執法者們｜宣萱向潘志文索取700萬冤獄賠償勁有戲 陳若思濃妝Look獲讚似呢位90年代女神！

由香港邵氏兄弟國際影業有限公司及杭州優酷文化娛樂有限公司聯合出品，邵氏兄第製作，樂易玲擔任總監製、黃國強監製、呂冠南、譚廣源擔任編審的《Return關節筋肌配方呈獻：執法者們》，逢周一至五晚八點半翡翠台播映。 

宣萱為咗令個角色更有說服力，特登喺角色坐監時將自己整殘啲，好專業。

劇入面陳豪為宣萱苦苦等候多年。

前晚（3日）及昨晚一集，是前建築師李雅文（宣萱飾）經歷了八年冤獄後終獲釋，表面看似忘掉過去、決心重過正常生活的李雅文，原來靜靜起革命！最經典一幕，是昨晚李雅文趁著陷害其人入獄的龔友城（潘志文飾）與家人開心飯聚，向龔友城索償700萬「冤獄賠償」…宣萱在場口表現微表情轉換極速又精準，先以半威脅口脗寸爆龔友城八年前陷她於不義，之後再以冷淡態度說：「價我就開咗，你睇吓覺得畀唔畀好？畀定唔畀？我想有個知字」說畢配以一抹冷笑，有型得嚟又令人心寒！之後獲得復仇第一勝的宣萱，與陳豪撐枱腳拍拖時，又回復甜美、平靜及知性；對著陳豪女兒何依婷飾演的Annie時又滿臉慈愛，角色的多樣性令人驚艷！對於宣萱是次演出「亦正亦邪」，網民大讚夠酷夠魅力，直指宣萱「有一種平靜的瘋狂」。

宣萱為演活囚犯角色用盡辦法令自己顏值跌Watt：最緊要殘

宣萱吼正潘志文最開心嗰刻，送份大禮畀佢！

宣萱吼正潘志文最開心嗰刻，送份大禮畀佢！

宣萱呢幾個表情變化鬆緊有致，好有戲。

據知，宣萱為了演好李雅文的層次感，刻意於拍攝囚犯場口自己化妝，並笑言角色獄中化妝「最緊要殘」，皆因有助入戲，相當專業，宣萱說：「（囚犯妝）唔可以化太靚，因為要喺視覺上（造型及妝髮）畀觀眾感受到個個真實感。」她續指當時除沒有遮黑眼圈、亦沒有黐假眼睫毛及set頭。

呢幕望到支票後嘅表情變化，又係冇得頂，真係連眼珠都有戲。

其實宣萱化起妝上嚟，仲保養得好好架！

慈母Feel當然難唔到宣萱啦。

Amber呢兩個Look真係好大分別。

Amber呢兩個Look真係好大分別。

另接連在《刑偵12》及《執法者們》均有亮麗演出的小花陳若思（Amber），原來除了之前的囚犯Look，還有「濃妝靚女Look」！劇情講述Amber飾演的角色蔡佩汶Ria出獄後在非法色情場所打工，為配合角色，Amber自然要化濃妝兼著靚衫，不但與之前的囚犯Look有極大不同，更艷光level up，更有網民直指望落有少許邱淑貞的影子。對於艷女Look獲讚，Amber接受官方訪問時坦言勁興奮：「如果真係有人話我似邱淑貞，我會超開心，因為佢真係好靚，係我兒時女神嚟！可能我因為鍾意佢，都會不自覺有少少參考咗佢嘅妝容，其實我本身係驚自己化得太重手。」Amber續指由於角色兩個造型反差太大，有朋友甚至誤會她在劇中要一人分飾兩角，認真搞笑。

唔到呢幕飄逸嘅秀髮並唔係特登打造出嚟，而係因為拍攝當日掛3號波。

據知Amber嚟緊喺劇入面好有發揮！

談到角色在場口秀髮飄飄勁有女人味，Amber笑言原來「純屬意外」，她透露拍攝當日撞正三號風球，所以十分大風，她還被吹至一邊拍一邊流鼻水，十分搞笑，Amber說：「所以大家會見到我出場嗰下啲頭髮係吹起晒，好似全程有大風扇吹住我咁！但係其實我個鼻係一路流緊鼻水，好彩唔係拍得好大頭咋。」

陳豪因為救咗阿女，令二人成功破冰。

呢啲對白，簡直就係super daddy！相信呢幾句，亦係好多現實中爸爸嘅心聲。

陳豪呢個慈父樣，一絕！

陳豪激讚何依婷演得好：幫到我呢個爸爸入戲
另外陳豪與何依婷的父女情亦備受關注，陳豪飾演的劉宇凡更隨著劇情發展愈來愈入屋，皆因他除了是一位溫柔的好爸爸、又是正義的律政司副刑事檢控專員、也是對坐了八年冤枉監的李雅文不離不棄的好男人！有網民直指十分喜歡陳豪劇中角色，並封他為「零死角好男人」！談到劇中父女情真摯又感人，陳豪接受官方訪問時笑言當知道自己在劇中「有咁大個女」時，絕對「欣然接受」，並大讚依婷演得甚有說服力：「佢演得真係好有好後生嘅感覺、望落最多都係20歲左右，佢咁樣嘅狀態都好幫到我呢個爸爸（入戲）。」談到劇中因工作關係甚少時間陪伴女兒致關係疏離，問到現實中同樣工作忙碌的陳豪與囡囡關係時，陳豪開心笑言：「都好彩佢都仲係坐緊我大髀嘅！」

憑電影《尋秦記》再創人氣高峰的宣萱（Jessica）及以一身勁爆肌肉入圍角逐金像獎最佳男主角的「金童拳手」張繼聰（阿聰），繼《基建遊一萱》第一集播出後網民勁buy兩位擦出爆笑火花，短短幾日已經獲得200萬觀看次數。第二集兩位繼續於《基建飛一萱》拍住上，並以「第一人視覺」，宣萱與大家深入了解香港「世一」級基建大橋項目！

全港首條同時設有行車道、單車徑、行人路、觀景台的將軍澳跨灣大橋，二人欣賞其代表「無限活力」的無限符號外型設計

全港首條同時設有行車道、單車徑、行人路、觀景台的將軍澳跨灣大橋，二人欣賞其代表「無限活力」的無限符號外型設計

宣萱與大家深入了解香港「世一」級基建大橋項目

搞笑KOL Matthew Chung變身加大碼「烏廷芳」，邀請Jessica與阿聰登上青馬大橋橋塔頂

作為香港基建大型宣傳企劃「基建世一」的頭炮宣傳活動，《基建遊一萱》宣傳短片系列邀請到Jessica擔任主持，一連六集挑戰不同任務，親身體驗了解基建工程背後的技術與理念。第二集繼續由張繼聰擔任嘉賓，與宣萱一同飛越青馬大橋、將軍澳跨灣大橋、港珠澳大橋，沿途見證香港「世一」基建大橋震撼風光！

以航拍機「飛一萱」 第一人視覺飛越「香港世一」基建大橋：青馬大橋、將軍澳跨灣大橋、港珠澳大橋

第二集《基建飛一萱》一開場即有驚喜。阿聰見到青馬大橋橋塔頂出現《尋秦記》「烏廷芳」加大碼身影，暗笑Jessica新年派對後「幸福肥」，怎料「橋上美女」竟是搞笑KOL — Matthew Chung！Matthew於塔頂遠眺城市與大自然交織的景色，更邀請Jessica與阿聰登頂同賞，不過阿聰以「登頂太攰」為由婉拒，笑料十足。Jessica隨即出動建築界常用的無人航拍機，帶觀眾以「第一人視覺」飛越香港三大橋樑地標。首站青馬大橋，兩人驚嘆大橋高度高於滙豐總行，並可抵禦每小時306公里強風。阿聰以一身「Captain Louis」造型，透過航拍鏡頭飛越曾刷新「世界跨度最長行車鐵路兩用懸索吊橋」健力士世界紀錄的青馬大橋。

第二集《基建飛一萱》宣萱張繼聰以航拍機第一身視覺飛越三條世一大橋

第二集《基建飛一萱》宣萱張繼聰以航拍機第一身視覺飛越三條世一大橋

第二集繼續由張繼聰擔任嘉賓，與宣萱一同飛越青馬大橋、將軍澳跨灣大橋、港珠澳大橋，沿途見證香港「世一」基建大橋震撼風光

網民勁buy兩位爆笑火花

阿聰以一身「Captain Louis」造型，透過航拍鏡頭飛越曾刷新「世界跨度最長行車鐵路兩用懸索吊橋」健力士世界紀錄的青馬大橋

來到第二站，全港首條同時設有行車道、單車徑、行人路及觀景台的將軍澳跨灣大橋，二人欣賞其代表「無限活力」的無限符號外型設計。出發之前，Jessica以「冇獎有罰快問快答」向阿聰下戰書，考驗其對跨灣大橋的熟悉程度。三條問題答對兩題的阿聰最後難逃被「電到跳舞」。來到跨灣大橋前，二人被其宏偉程度震撼。Jessica更分享大橋以「浮托法」施工，配合潮汐變化，將過萬噸鋼組件於約五小時內精準定位，令阿聰大感驚訝。面對使用S690高強鋼建成圓拱的跨灣大橋，Jessica更透露鋼材使用「冰火大法」製作而成，將其加熱至逾1200°C後鍛打成形，然後急凍將鋼材內不規則排列的晶體互相鎖緊，再次加熱提升韌度，令阿聰突然感慨一番，以藝人「雪藏論」比喻煉鋼，笑言如果能夠經歷大公司雪藏、解凍再受捧，就會變得堅強、屹立不倒。阿聰更大玩電影《金童》金句形容大橋：「邊條橋鋼水夠厚，邊條就可以企到最後」。

壓軸登場的全球最長橋隧組合跨海通道港珠澳大橋，全長55公里，連接港珠澳三地。宣萱更以「奇異博士」式動作效果轉場，帶觀眾欣賞橋塔融入「中國結」元素的設計，為今集《基建飛一萱》畫上句號。

而較早前播出的首集《基建兜一萱》，阿聰與Jessica分別以乘客以及司機身份，成為首組駕車行駛中九龍繞道（油麻地段）隧道的「世一」使用者。一向風趣幽默、自帶水杯測試Jessica駕駛造詣並自稱「吹水師」的阿聰沿途從未停口，二人一邊駕駛一邊爆笑演繹中九龍繞道（油麻地段）的各種優越設計。首集結尾，Jessica與阿聰來到遊客打卡勝地兼獲得日本工程獎項的昂船洲大橋，開啟第二集以「橋」作為重心，一同發掘香港「世一」橋樑的內容。

Jessica笑言經過第一集的試煉，第二集終於找到應付阿聰的方法：「搵阿聰做嘉賓一定開開心心，絕無冷場，因為佢講唔停。但真係太開心喇，一個唔小心就會分心。今次拍片要講對白就預咗，但阿聰有好多爆肚，我又要接返住，個腦真係慢啲都搞唔掂。佢係個出色嘅演員同笑匠，好彩我都係資深演藝前輩，頂得住。只要問到佢口啞啞，就可以stop佢，佢間唔時又會有啲搞笑答案，好過癮，成隊crew都拍得好開心。我見大家睇完第一集都話好好笑，咁就記得share畀朋友一齊笑住學嘢，輕輕鬆鬆了解吓香港基建有幾厲害，仲可以見到阿聰超乎常人嘅吹水能力，同埋我嘅忍耐力。」

雖然Jessica接連取笑阿聰，但都認真恭喜對方入圍角逐今屆金像獎最佳男主角。Jessica：「唔容易呀，你見到佢拍《金童》時操到咁大隻，係好辛苦，要好自律。我祝阿聰好似今集航拍機咁愈飛愈高，做影帝、做『世一』！」

阿聰已經約定Jessica重遊首集到訪的「中九」慶祝：「講到『世一』梗係我老婆，但原來香港咁多基建項目都係『世一』，真係日日經過都唔知，要好好話畀大家知。我同Jessica係世界第一位司機同乘客自己揸車行中九龍繞道油麻地段，真係光宗耀祖呀！係估唔到Jessica手車咁定，我平時好鍾意ride車遊香港，已經約埋Jessica同《金童》團隊喺頒獎禮之後一齊ride當慶功。由將軍澳出發，經將藍隧道、將軍澳跨灣大橋、T2主幹道、中九龍繞道係咁去，行晒成條六號幹線再直去機場，冇燈位，爽呀！」