Gareth.T率53位半裸猛男旺角谷新歌 自爆新歌贈舊愛Moon Tang

歌手湯令山（Gareth.T）與填詞人黃偉文（Wyman）合作的新歌《用背脊唱情歌》推出後大受歡迎，所屬唱片公司華納為造勢不惜工本，昨日（6月30日）更在旺角朗豪坊舉行快閃活動，Gareth.T率領53位半裸猛男以「人肉歌詞」形式震撼登場，現場逾千粉絲逼爆商場，場面墟冚！

歌手湯令山（Gareth.T）親自作曲、黃偉文(Wyman)填詞新歌《用背脊唱情歌》反應大好。

其唱片公司華納在宣傳上更是絞盡腦汁。

為配合新歌主題，華納特別招募53位肌肉男，每人背上印有歌詞單字，組成完整歌詞。一眾猛男更與Gareth.T在後台齊做掌上壓「谷肌」熱身，Gareth.T事後在IG分享花絮，見他背脊被工作人員捽甩大字時擦至通紅，笑言：「為藝術犧牲！」活動選址旺角亦別有心思，Gareth.T指：「首歌有啲江湖味，MK（旺角）先夠貼地！」

Gareth T.昨日（30日）帶領53位半裸男到旺角朗豪坊宣傳新歌。

半裸男充當人肉歌詞。

Gareth.T與前女友Moon Tang分手後，二人分別獲Wyman贈詞互訴心聲，近日屢傳復合。今次Gareth.T直認《用背脊唱情歌》是為Moon Tang而作，被問到感情狀況時，他坦言：「最近少聯絡，今年都未見過，順其自然啦，隨緣。」語帶保留卻未否認可能性。

畫面震撼！

湯令山在IG分享昨日花絮。

他在活動上直認新歌是寫給Moon Tang。

談及好友姜濤日前拍攝時意外墮海，Gareth.T表示已傳短訊慰問，更笑言：「約定佢食飯傾偈，我粗粗地算係佢心理輔導醫生！」至於新歌攻勢，他透露正籌備MV，預告將有更多破格演出。

工作人員幫Gareth T.捽甩背上大字時被擦到紅晒。

充滿古惑仔feel！

「期間限定」組合炸爆舞台

《Katch Our Life WARNER! GO!》一直為樂迷期待嘅演唱會，由宣佈至今仍未有演出詳情，加上華納歌手嘅school tour反應非常熱烈，令大家都好期待呢次總動員演出。呢日大會宣佈將於下年2月15日於香港亞洲國際博覽館舉行，華納唱片動員一共12個歌手樂隊單位參與，包括Dear Jane、陳蕾、洪嘉豪、MC張天賦、Gareth.T湯令山、Gigi張蔓姿、Kiri T、moon tang、Zpecial、Lewsz、Nancy Kwai歸綽嶢、Gordon Flanders等等，陣容極為吸引！

《Katch Our Life WARNER! GO!》

呢次演唱會唔同單位歌手Cross Over演出，將個人特色掃出新火花帶出新感覺，MC就話令呢次音樂會「好睇」最緊要：「我同好多同公司嘅歌手都合作過，例如陳蕾、Dear Jane、洪嘉豪都合唱過，我最想同湯令山試吓，因為佢有好多天馬行空嘅創意，如果成真嘅話會好正，但如果超支就真係要加場先搞得掂。有人問如果呢個騷要跳唱嘅話，我係好需要一個女伴，所以我好誠意邀請陳蕾同我一齊嘅，我地叫『PC』組！」

呢日大會宣佈將於下年2月15日於香港亞洲國際博覽館舉行

陳蕾聞言就話公司多創作歌手，冇諗過要跳舞演出：「我冇諗過呢個騷要跳嘅，都係得moon同Nancy學過吓。我地成班同事做過好多School Tour，後台都好熱鬧，大家都係健談嘅人，女仔就傾吓扮靚，男仔就傾第二啲野，反而我驚我地太好傾，本來約好咗傾吓歌單，點知講講吓傾咗另外一啲野。」

呢日歌手齊集影Poster，大家為另一位歌手指定造型影返個搞笑版嘅海報，趣怪造型令人驚喜，歌手們碰面亦傾唔停，氣氛非常熱鬧！Dear Jane主音Tim ：「係咪都難搞啦，但咁先有火花，我地計劃將後台搬上前台，比大家睇到最真實嘅一面，可能淨係『吹水』已經覺得好搞笑。我地好多歌手都會玩樂器，等呢個歌單整理好之後，再慢慢加啲創意！」

呢日歌手齊集影Poster

而同場嘅洪嘉豪揚言取代Howie，練好結他「加入」Dear Jane：「我代替咗佢之後，佢梗係負責唱《黑玻璃》啦，但我係完全唔識結他嘅，我點會比大家估到表演啲咩！其實舊時Dear Jane成日會同同事合唱，但唔知點解我等咗咁耐都等唔到『呢支曲』，佢地快手整出嚟玩吓先啦！我知道觀眾唔係期待每個單位唱2-3首歌，係期待大家合體，所以大家放心！」

湯令山同張蔓姿「互相吹捧」，笑言想與對方台上合體演出，Gigi仲話想「炸裂舞台」：「我好想唱『CHOK』呢首歌，因為呢首歌跳辣身舞應該幾有氣氛！」而Gordon Flanders就比眾人推舉「模仿大賽」，仲即場扮Gigi唱歌，搞到對方哭笑不得，Gordon Flanders仲自薦為對方伴舞！

而moon tang就話想「華納仝人」大合跳，仲話想同MC合唱：「我因為未同佢合唱過，所以想試吓！」而Zpecial就話想同「女聲」合作，仲心思未揀定「對手」：「我地想同Nancy合作，我估佢同Band合作會幾得意，而陳蕾就同Band同台會好型，最好就所有女歌手一齊啦！臨尾叫老闆Gordon Lee上台唱歌，我地幫手彈、moon負責跳舞，華納家族點可以冇佢呢！」