許志安58歲生日片段流出 與鄭秀文恩愛切蛋糕

今日（8月12日）是許志安的58歲正日生日，除了昨晚獲BIG FOUR兄弟張衛健、梁漢文同蘇永康，以及一班樂迷在紅館演唱會跟他預祝之外，老婆鄭秀文（Sammi）當然唔少得為老公慶祝！今日有網民在社交平台分享了一段Sammi同安仔慶生的短片，並寫道：「8月12號，今天是on哥生日，祝你生日快樂，身體健康，幸福永遠🎂」。

今日（12日）是許志安58歲正日生日。

Sammi與安仔一起慶祝生日。

片段中所見，兩人跟BIG FOUR成員及好友齊聚餐廳，Sammi與安仔一齊捧住生日蛋糕，眾人合唱生日歌，氣氛溫馨。Sammi全程笑容燦爛，更跟住拍子搖頭，心情大靚。唱完歌後，兩公婆深情對望，冧爆甜笑，再一齊吹蠟燭，甜蜜舉動閃盲一眾網民！

好sweet！

閃盲網民。

天后鄭秀文（Sammi）最近為賀歲片《夜王》四出宣傳，行程密密麻麻，早前更登上鄭裕玲（DoDo）嘅YouTube節目《The Do Show》做嘉賓。節目中，Sammi難得大談多年拍檔劉德華，仲爆出驚人內幕——原來天王私底下竟然有啲「社交恐懼症」！

日前登上鄭裕玲（DoDo）的YouTube節目《The Do Show》做嘉賓

講到二人首次合作《孤男寡女》，Sammi坦言一開始都需要時間磨合，始終未算熟絡，但拍落之後就完全改觀：「名氣越大嘅人，反而越平易近人，會令你覺得好舒服。」她大讚劉德華零架子、超有禮貌，完全顛覆「天王高高在上」的刻板印象。

Sammi 坦言一開始都需要時間與華仔磨合

大讚劉德華零架子、超有禮貌

多年來合作無間，《孤男寡女》、《瘦身男女》、《龍鳳鬥》等部部經典，兩人關係亦由銀幕情侶升級為現實摯友。Sammi透露，私底下經常會到對方屋企食飯、傾偈，平時亦會WhatsApp問候，感情早已唔止係工作拍檔咁簡單。

《孤男寡女》劇照

《瘦身男女》劇照

相處耐咗，Sammi對華仔嘅性格更加了解，直言對方其實性格單純又超宅，生活重心幾乎全放喺家庭同女兒身上，唔算好鍾意應酬：「我覺得佢唔係靠人脈，而係一步一腳印打拼返嚟。」

直言華仔其實性格單純又超宅

她更笑言劉德華有少少「社交恐懼症」，唔太擅長交際，但正正因為專注、勤奮同自律，先可以由新人一步步走到今日嘅天王地位。消息一出，隨即引起網民熱議：「完全估唔到！」、「原來華仔咁內向！」、「果然成功唔係靠social！」