七軍區表態與兩前軍委主席

呢兩日北京風仲講緊解放軍日報周三的版面，呢份軍報當日跨版刊登空軍司令員同七大軍區司令在內18大將的署名文章，雖然以闡釋「中國夢」和「強軍夢」做主題，有心人都會聞到，係軍隊支持習主席的強烈訊號。

 

唔少海內外傳媒都計過數，呢次係1978年改革開放35年來軍方最大規模集體表態事件之一，毛拍手專登搵咗解放軍報電子版來睇睇，嘩！咁樣的版面都真係非常非常罕有囉：

 

整整齊齊十八篇文章，除咗七大軍區司令，仲有總參謀部、總政治部、總后勤部和總裝備部以及武警、海軍、第二炮兵、國防大學、軍事科學院、國防科學技術大學的負責人，真係令人想到18羅漢的威風。

 

唔少分析都認為表態係同查咗兩年幾的解放軍前總後勤部副部長谷俊山，終於宣布送上軍事法院有關，一是支持習主席在軍中反腐，同時可能亦是為未來一段時間可能大刀闊斧展開軍隊改革有關。此情此景，都真係令人想到1992年，鄧老爺子南巡時，軍隊高呼：「為改革開放保駕護航」的情景。唔少人都話習主席面對的深化改革一啲都唔易，「郁」到唔少既得利益架。

 

就睇番呢位「軍老虎」谷俊山呀，喺家鄉擁有「將軍府」，查佢時亦好轟動。三年幾前，習主席剛出任軍委副主席，佢的好兄弟，劉少奇之子劉源，空降至總後勤部做政委，要查辦呢位「軍老虎」案時遇到好大阻力，據聞劉源向上級反映不果，後來直接向習主席(當時係副主席)同胡主席(當時軍委主席)匯報，最後拍板出手，後來有朋友碰到劉源將軍，問佢打老虎係咪好難，佢拍拍對方話：今不談這個！

 

過去呢個星期，除咗軍老虎俾送上法庭，其實有單料都引起咗毛拍手注意，就係星期二(剛好係4月1日)，英國《金融時報》爆料，指前國家主席江澤民向現任國家主席習近平發出「明確信號」，要求放慢反腐敗步伐，另一名前國家主席胡錦濤亦曾警告繼任人「不要過分擴大反腐運動」。

 

其實兩位除咗係前國家主席，都係前軍委主席喎，雖然呢啲料堅唔堅就難講，但係跟手第二日解放軍報就整咗個跨版表忠心，客觀效果，都真係令外界有聯想架。

 

無論如何啦，習主席當年喺清華大學畢業後，第一份工係做國防部長耿飊的秘書，當時仲係現役軍人，好早就熟悉軍隊高層運作，加上佢上任以來的作風，軍隊要大改革都快架喇。

毛拍手

** 博客文章文責自負,不代表本公司立場 **

人民日報發表「鐘聲」文章，指大國要有大國的樣子，要有大國的胸懷和擔當。

中美關係。 AP資料圖片

文章回顧中美經貿互動從「打」到「談」，經歷起伏，從大處著眼，從責任出發，是中方處理中美關係時一貫的理念。

文章說，兩國元首通過通話與會晤深入溝通，達成重要共識，為雙方妥處分歧、解決問題提供戰略引領，為動盪不安的世界注入確定性和穩定性。

文章說，任何試圖把中美關係簡化為「競爭」甚至「對抗」，都是對現實的偏離和誤讀，不僅無益於問題解決，還會給兩國以及世界製造更嚴重的新問題。

「鐘聲」文章指大國要有大國的樣子，要有大國的胸懷和擔當。

文章指出，世界期待中美以負責任的抉擇促進全球和平發展。作為擁有廣泛共同利益的兩個大國，中美妥處分歧、聚焦合作，就能不斷造福彼此、惠及世界。「十五五」規劃將為中國同包括美國在內的全球各方拓展共贏合作，打開更廣闊空間。期待美方與中方相向而行，以務實行動勇擔大國責任，為國際社會帶來更多發展信心。

AP資料圖片