朱智賢笑談當空姐瘀事 方健儀採訪四川地震：珍惜擁有

由程人富主持，HOY TV節目《求生記》，每集請來不同嘉賓，探討香港面對各類自然災害時，如何在最短時間內提高生存率，其中朱智賢(朱朱）就在節目中大談當空姐時的尷尬事：「以前做training嘅，學到有緊急事故逃生時，要瀡嗰條求生梯，因為我好驚，死都唔肯瀡落去！等到最後一個，我都要頂硬上！合埋眼瀡落去！但係都係唔合格，因為導師話我合埋咗眼，要擘大眼落去先算！」

HOY TV節目《求生記》由程人富主持。

朱智賢在節目中笑談當空姐瘀事。

講到其他求生技能，朱朱表示已經忘了大部分，但仍然記得有需要時，要為乘客做急救。而身為車主的她，做完嘉賓之後，也增進不少交通事故求生技能的知識。

方健儀

另一位嘉賓方健儀，就和我們探討下，遇到風暴時，應該如何應對：「其實香港真係一塊福地，好少天災，但唯獨是打風，近年好似越嚟越多，我哋做新聞記者，往往係邊度危險，就去果到！我最難忘就係08年四川大地震，我就係第二梯隊去到四川當你喺嗰度，見到生靈塗炭，你就會好珍惜自己所擁有嘅嘢！」

方健儀曾採訪四川地震。

對於近期預言日本將會發生大地震，於大阪都有置業的Akina就表示會密切注視情況，但亦會相信科學根據。

昨日大除夕，藝人朱智賢於社交平台大晒與好友蘇韻姿一同行花市的照片同短片，兩人全程笑容滿面，氣氛勁歡樂。朱智賢留言寫道：「每年都一定要行花市，要買風車同埋一定要去食糖葱餅！今年花市好似好多得意嘢，同蘇韻姿過我哋嘅Galentine's Day！」

朱智賢與好友蘇韻姿一同行花市

買風車

一路行一路玩風車

從分享畫面所見，當日花市人流不算擠迫，令兩人可以慢慢行、慢慢玩，朱智賢成功完成「願望清單」，包括入手應節風車、狂擦最愛嘅糖葱餅，食到一臉滿足。今年更特別加插一站，專程幫襯由伍富橋夫婦經營嘅檔攤，力撐圈中好友。

狂擦最愛嘅糖葱餅

蘇韻姿亦入手不少年花

今年馬年，馬仔一定唔少得

二人更專程幫襯由伍富橋夫婦經營嘅檔攤

兩人一踏入年宵市場即刻化身「大細路」，對各式各樣嘅應節公仔同裝飾充滿好奇，攞上手把玩兼瘋狂打卡，又忍唔住嘴嘟嘟狂擦現場美食，全程笑聲不斷，洋溢濃濃節日氣氛。