由香港邵氏兄弟國際影業有限公司及杭州優酷文化娛樂有限公司聯合出品，邵氏兄第製作，樂易玲擔任總監製、黃國強監製、呂冠南、譚廣源擔任編審的《Return關節筋肌配方呈獻：執法者們》，逢周一至五晚八點半翡翠台播映。
宣萱坐監都坐得型過人！
為咗報復，宣萱刻意在人前裝作人畜無害。
昨晚（27日）一集主要劇情講述，因被陷害坐足八年冤枉監的李雅文（宣萱飾）即將出獄；在獄中表現得不問世事、熱心助人的雅文，原來早已秘密策劃復仇大計。昨晚雅文向獄中好友蔡佩汶（陳若思飾）對鏡分享睿智自強金句、句句中point之餘，加上宣萱時而狠毒、時而自信、時而忍淚、時而藐視一切的表情，令場口散發著當頭棒喝般的心寒感：「人好容易畀表面迷惑…好似你依家咁，全世界欠咗你嘅樣，人哋一眼就睇出你嘅心思，就會食住個勢蝦你。但係如果你識得隱藏，隱藏你嘅情緒同心思，例如表現到人畜無害，人哋唔會防備你。」
點擊看圖輯
宣萱坐監都坐得型過人！
為咗報復，宣萱刻意在人前裝作人畜無害。
宣萱在劇中對Amber照顧有加。
宣萱在劇中對Amber照顧有加。
呢段宣萱金句錄，配以宣萱精彩的表情變化配合，堪稱經典。
阿佘喺《家族榮耀之繼承者》中坐過監。
楊茜堯喺《家族榮耀》入面都坐過監。
宣萱在劇中對Amber照顧有加。
宣萱在劇中對Amber照顧有加。
呢段宣萱金句錄，配以宣萱精彩的表情變化配合，堪稱經典。
對於宣萱天花板式演技，網民自然一致讚好，封復仇宣萱為港版「親切的金子」之餘，又大讚宣萱保養得宜兼具備「真實的美」：「不美顏，很真實，很棒！」宣萱在《執法者們》中坐冤獄還引發另一熱話，事緣無獨有偶，在最近三年半內，楊茜堯、佘詩曼及宣萱三位視后級人馬，先後在《家族榮耀》系列及《執法者們》中坐牢，三人更不約而同穿上款式近乎一樣的黃色囚衣，被網民笑封為「黃色囚衣三視后」，十分抵死！不過其實如果細心睇，會發現宣萱的囚衣其實唔止一件，仲有件格仔Look都幾靚女。」
陳若思親揭宣萱有一大共通點
昨晚宣萱的牢獄戲雖然為時不長，但卻有極多亮點。其中一個亮點，是與宣萱對戲的陳若思Amber；翻查資料，Amber自接拍《新聞女王》後，短短兩年半內先後跟過佘詩曼、陳法蓉及宣萱合作，堪稱「靚女前輩收割機」！談到與宣萱合作，Amber笑言相當開心，大讚宣萱為人幽默之餘，更與自己有一大共通點：「同宣萱一齊拍劇，可以令自己永遠喺一個好放鬆嘅狀態做戲。因為佢個人好搞笑，完全唔會覺得同佢有代溝或者隔膜，佢風趣幽默、又古靈精怪，所以我好鍾意佢。同埋佢成日都會買零食請幕前幕後食，我覺得呢樣我同佢勁似，我哋都係唔食正餐、食零食嘅人，哈哈！」
阿佘喺《家族榮耀之繼承者》中坐過監。
Amber續指宣萱劇中角色像是佩汶的大家姐，教曉佩汶不少東西、並扶持佩汶成長及變好變強！至於現實中，宣萱亦有趁拍攝空檔與Amber分享人生的寶貴經驗，獲Amber大讚是親和力強的好前輩：「我記得我最後一次拍完嘅時候，先鼓起到勇氣搵佢合照，之後再留低都同佢傾咗半個鐘頭偈。佢係一個好有親和力嘅前輩。」談到短短兩年內先後與三大好戲靚女前輩合作，Amber亦自認幸運：「同幾位前輩嘅合作都有好多得著，我好肯定我每一次同佢哋拍完嘢之後，都係一次比一次更加進步。所以我成日都覺得2024年嘅自己係特別幸運，雖然自己拍劇機會唔多，但係我啲對手全部都係好犀利嘅前輩，令我學識好多嘢。」問到三位前輩各有甚麼特色，Amber認真謂：「Man姐好感性、善良，法蓉姐姐好有魅力同冷靜，宣萱姐姐就好知性。」
楊茜堯喺《家族榮耀》入面都坐過監。
談到是次劇中造型，Amber透露為了配合囚衣裝，確是在未有搽眼睫毛液、或是畫眉下的情況便出鏡，想不到因而惹起網民關注，十分搞笑。
