蘇永康自揭因梅艷芳一句說話開啟戴眼鏡日常 張衛健驚揭應采兒曾是鐵粉

無綫全新清談+音樂節目《馬百良秋梨潤喉蜜呈獻：今晚有歌廳》，由周國豐、支嚳儀、黃劍文、顏米羔擔任主持，一共十三集逢周日晚10點翡翠台播映。《今晚有歌廳》由《中年好聲音》系列的黃劍文、顏米羔、支嚳儀及專業評審周國豐擔任主持，開啟金曲x故事互動音樂會模式，重現香港昔日「夜夜笙歌」的黃金時代，首集打頭陣嘉賓為同樣是歌唱比賽（《新秀歌唱大賽》）出身的BIG FOUR四子—張衛健（Dicky）、許志安、梁漢文及蘇永康。

黃劍文、顏米羔、支嚳儀獻唱梅艷芳《Stand by Me》

黃劍文、顏米羔、支嚳儀獻唱梅艷芳《Stand by Me》

黃劍文、顏米羔、支嚳儀獻唱梅艷芳《Stand by Me》

黃劍文、顏米羔、支嚳儀獻唱梅艷芳《Stand by Me》

周國豐

許志安攬住鐵粉譚輝智甜蜜合唱
為配合本集嘉賓，三位主持則會輪流獻唱／合唱與四子相關的經典金曲，分別是《Stand by Me》、《男人不該讓女人流淚》、《七友》及《你愛我像誰》；當中較特別的，是本集還有許志安隱藏鐵粉譚輝智以表演嘉賓身份現身，獻唱安仔的《愛你》及《向全世界說愛你》；輝智獻唱期間，安仔一度衝出去攬著這位「小粉絲」合唱，而「追星成功」的輝智則一臉冧樣，畫面「甜蜜」。周國豐在節目中玩踢爆指輝智比許志安本尊更熟悉許志安的歌曲，安仔更一度被輝智的「許志安冷門歌曲資料庫」擊倒，十分搞笑。談到為何如此喜歡安仔，輝智說：「我細細個喺英國讀書，12歲就過去，成個讀書生涯都係聽住佢（安仔）嘅歌。」輝智透露當時只要一有思鄉情緒，便會喪loop安仔的歌：「好想返香港時，聽佢嘅歌會舒服啲囉個人，依家有時聽番佢啲歌，都會記番起嗰時嘅感覺。」

BIG FOUR分享當年有趣故事

張衛健喪窒蘇永康勁爆笑
在《中年》系列中出名牙尖齒嘴利的周國豐，在節目中繼續保持個人特色，為節目做足功課的他，事前用心翻煲四子參加《新秀》時的片段，並不斷提出尖銳問題為難四子，當中針對蘇永康的「你嗰時冇戴眼鏡喎」，及針對安仔的「你唱唱吓歌（慢歌《霧之戀》）突然跳舞係咩事呢？」，成功將現場氣氛炒熱，蘇永康更因而揭出當年因為梅艷芳（梅姐）一句話化身「戴眼鏡」Icon：「係梅姐叫我戴眼鏡嘅，你知我嗰時成日跟梅姐出去玩嘅，佢好多眼鏡架嘛，嗰時我有個Puppy love女友，咁我戴咗佢副眼鏡去，跟住梅姐就話：『你戴眼鏡好似好樣啲』。」搞笑的是，當蘇永康一本正經想當年時，張衛健忽然佻皮插嘴：「叫你戴頭盔你又唔戴？！」蘇永康聽畢即忍不住拍打Dicky「洩憤」，盡顯BIG FOUR鬥嘴日常。

BIG FOUR分享當年有趣故事

BIG FOUR分享當年有趣故事

BIG FOUR分享當年有趣故事

BIG FOUR分享當年有趣故事

蘇永康於《新秀》中「冇戴眼鏡」樣相當珍貴。

蘇永康於《新秀》中「冇戴眼鏡」樣相當珍貴。

張衛健自揭當年參加《新秀》時唔識死，竟教監製如何以最佳角度拍攝自己表現，十分搞笑。

張衛健自揭當年參加《新秀》時唔識死，竟教監製如何以最佳角度拍攝自己表現，十分搞笑。

許志安於《新秀》中唱唱吓慢歌忽然跳舞，對此，他笑言是「人生嘅失誤」。

許志安於《新秀》中唱唱吓慢歌忽然跳舞，對此，他笑言是「人生嘅失誤」。

另外四子還分享了與粉絲的特別／難忘故事，當中張衛健驚揭當年有位忠實女歌迷，二人一度相約在美國見面，感情要好；事隔多年後，張衛健透過陳小春發現當年該名女粉絲竟是其太太應采兒，相當驚爆！想知道更多BIG FOUR跟粉絲的小故事，以及四子參加《新秀》時的精華回顧及有趣花絮，記住密切留意第一集《今晚有歌廳》！

蘇永康自揭因為梅艷芳當年的一句說話，開始戴眼鏡日常。

BIG FOUR鬥嘴鬥氣日常，留意番，節目入面張衛健唔止窒過蘇永康一次。

梁漢文自揭參加《新秀》時，獲當時的表演嘉賓羅嘉良鼓勵。

梁漢文自揭參加《新秀》時，獲當時的表演嘉賓羅嘉良鼓勵。

輝智挨住安仔甜蜜合唱《愛你》

輝智挨住安仔甜蜜合唱《愛你》

輝智挨住安仔甜蜜合唱《愛你》

由張衞健（Dicky）、許志安、蘇永康（阿公）和梁漢文（Edmond）組成的BIG FOUR將於今年8月9至11日舉行一連三場紅館演唱會，相隔13年，BIG FOUR推出新歌《赤子們》並拍攝MV，邀得金像獎最佳剪接李謙明擔任MV導演。四子於鏡頭前後盡顯默契連爆笑料，Dicky更爆出當年於清水灣電視城「大鬧」古裝街的百厭事蹟！

BIG FOUR推出新歌《赤子們》。

四子在鏡頭前後盡顯默契連爆笑料。

新歌由朱琳填詞、雷頌德作曲、編曲，並與楊鎭邦共同監製。Dicky透露新歌月初在電台首播時，不少樂迷大讚好聽，還追問幾時有MV，《赤子們》MV終於推出！

觀看相關影片按連結：https://youtu.be/-x0xzt49wW8

MV其中一幕，四子以包揼方式分成兩隊大玩足球機，Dicky和安仔大戰阿公與Edmond。他們玩得非常投入氣氛高漲，Dicky還激動得舉起足球機的一邊，笑言是「三十六計，搬為上計」。比賽過後，足球機零件散落一地，場面搞笑。阿公與Edmond最終以15比8獲勝，阿公更獲封「神射手」。他指着Edmond假裝生氣說：「呢個衰公最初Part到我時嗌『哎吔』，即係諗住Part到許志安就贏30比8？」Edmond笑言：「點都好，最唔想Part到你囉，但估唔到你係呢場波嘅『神射手』，入得最多係你。」

MV拍攝花絮

MV拍攝花絮

接着，BIG FOUR抽籤決定拍攝對嘴唱歌部份的先後次序，阿公抽中紅色籤成首位拍攝，意味着最早收工，但拍攝期間，鏡頭後的三位兄弟不斷大聲朗讀歌詞，令他哭笑不得。

蘇永康

許志安

梁漢文

張衞健

BIG FOUR在鏡頭後同樣玩得開心，安仔等埋位時除去西裝外套抖涼，阿公立即拿起攝錄機拍攝他強壯的手臂，又與Dicky和安仔偷伯準備中的Edmond，現場笑聲不斷。此外，安仔的歌迷還精心準備應援食物給台前幕後，非常有心。

MV拍攝花絮

四位兄弟聚頭勾起不少當年難忘回憶，Dicky更大爆90年代在清水灣電視城「大鬧」古裝街一事，Edmond聞言緊張問道：「呢單嘢講唔講得㗎？」Dicky說：「講得，佢哋啲高層都知，你唔知我俾高層捉咗入去咩？我哋夜晚去古裝街玩，十個人分成兩邊，匿埋再追射...」安仔補充說：「周潤發、趙雅芝拍《上海灘》，周潤發衝入教堂嗰個位。（阿公大叫：程程！）就係撞爛晒嗰度啲玻璃。」

MV拍攝花絮

Dicky描述當時的情況，「有人當咗自己係隊長，揸住支槍去到玻璃嗰度『轟』一聲，真係亨爆咗塊玻璃，再隊支槍出去話『一齊嚟！』我唔敢，呢個人係四個當中其中一個。」他續說：「隔咗兩日，有人話珍姐（曾勵珍）想見你。珍姐話『你哋玩到冇嘢好玩？係咪好掛住返嚟古裝街開工？有冇搞錯，教堂塊玻璃俾你哋打爛，要你賠添呀，呢度唔係俾你玩。』我話知道。」安仔笑說：「成條古裝街地下都係BB彈。」Dicky再分享：「我哋試過『走鬼』，因為有保安聽到聲。」Edmond說：「佢揸架保安車入嚟，開個大燈照住我哋話『你哋好出嚟啦喂』，跟住張衞健匿埋喺車底，太多好笑嘢。」

張衞健

張衞健

梁漢文

蘇永康

許志安

相識多年共同經歷了很多，問到四位最不想BIG FOUR做什麼活動時，安仔直言謝絕與三位兄弟一齊影貼紙相，他說：「有啲尷尬，四個男人走入去個框框影相。」話口未完，阿公卻指BIG FOUR曾於日本影貼紙相，他回憶說：「90年代有次我哋四個去日本，嗰時有啲影相機，我哋四個迫入去影過一次，但張相就冇咗啦。」Dicky和Edmond點頭表示有印象，Edmond隨即分享影貼紙相的趣事：說：「嗰時喺香港世貿有一層全部都影貼紙相，我好明顯被迫㗎啦。嗰時快快手影完，又唔識睇啲日文，Upload咗自己幅相上去，又唔知點搞，嚇到我即刻走。」全場爆笑！

MV拍攝花絮