柯煒林《光明大押》飾演年青版謝君豪 與兩位小演員對手戲最多合作愉快

ViuTV原創劇《光明大押》即將進入結局周，劇情亦將交代更多堅叔的過往經歷。中年版堅叔由謝君豪飾演，而年青版堅叔則由柯煒林（Will）飾演。

中年版堅叔由謝君豪飾演，年青版堅叔則由柯煒林飾演。

Will介紹自己的角色：「年青堅嘅命途係比較坎坷，佢經歷咗唔同嘅意外事件之後，都有好多情緒屈咗喺心，所以都有幾多需要喊嘅戲份。雖然去到豪哥（謝君豪）飾演嘅中年版，佢就變得有啲收埋自己。」Will之後表示：「我幾慶幸可以做年青版堅叔，經歷到呢個角色嘅大起大落。」

年青堅命途比較坎坷。

因此角色較多喊戲。

與Will對手戲最多的是兩位小演員黃梓曜及石芯悠，分別飾演童年版呂爵安（Edan）及練美娟（娟姐），Will分享與小演員合作的感受：「佢地兩個演戲嘅時候都好投入，完全係流真眼淚，但有得玩嘅時候又玩得好放，非常犀利，同佢地合作得好開心！」

與柯煒林對手戲最多的是兩位小演員黃梓曜及石芯悠。

兩位小演員分別飾演童年版呂爵安及練美娟。

柯煒林讚小演員演戲時投入。

小演員玩樂時亦全程投入。

ViuTV原創劇《光明大押》逢星期一至五晚上9時30分播映。陳紫萱（Summer）於《光明大押》中飾演呂爵安（Edan）的女朋友，Summer介紹她的角色設定：「我飾演嘅Winnie同阿俊（呂爵安 飾）係中學同學，喺一次重遇之後相戀。佢係一個心靈富足、生活簡單嘅人，後尾佢同阿俊就發生咗一啲價值觀上嘅衝突。」

陳紫萱劇中飾演呂爵安的女朋友。

Summer認為今次最困難的是要演一位溫柔的女朋友：「有次圍讀完之後，導演就追出嚟話『Summer，其實你個人本身都好tough，所以你唔使再加強呢部份，可以盡情去溫柔』。」

陳紫萱認為今次最困難的是要演一位溫柔的女朋友。

Summer透露拍攝劇集前與Edan未有合作過，不過原來數年前二人已有一面之緣，當時更有一起合照，Summer笑言：「劇中Winnie同阿俊喺三年前開始拍拖，所以我地需要拍一啲道具相交代呢件事，我就同Edan講笑話我地可以攞返幾年前嗰張合照出嚟做道具相，當時大家個樣都應該幼嫩啲。」

陳紫萱與呂爵安首次合作演情侶。

除了Edan之外，Summer今次的主要對手亦有謝君豪，她憶述：「好記得第一日開劇嘅時候就已經對住豪哥，雖然之前有上佢嘅演藝班，不過可以企喺佢面前做戲，係一種新體驗嚟。」首次拍電視劇擔任主要角色，Summer表示：「始終自己經驗尚淺，拍攝前又再請教多次戲劇老師。希望觀眾會喜歡Winnie呢個角色啦！」

陳紫萱今次的主要對手亦有謝君豪。