薑是老的辣！「家姐」玩匿埋反遭阿媽嚇到彈起淡定「盈媽」：一早睇穿你

社會事

薑是老的辣！「家姐」玩匿埋反遭阿媽嚇到彈起淡定「盈媽」：一早睇穿你

2025年07月04日 23:24 最後更新：23:41

平日再古靈精怪的大熊貓，都會有淆底的一刻，果然「薑係越老越辣嘅！」

大熊貓貪玩是天性，更何況是海洋公園內的兩隻未足周歲的BB熊貓孖寶。不過估唔到「家姐」加加竟然連阿媽「盈盈」都唔放過。

點擊看圖輯

海洋公園IG圖片

Matt奶爸IG圖

更多相片

海洋公園IG圖片

Matt奶爸IG圖

在 Instagram 查看這則貼文

🐼 香港大熊貓官方專頁（@pandahk_official）分享的貼文

海洋公園星期五晚就在社交平台公開反斗百厭星「家姐」加加與媽媽「盈盈」的最新影片，只見「家姐」加加胸有成竹的特登匿埋在竹林中，經過精心部署，當阿媽行近時，「家姐」加加準備撲出將「盈盈」嚇餐飽。

不過事與願違，正所謂「薑係越老越辣嘅」，這邊廂「家姐」加加尚未準備就緒，一轉頭早已洞察一切的媽媽「盈盈」提前淡定登場，牠成功反轉劇情，將正在專心擺位匿埋的「家姐」加加嚇到「原地彈起」，眼見阿囡俾自己嚇親，「盈媽」心滿意足的表示「一早睇穿你啦」

母女倆的搞笑互動曝光掀起網民爆笑熱議，熊貓迷們紛紛留意：「我想問，熊貓係咪好細膽？」、「家姐行走江湖經驗少，先會嚇親，之後就會好！」、「家姐真嚇到彈起」、「嚇到家姐心跳加速」

往下看更多文章

吹氣版「家姐細佬」約定你「孖住行生日遊」盈媽「老來得子」感性獨白：一切都值得㗎

「家姐」加加同「細佬」得得即將於8月15日迎來1周歲的生日，海洋公園早前已公布夏水禮詳情，由7月5日起至8月24日，園方將推出一系列生日主題打卡點、波波池、玩水世界和水戰地帶等，大家到海洋公園探望兩姐弟之餘，還可以參加「孖住行生日遊」，跟放大版的家姐「加加」同細佬「得得」吹氣公仔一齊玩吓跳吓影吓相，滿載而歸。

海洋公園星期五晚在社交平台發佈最新影片，公開「老來得子」的盈盈內心獨白：「做媽咪真係唔容易...」，雖然大部分時間都有海洋公園的一眾「奶爸奶媽」幫手照顧三母子，但湊仔，仲要係湊一對仔女，對年紀已大的盈盈來說依然不是一件輕鬆的事。不過，望著即將迎來一歲生日的「家姐」加加同「細佬」得得，盈盈亦感歎：「可以成日同對寶貝仔女糖黐豆咁生活，一切都值得㗎！」