第一日返工3個鐘竟因「太斯文」被即炒 港女感不解：完全唔知做錯啲咩

有一名港女早前在社交平台發文，表示自己失業多時，終於獲聘一份樓面工作，卻於第一日上班工作3小時，負責人便以「太斯文」為由解僱樓主。事件在網上引起討論。

港女做樓面太斯文第一日返工3個鐘就被炒

樓主在社交平台threads發帖，指自己第一日上班做樓面，但短短3小時就被解僱，原因是對方「話我太斯文，唔啱做樓面」。負責人表示會將她個人資料轉交公司，推薦她任職文員。

港女返工3個鐘即被炒。AI生成圖

網民：其實可以再同你溝通下

帖文引來不少網民留言，大部份網民都替樓主抱打不平，紛紛表示「香港人要快，炒人都要快」、「其實可以再同你溝通下，如果無改善先炒都未遲」、「東家唔打打西家！飲食業有大把工做」。亦有網民認為被解僱理由不合理，「我情願佢話夠晒人手，都好過話太斯文」，「佢講咩都係搵個位落台啫」。

斯文人的確不太適合從事飲食業？

但亦有留言認同斯文的人的確不太適合從事飲食業，「人哋唔想你難受先咁講，係服務業嘅世界，斯文嘅真正意思係慢」、「真係好想返，咪返啲好靜嘅西餐或者Cafe」、「飲食業就好似打仗咁，一埋位就要自己醒水、三頭六臂，無乜時間畀你慢慢適應」。

港女返工3個鐘即被炒。AI生成圖

樓主代入食客身分：最不滿就係樓面無禮貌

但針對斯文一點，樓主則有補充「好好對佢啲客、慢慢執枱，都係為間餐廳好」。她代入食客身分，「最不滿就係樓面收枱霹靂啪啦，仲有就係講嘢無嚟禮貌、粗聲粗氣大大聲咁」。

港女返工3個鐘即被炒。資料圖片

對於被解僱大為不解：完全唔知我做錯啲咩

樓主續指，店舖招聘時列明歡迎新手樓面，「其實想我做嘢快可以直接講，我可以快快手做嘢㗎」、「我第一日返工，你要求咁多做乜春啫？」。對於被解僱大為不解，直言「我完全唔知我做錯啲咩」。

港女返工3個鐘即被炒。資料圖片

有網民日前在社交平台分享，有一高層單位住戶，竟在睡房窗外橫向伸出一根長桿，懸掛十多件衣物，猶如「紅杏出牆」！

有一高層單位住戶，竟在睡房窗外橫向伸出一根長桿晾衫！Threads圖片

高難度方式晾衫

雖然涉事單位另一側窗戶外設有晾衣架，但住戶仍選擇以高難度方式晾衫。影片可見衣物隨風擺動，危險情景令拍攝者驚呼「好神奇啊，究竟點解會曬到咁樣？」

遠處見到特別顯眼。Threads截圖

網民推測或涉鄰里問題

有網民推測背後或有慘情原因，「可能另一邊不斷滴水，投訴極都無人理，咪出此下策」、「上面滴水落嚟」。亦有人指外牆晾衫易沾塵埃雀屎，「洗完搵啲濕衫吸塵」。

有網民指以前公屋也是這樣。Threads截圖

危險行為惹安全憂慮

有網民指出，這種「晾衫神棍」可在網上購買，屬伸縮設計。不少網民擔心此舉危及路人安全，「大風少少就跌」、「如果支鐵通唔夠力跌咗落去，會掟死人」。有人批評行為「漠視他人安全」，甚至戲稱「算唔算僭建」。網民建議應向屋邨管理處反映，避免發生意外。

有網民指出，這種「晾衫神棍」可在網上購買。資料圖片