薑是老的辣 ！「家姐」玩匿埋反遭阿媽嚇到彈起 淡定「盈媽」：一早睇穿你

平日再古靈精怪的大熊貓，都會有淆底的一刻，果然「薑係越老越辣嘅！」

海洋公園IG圖片

海洋公園IG圖片

大熊貓貪玩是天性，更何況是海洋公園內的兩隻未足周歲的BB熊貓孖寶。不過估唔到「家姐」加加竟然連阿媽「盈盈」都唔放過。

海洋公園IG圖片

海洋公園IG圖片

海洋公園IG圖片

海洋公園星期五晚就在社交平台公開反斗百厭星「家姐」加加與媽媽「盈盈」的最新影片，只見「家姐」加加胸有成竹的特登匿埋在竹林中，經過精心部署，當阿媽行近時，「家姐」加加準備撲出將「盈盈」嚇餐飽。

海洋公園IG圖片

海洋公園IG圖片

不過事與願違，正所謂「薑係越老越辣嘅」，這邊廂「家姐」加加尚未準備就緒，一轉頭早已洞察一切的媽媽「盈盈」提前淡定登場，牠成功反轉劇情，將正在專心擺位匿埋的「家姐」加加嚇到「原地彈起」，眼見阿囡俾自己嚇親，「盈媽」心滿意足的表示「一早睇穿你啦」

Matt奶爸IG圖

Matt奶爸IG圖

Matt奶爸IG圖

Matt奶爸IG圖

Matt奶爸IG圖

Matt奶爸IG圖

Matt奶爸IG圖

Matt奶爸IG圖

Matt奶爸IG圖

母女倆的搞笑互動曝光掀起網民爆笑熱議，熊貓迷們紛紛留意：「我想問，熊貓係咪好細膽？」、「家姐行走江湖經驗少，先會嚇親，之後就會好！」、「家姐真嚇到彈起」、「嚇到家姐心跳加速」

萬千寵愛的大熊貓龍鳳胎「加加」、「得得」好食好住好玩，最新消息兩姐弟體重已經超過35公斤！而且，告別BB餐，開始食窩窩頭了，讓契爸契媽既感欣慰，又捨不得兩個寶貝大得太快。

家姐細佬體重超過35公斤啦！香港大熊貓官方專頁ig截圖

家姐「加加」同細佬「得得」已經15個月大，由老鼠仔一樣的BB，長大到現在肥嘟嘟，識得「費媽」，識得打架，又識得撒嬌。

家姐細佬接受護理訓練。香港大熊貓官方專頁ig截圖

海洋公園的香港大熊貓官方專頁最新帖文帶來好消息，家姐細佬有不少成就解鎖，例如接受護理訓練，奶媽吹著哨子，加上手指指示，細佬就懂得朝奶媽方向走去，準備飲盆盆奶；又例如奶媽叫「加加」，家姐聽懂自己被點名，就馬上「應機」，聽明白指示自己走去正確的地方。

家姐細佬接受護理訓練。香港大熊貓官方專頁ig截圖

大熊貓家姐細佬開始食窩窩頭了。香港大熊貓官方專頁ig截圖

家姐細佬每日都探索和學習新事物，在奶爸奶媽、契爸契媽眼中，是越來越聰明和勇敢了。「睇到好感動，但ee唔想你地大得咁快」，「係盈盈媽媽，奶爸奶媽教導有方又有愛心細心，所以兩個寶貝無論身型同學習都進步好多」，「升中學了啦，接受正式訓練了！家姐叻叻！細佬開始食窩窩頭呀，唔怪之得有35kg重呢！兩姊弟加油！各位奶爸奶媽辛苦了」，「身形就嚟追得到盈盈啦」，「奶爸奶媽們準備要抱不動兩姐弟了」。

大熊貓家姐「加加」同細佬「得得」已經15個月大。香港大熊貓官方專頁ig截圖

另外，海洋公園宣布多項門票優惠方案。即日起至12月17日，香港居民可購買「一票雙遊」門票，以成人票價538元、小童票價269元，一個價錢可自由選擇兩個日子入園。由即日起至明年1月4日，推出「二人同行」成人優惠套票，兩位成人票價為915元。今年12月1日至明年1月4日期間，購買兩個或以上「全年會籍」，不論成人、學生或小童會籍，均有85折優惠，即成人年票為1173元，學生或小童年票為833元。