩時間尚早，搵到朋友幫手做物理治療。綵排時自己都唔敢跳，到演出時冇事，放心晒。」

方力申

方力申

方力申

方力申

演唱會嘉賓環節，繼續充滿回憶殺。先有小方與陳曉東、周勵淇（Niki）及李彩樺（Rain）台體重現《百分百感覺》，《兩男一女》音樂響起，全場觀眾歡呼不斷，四人異口同聲表示邊唱邊浮現當年合作的回憶。陳曉東驚訝大讚小方脫掉上衣後肌肉線條驚人，邊說邊揭開小方的衣服，Niki隨即爆笑表示：「方力申是游泳健將又有做運動，不單止除衫，係咪應該泳褲上陣！」全場爆笑。接着四人合唱《十分愛》，並走到延伸台與觀眾握手，氣氛熾熱。

陳曉東、李彩樺、周勵淇、方力申

李彩樺、周勵淇、陳曉東、方力申

李彩樺、周勵淇、方力申、陳曉東

接力的「美女廚房」組合，鄭中基、梁漢文聯同小方合唱《龍咁威》，又分享當年拍《美女廚房》時趣事。三人為了不想捱通宵，有時為每集節目改歌詞時亂唱，好像「唔唔唔」當唱了搏懵，甚至試過用「粥粉麵飯」四字當作一首歌的歌詞。三人隨即唱出連串改歌詞金曲，令觀眾好好感受，小方最後更期待三人再有機會合作演出。

鄭中基、方力申、梁漢文

鄭中基、方力申、梁漢文

特別嘉賓方面，小方則邀請了當年同公司的師姐楊千嬅，二人合唱《好心好報》掀起高潮。千嬅在台上分享：「先恭喜小方，第一次紅館演唱會，亦是25周年，很榮幸在他這個時刻，可以有一個好好的紀念。」小方說：「我嘅fans知道嘅，我有機會做紅館，因為之前做咗啲巡迴音樂會，裏面我第一首唱人哋嘅歌，就係唱千嬅嘅《可人兒》。因為2001年，我係新人嘅時候，第一次面對現場觀眾唱歌，就係做千嬅嘅拉闊嘉賓，係千嬅畀機會我。而嗰段片段，我每一次巡迴都有播，其實大家喺卡拉OK都會睇到，想唔想睇吓？」

楊千嬅、方力申

現場隨即播放小方當年的演出舊片段，二人再合唱《可人兒》。千嬅大讚小方二十多年來沒變，養生保養得宜，她亦很懷念當年大家在金牌唱片公司的日子，彼此充滿愛與溫度，很開心能在他每個階段都參與少許。小方說：「所以今次第一次開騷，一定要搵千嬅做嘉賓，因為我第一次奉獻咗畀你，都希望我第一次嘅紅館騷，你嚟做我嘉賓。」

楊千嬅、方力申

千嬅笑指小方很厲害，在她二月生日前已致電邀請，沒理由拒絕：「第二，我好感動。當年嘅方力申係可人兒，係飛魚王子；但25年之後，今日佢係培育下一代嘅飛魚老師。我覺得呢個運動員嘅精神、堅持，都好值得我去學習，因為人要進步係要堅持和相信。好多謝你一路嘅堅持和相信，我相信在座有好多你嘅學生和家長，呢樣係你努力和堅持換返嚟嘅，大家繼續支持小方！」

楊千嬅、方力申

千嬅續說：「好開心今日見到你做爸爸，有個女同太太。今日見到你太太和女兒係好幸福嘅事。由《可人兒》……我記得你有首新歌叫《生活無小事》。」然後千嬅即席清唱幾句：「一天過一天，找一些簡單新發現，今天慶賀傻人節，為傻孩子，好好吻一遍。」全場報以熱烈掌聲。千嬅說：「頭先我喺台下聽到，我覺得好感動。因為一個人由可人兒變成傻孩子，呢個咁長嘅路一定感受好多，唔單止往前走，有好多高低起跌，而中間有個步驟你一定唔可以缺少，就係我而家送畀你嘅歌——《野孩子》。野孩子，不受命令就係一種最壞名字，每個人都曾經任性，但野孩子最尾都會變成傻孩子。」說罷，千嬅獨唱《野孩子》。小方衷心感謝千嬅，並坐在台上一旁靜心欣賞。

楊千嬅、方力申

正如千嬅所言，小方現時有太太、女兒非常幸福，而演唱會上，便足證了小方的「最佳時間」家庭幸福。兩場演唱會，小方父母與太太葉萱及女兒Isla形影不離。昨晚演唱會期間，小方媽媽抱起Isla，跟隨小方的音樂節奏跳舞，Maple（葉萱）甜笑地為奶奶及女兒拍照，轉頭又由弟弟負責抱，Isla的可愛模樣吸引不少觀眾打卡留念。

囡囡Isla好搶鏡。

方力申

方力申

小方與歌迷同樣等了25年終於等到紅館。在尾場encore環節，小方特別為他們唱出《你記得嗎？》，感謝大家不離不棄，更直言從沒想過自己擁有那麼多歌迷。完場後，即使紅館多次播出完場廣播，仍有一半以上歌迷不肯離去。小方於演唱會後表示：「今次紅館演出，係放低多年嘅心願，感覺好神奇。噚日臨上台好激動，好多朋友替我高興。如果我都可以做到，大家都可以實現到。太太俾101分，佢都有啟發我，佢同個女都有睇我總綵排。所有經歷、努力，成就今日，佢話今日唔係終點，我會再好啲。至於而家嘅健碩身形，練得唔算辛苦，希望keep到，最重要係健康。」

全場大合照