柯煒林自封「抗癌小廢青」開直播自嘲：IG followers生得比癌快

33歲的柯煒林（Will）前日（7月30日）於社交平台公開自己確診第四期肺腺癌的消息，目前剛開始服用標靶藥物。他一貫以來擅長「打逆境波」，面對病情仍以幽默態度回應，表示：「如常生活，生活如常。唔使過份擔心，我仲行得走得，正常生活。」

他首次參演的電影長片是《點五步》

昨晚（7月31日），Will如常開IG直播，面對鏡頭依然笑容滿面，不改一貫幽默作風。他以自己病情為素材，創作出多個「地獄笑話」，甚至自嘲：「IG followers一日內升得比癌細胞仲快。」

Will如常開IG直播

他戲謔地將自己臉上的酒窩改名為「CD」——Cancer Dimple。見直播人數超過3,000人，忍不住爆粗：「X你老味，我變咗抗癌KOL，慣咗之前得幾十人睇咋！」同時，他懇請觀眾不要用「小鬥士」或「勇士」等標籤來形容他，反而笑稱自己是「抗癌小廢青」。

笑稱自己是「抗癌小廢青」

他更即場向網民徵求更有個人風格的封號，並逐一讀出觀眾創作的搞鬼建議，包括「抗癌chill guy」、「癌柱」、「廢（肺）之呼吸」等，還靈機一動表示：「如果要出歌，我會叫佢《絕不擴散》。」

直播期間，他一度抱著愛犬Reef入鏡，展現溫馨一面。雖然中途有輕微咳嗽，但他表示情況比起接受治療前已有改善。他坦言，若非有舞台劇演出，原本並不打算公開病情，如今仍然希望能夠如期上台演出：「除咗呢part（指胸肺位置），其他都OK，仲可以綵排。」

一度抱著愛犬Reef入鏡

面對癌症，他態度積極但亦不忘面對現實：「我會努力打贏，但都要學識接受可能會輸。當我接受咗輸的可能，就乜都唔驚，剩低就係好好向前行。」

表示會努力打贏，但都要學識接受可能會輸

ViuTV原創劇《foodpanda 呈獻：存酒人》逢星期一至五晚上9時30分播出。劇集講述「市井酒吧」因快將結業，所以將多支無人領取的存酒歸還給客人。過程中，意外地發現每支存酒的背後，都有著獨一無二的故事。而在酒吧進行倒數的階段，眾人為這裡帶來令人難以忘懷的燦爛時光。

ANSONBEAN和柯煒林飾演熱愛摔角的「九龍兄弟」。

ANSONBEAN飾演柯煒林的弟弟。

昨晚（12月26日）播出的一集，柯煒林（Will）大派福利騷肌，令大家在Boxing day大飽眼福！今次劇集中，Will與陳毅燊（ANSONBEAN）再度合作飾演一對打摔角的兄弟九哥和龍仔，二人不時於空檔期間操練各種動作，為拍攝作好準備。兩兄弟同一日煞科，Will笑言ANSONBEAN好像自己親生弟弟一樣：「比我細佬更加似我細佬，佢係一個好細佬嘅物體」。而ANSONBEAN透露於拍攝時受傷，「做練習嘅時候做過。今次一跳嘅時候，我就未習慣。一坐落去嗰下個膝頭哥就扭到，嗰刻以為自己斷咗韌帶，所以都幾驚，但好彩無事。一個教訓—就係唔好咁衝動。」在旁的Will立即哥哥上身著緊指：「所以我成日同佢講真係要小心啲。唔好所有嘢未Ready晒嘅時候衝，呢個係緊要，因為都要睇所有嘢㗎嘛」。ANSONBEAN承諾表示不會再掉以輕心，同哥哥Will一樣做好謹慎準備。

柯煒林笑言ANSONBEAN是「細佬material」。

柯煒林大派福利騷肌！