姚瑩瑩母子檔上陣拍廣告 14歲囝囝唔怯場勁淡定

藝人姚瑩瑩在TVB處境劇《愛．回家之開心速遞》中飾演接龍人事部主管Helen姐一角，深入民心，一向是廿四孝媽媽的她除了忙於拍劇的工作外，更跟快將滿14歲的囝囝Evan形影不離，經常「陪太子讀書」，更會見證Evan多年來游泳公開比賽的珍貴時刻。近日，瑩瑩帶同Evan一齊為LIGHTMAC Wellness痛症中心拍攝廣告，原來今次激罕母子檔上陣全因他們都是「真實用家」。

姚瑩瑩與囝囝Evan母子檔上陣為LIGHTMAC Wellness痛症中心拍攝廣告。

拍攝期間，Evan面對鏡頭都沒有任何怯場，非常淡定，而就讀國際學校的他表示事先向媽媽請教中文讀音，希望拍攝更加順利，不過姚瑩瑩笑稱自己「半桶水」，她說：「好彩今次都係分享自己真實感受，唔使背稿，因為我哋兩個中文都唔係特別好，媽咪都幫唔到佢幾多。」跟媽媽餅印一樣的Evan拍攝得非常順利，僅僅一小時就完成，瑩瑩說：「Evan好乖，事前諗定點樣去講同分享，所以NG仲少過媽咪，好勁！」

Evan是游泳健將。

姚瑩瑩經常「陪太子讀書」。

見證Evan多年來游泳公開比賽的珍貴時刻。

瑩瑩表示平日拍攝工作繁重，有時候忙到連身體都忽略，前陣子肩膊無力，每次舉高手都隱隱作痛，在朋友介紹下到LIGHTMAC Wellness檢查，慢慢醫好了肩膊和手臂的痛症。在脊醫對談之間得知LIGHTMAC Wellness除了紓緩痛症問題外，更有為學童義診檢查脊椎健康，她說：「囝囝係運動員，經常都會代表學校出外游泳比賽，拎過好多獎，不過每次練水或者比賽之後都會嗌好攰、好痛，作為媽咪當然會幫佢按摩，但感覺都唔係好幫到佢。」

姚瑩瑩與囝囝Evan

瑩瑩決定帶同Evan到診所檢查及治療，情況大有改善，Evan說：「有次星期五做完運動，全身肌肉都好痛，但星期日就要參加一個渡海泳比賽，我就叫媽咪即刻帶我嚟LIGHTMAC Wellness，佢哋用唔同嘅儀器幫我肌肉消炎同放鬆，脊醫亦有用手法復位幫我調整，即刻舒服晒，最後星期日比賽先可以好放鬆去游，游出一個好好嘅成績添！」

姚瑩瑩與囝囝Evan

瑩瑩表示作為媽媽，最重要是多陪伴孩子成長，明白孩子讀書或者生活有不少壓力，希望透過多相處，能夠了解孩子所需。今次，瑩瑩正是眼見囝囝練水後有不少情緒，主動了解才得悉囝囝有痛症情況，盡早正視及醫治，「痛症唔好以為忍吓就算，到年紀大咗，情況只會繼續加劇，所以有痛就已經係警號，痛楚長達3個月就一定要睇醫生，病向淺中醫。」

姚瑩瑩與囝囝Evan

藝人姚瑩瑩（Eileen）2011為拍拖8年的圈外男友誕下兒子梁淦賢（Evan），多年來一直母兼父職悉心照顧兒子，更經常「陪太子讀書」，見證自幼就是游泳健將的Evan，多年來在各游泳比賽中奪獎的珍貴時刻。近日，即將15歲的Evan要飛到外地比賽，姚瑩瑩雖然未能陪同出發，但都到機場送別兒子。

姚瑩瑩與兒子Evan

姚瑩瑩經常「陪太子讀書」。

見證兒子多年來在各游泳比賽中奪獎的珍貴時刻。

去年曾母子檔上陣拍廣告。

姚瑩瑩在IG晒與兒子的合照，以及兒子的背影照，感性寫道：「阿囝第二次獨自坐飛機出外作游泳比賽，睇住佢背影真係有啲百感交集，一方面有啲空虛感，但另一面又好開心知道佢開始長大，懂照顧自己。預祝你一切順利成功。Miss ya!」雖然不捨，但都對兒子感長大感到自豪！

姚瑩瑩IG圖片