劉溫馨峇里島狂操瑜伽 晒水着展弗爆身形

藝人劉溫馨向來以窈窕身材見稱，近日她趁夏日來臨，在IG大派福利，分享多張白色泳衣靚相，大曬弗爆身形，獲網民狂讚「索到漏油」！原來好身材背後全靠自律，早前她更專程飛往峇里島參加瑜伽特訓，即使凌晨機抵埗即操練，依然狀態滿分，難怪着泳衣騷Quali零難度！

劉溫馨專程飛到峇里島參加瑜伽課程。

努力練習瑜伽。

打造完美身材。

劉溫馨透露，今次峇里之旅雖然要坐足5小時凌晨機，但一落機就立即投入瑜伽課程，絕不浪費時間。行程中除了吃喝玩樂同按摩，她幾乎日日抽時間練習，難怪身形Keep得咁Fit。相中所見，她於度假村對住無敵海景做高難度動作，柔韌度驚人，網民都留言佩服：「真係要夠毅力先得！」

大騷Quali！

索到呢！

藝人劉溫馨（Virginia）近期雖然忙於為網上真人實境SHOW《貼地女神》拉票，但都扚起心肝，抽空圓了一件多年來的心願，直言：「雖然最近行程真係好趕，但能夠靜下心嚟完成一件想做咗好耐嘅事，感覺真係好好。」

劉溫馨

近期忙於為《貼地女神》拉票。

劉溫馨在IG晒出完成頌缽課程的照片，並留言：「其實想學頌缽呢件事，喺心入面已經諗咗好耐，但一直拖到依家先真正去實踐。由完全唔識到今日拎到呢張證書，雖然只係一個起步，但心入面真係覺得好平靜、好感恩。」

劉溫馨指學習頌缽純粹是想在忙碌的生活中，找一個可以令自己靜下來的空間，而除了幫到自己，她亦好希望這份小技能，未來可以幫到身邊疲累的朋友們，為大家帶來一點點溫暖和放鬆。

劉溫馨IG圖片

劉溫馨IG圖片