奇情谷｜堪輿學家唐碧霞為各位谷主點評面相 GM有「捧場紋」獲讚媲美劉德華

由導演火火、吳若希（Jinny ）及曾展望（GM）三位谷主主持，TVB Plus（82台）全新直播一小時節目《奇情谷》，昨晚（6月16日）主題「風水玄學的奇情故事」，請來美女堪輿學家唐碧霞師傅擔任嘉賓。同場賴慰玲擔任客席谷主，是首次出現4位谷主，她笑說︰「因為知道今晚有位好勁嘉賓，佢一眼就可以睇穿大家人生，所以申請上嚟。」

昨晚主題「風水玄學的奇情故事」。

請來美女堪輿學家唐碧霞。

賴慰玲夥拍火火、GM同吳若希擔任谷主。

節目中唐師傅為4位谷主分析面相，近日處於高光時刻的GM被指有「捧場紋」，一些非常受歡迎的藝人如劉德華、湯告魯斯都有，她說︰「一個人有呢款紋，未來會好好。」至於GM經常被指眼細，唐師傅為他派定心丸指眼大小跟是否有神沒有關係，眼大代表較熱情、奔放，眼小的人較內斂︰「會比較怕醜嘅，譬如佢暗戀咗一個人，會等好耐至去表白。係默默地觀察你、默默地暗戀你嗰種。」火火忍不住搭訕說︰「同人（葉蒨文）做咗幾年《愛．回家》，而家先至講，真係……」

唐師傅為4位谷主分析面相。

GM被指有「捧場紋」。

講到各谷主最有興趣的面相，非「情場浪子」的火火莫屬，唐師傅指火火面相屬於多情，她說︰「睇佢對眼就知佢諗緊乜嘢，佢最特別地方係笑起嚟臥蠶（眼袋位置）有紋。」唐師傅表示桃花紋不一定代表出軌，她解釋︰「其實桃花紋對男仔嚟講，代表容易受女性歡迎，又或者做幕前受到觀眾歡迎。」

火火面相屬於多情。

唐師傅又大讚吳若希的眼有神，決斷力非常好，35到40歲將會是人生高峰，她接住說︰「再加埋鼻同顴相配，有幫夫運，但嫁咗都要做，唔使旨意唔做嘢。」唐師傅讚賴慰玲同樣顴鼻相配擁幫夫相外，臥蠶位置的子女宮非常靚，代表將來子女會很出色。

吳若希獲讚眼有神，決斷力非常好。

賴慰玲則獲讚擁幫夫相外兼子女宮非常靚。

此外，唐師傅分享一單玄學奇情個案，有趟她為一對夫婦睇家居風水，丈夫從事幕前工作。唐師傅發現宅門對正桃花位、洗手間跟房門相沖，容易招惹桃花及婚外情。豈料男事主仍堅持要催旺，而理由非常有趣，唐師傅笑說︰「佢直認有過婚外情，老婆亦都原諒咗。位男主人仲話唔擔心老婆出軌，因為佢唔靚。」唐師傅只有應客人要求照做，幾個月後該男士事業精進，但同時老婆亦亦被發現出軌。

唐師傅還分享一單玄學奇情個案。

樂壇人氣實力派歌手胡鴻鈞（Hubert）與吳若希（Jinny）將於7月17日強勢登陸廣州，合體舉行《Double Shot雙響2026巡迴演唱會》的演唱會！日前兩人特別抽空親赴廣州，展開為期全日的「馬拉松式」瘋狂宣傳行程。兩人不僅深入鬧市與廣州街坊零距離互動，更突襲街頭 Busking，吸引大批市民及粉絲包圍十分墟冚！

胡鴻鈞（Hubert）與吳若希（Jinny）日前為7月17日廣州演唱會跑全日宣傳。

當日Hubert與Jinny現身廣州街頭派發宣傳單張及與市民玩遊戲。兩人一亮相即掀起轟動，瞬間被熱情的街坊及粉絲層層包圍，大家紛紛拿出手機瘋狂拍照，更有不少市民即場與他們大合唱，氣氛熱烈。

落區派傳單引來大批粉絲包圍，場面墟冚。

事後Hubert笑言這次體驗簡直是「受寵若驚」：「同Jinny去廣州跑全日宣傳，其實就唔辛苦嘅，雖然佢好嘈，哈…..，但係我覺得好充實！真係好耐冇試過跑足一日宣傳，好開心見返好多老朋友。去到街頭嘅時候，其實真係冇諗過有咁多市民圍觀，嗰下一刻真係有啲驚喜同受寵若驚！起碼見到大家都好熱烈歡迎我同Jinny，大家又識唱我哋啲歌，令到我哋對嚟緊嘅Show多咗好大信心同期待！」

VIP門票秒殺後即場加推少量，兩人興奮感謝歌迷支持。

除了鬧市互動，兩人更突襲街頭 Busking。對於甚少參與街頭表演的Jinny來說，這次絕對是新鮮感十足的初體驗。Jinny坦言：「好耐未試過全日跑宣傳，感覺好似去敘舊多啲。至於喺街頭Busking，我不嬲都冇玩開，初頭真心覺得好驚！但原來同觀眾咁近距離，嗰種感覺好Close，真係好似同屋企人去咗唱K咁！雖然只係唱咗一小段，但見到大家反應超好，希望未來可以多啲同大家咁樣見面。」

Jinny首次街頭演出勁驚，但大讚近距離互動有趣。

而Hubert也表示感觸良多：「對上一次Busking已經係疫情宣傳嗰陣，今次再同Jinny一齊唱，有種好陌生又好熟悉嘅感覺。見到畫面咁多人圍住、可以即時唱歌畀大家聽，真係好開心。」

由於這是兩人近年首度在廣州合體開騷，演唱會的VIP門票在開售初期已全數秒殺，不少未能買到心水門票的歌迷紛紛「全網求飛」。主辦單位有見及此，經過多方協調後，終於在宣傳當日宣布加推最後少量VIP門票！

Hubert對觀眾反應驚喜。

得知加推消息後，兩位主角都興奮不已。Jinny透露：「好多人都同我講話買唔到飛，所以我哋好努力同主辦爭取，最後爭取到加推多百零張VIP飛！雖然Show後要同大家影相（福利）可能會辛苦少少，但只要見到大家，我哋就非常高興！」Hubert亦表示：「非常之多謝所有歌迷支持！主辦因應群眾反應加推，希望當晚可以同更多人一齊玩、一齊盡興，過一個好開心嘅晚上！」