蘇永康與歐陽德勛相識40年兄弟情不變 暖心點唱許志安新歌

新城知訊台《沿途有我》主持歐陽德勛昨晚（4月22日）邀請樂壇實力唱將蘇永康（阿公）擔任嘉賓。兩人自華星新秀時期相識逾40年，節目中笑料與音樂火花齊飛。阿公更突然宣布，將為節目送上全新主題音樂（Jingle），並邀得著名音樂人CY Kong出山合作，預告於5至6月推出，令德勛驚喜大叫。

蘇永康（阿公）昨晚（22日）擔任新城知訊台《沿途有我》主持歐陽德勛的節目嘉賓。

特別點唱與鼓勵
阿公在節目中不忘鼓勵另一位華星新秀好兄弟許志安（安仔），特別點唱安仔新歌《信天翁》。他語帶深情地說：「安仔等咗好耐啦，終於加盟新公司，很好的一個機會。《信天翁》歌曲意思好好。安仔呢幾年音樂歷程及人生，終於有好好作品，而且唱得好好聽。」除了安仔，阿公亦特別點唱兩位徒弟的作品：馮熙燮《聆聽自己的聲音》及胡子貝《情完節》。

兩人自華星新秀時期相識逾40年，笑料與音樂火花齊飛。

Jingle背後故事
德勛透露，兩年前回歸新城時曾邀請蘇永康錄製節目過場音樂及旁白，阿公二話不說即答應：「他幫我做了好多免費嘢。」阿公即笑言：「以為只是用好短時間，沒想到原來你用了兩年！」場面溫馨又搞笑。

阿公解釋送上全新Jingle的原因，是因為德勛主持的《沿途有我》值得擁有更高質的主題音樂。他更表示已構思方向，預計30日內完成新版本，並會重新唱出「歐…陽…德…勛」這句標誌性旁白，令聽眾期待不已。

阿公突然宣布為節目送上全新主題音樂，邀得CY Kong出山合作，令德勛驚喜大叫。

笑談湊仔經「趕校車日常」
阿公亦分享近年生活轉變，自兒子升讀小學後，每日清晨6時起床叫兒子，生活變得規律。他笑言偶爾因兒子「去廁所」錯過校車，要親自駕車接送。生活細節真實貼地，並強調盡量陪伴家人，保持健康作息。

阿公更特別點唱老友許志安的新歌《信天翁》，場面感動。

徒弟馮熙燮、胡子貝獲力撐　阿公：教學令我聲音更穩定
阿公透露即將前往台灣高雄舉行演唱會，兩場演出在零宣傳下仍然售罄，展現資深歌手的號召力。

近年他亦積極投入歌唱教學，現時已有二十多名學生，包括胡子貝、馮熙燮及甄敏芳。他表示教學令自己聲音更穩定，並享受「教學相長」的過程，希望將音樂理念傳承給新一代，強調不要過度依賴科技，真正做到薪火相傳。

阿公透露即將赴高雄舉行演唱會，兩場演出零宣傳下售罄。

詳細節目內容，請重溫4月22日，晚上9-10時，新城知訊台《沿途有我》，網址：https://www.metroradio.com.hk/MetroInfo/

歌手林德信（Alex）6月10日到新城廣播接受歐陽德勛主持的《沿途有我》訪問，歐陽德勛在節目開場時表示，與Alex已多年未見，但一直留意他的動態。「當時佢就係一個好瀟灑嘅Single Man，單身一個靚仔，後來突然間收到佢結婚消息，大個仔喇，我估佢應該好快會做爸爸，又畀我估中咗，唔使好耐就真係做咗爸爸。」

林德信（Alex）接受新城廣播《沿途有我》訪問。

被問及成為爸爸及丈夫後的感受，Alex坦言自己的轉變過程與其他朋友不同。「我覺得我嘅感受同其他做咗爸爸嘅朋友好唔同，好多朋友話BB一出世成個生活變晒，但反而我呢個轉變嘅時間好長。我覺得到今日，我仲係度吸收、消化緊呢件事，可能因為我本身性格都比較慢熱。」

Alex爆兩歲女兒愛聽《十分十二吋》、《阿里巴巴》。

談到兩歲的女兒，Alex笑言她遺傳了家族的音樂天份。「佢好細個已經好鍾意聽快歌，如果播慢歌氹佢瞓覺，佢唔鍾意。佢鍾意《十分十二吋》、《阿里巴巴》呢啲好快嘅Disco歌，好細個就已經識得跟住拍子又跳又叫。」
Alex以獨立歌手身份發展已經差不多六年，他透露今年計劃推出專輯，靈感來自一個家庭循環：「我爸爸（林子祥）以前有一張專輯叫《最愛》，個封面係佢抱住1歲嘅我。嗰陣佢39、40歲，我1歲。而家呢個循環啱啱返嚟，我40歲，我個BB而家2歲。我好想做返呢件事，專輯個封面就係林德信抱住個女，儘量將個pose重現番出嚟。」

Alex演音樂劇讀父親林子祥家書。

上月在西九龍戲曲中心大劇院完成了一場音樂劇《3026：音樂環遊記》的Alex，介紹故事背景設定在1000年後，AI毀滅了所有音樂和文化，他飾演的角色進入戲曲中心，與被AI刪除記憶的音樂人一同透過經典廣東歌找回回憶。他特別提到劇中重新演繹父親的經典金曲《分分鐘需要你》時，獲得了全新的理解。導演引導他思考：「如果你真係冇晒音樂，音樂唔再存在，你冇咗生活、呢個身份，或者你會珍惜啲咩？」

後來他找到一封父親小時候寫給他的手寫信。「佢寫嘅全部都係好無聊嘅嘢，『你而家返學點呀？最近讀書點呀？考試成績點呀？』、『我喺意大利行路嘅時候會諗起你』。我讀出嚟嘅時候，個個都覺得呢啲嘢好無聊，但係最珍貴。」他續說：「佢哋就係咁啟發到我，用一個全新嘅角度去唱《分分鐘需要你》。就係你係一個好細個嘅小朋友，好渴望你爸爸喺咁無聊嘅時候陪住你。我從來冇諗過可以咁樣唱。」

唱《分分鐘需要你》感觸走音。

Alex坦言當晚險些唱不下去：「我嗰晚差啲講唔出封信，我讀唔出……唱歌音都亂晒、走音，但係有真實嘅感覺。」當晚全家人都在場，包括爸爸林子祥，令他情緒更加波動。「我感覺到爸爸喺出面，感覺到所有家人喺出面，差啲崩潰。不過點都要講完對白、唱完先，忍住先。」

重溫節目，請於6月10日晚上九時登入知訊台《沿途有我》：https://www.metroradio.com.hk/MetroInfo/