《聲秀》冠軍馮熙燮（Ryan）昨晚（4月8日）接受歐陽德勛主持的新城節目《沿途有我》直播訪問，Ryan在節目中分享了成長點滴及愛情觀。
聲秀冠軍馮熙燮（Ryan）
作為獨生子，他曾問過爸爸媽媽：「點解只生我一個？佢哋回答『睇下你幾煩』。我同家人好玩得，我知父母講笑。之後，爸爸同我講，兩歲時，問我想要細佬妹？還是要車？最後答咗『車』。」他笑言：「依家諗起好後悔，點解當年會咁答，在家好悶，想傾偈冇人同自己傾。不過，我都好佩服爸爸，咁尊重兩歲的我。」
馮熙燮昨日（8日）接受歐陽德勛訪問。
Ryan曾在澳洲悉尼大學修讀物理治療，卻因音樂夢想毅然回港發展。他表示自小在教會唱歌，逐漸感染父母支持其音樂路。訪問中，Ryan即場演繹陳奕迅《月球上的人》，首次挑戰此曲，事前認真思考演繹方式。德勛讚他唱情歌十分出色，但第一首單曲偏偏不選唱情歌，反而選擇了《聆聽自己的聲音》，問他下首宣傳歌會否揀情歌？Ryan即表示：「唔會，暫時仍在自我探索階段。」
大爆感情觀。
德勛再追問，會否唱情歌比女朋友聽？Ryan即發表單身宣言，直答：「我冇女朋友，所以唔洗唱畀她聽，反而我有好多家人。（是否渴求有女朋友？）我唔渴求。（你已26歲仔喎?）哈哈，我真係唔渴求，我唔渴求到，就連我啲朋友都擔心。」他指有時間寧願花心機諗下新作品給歌迷聽，又反思如何令自己進步，並理直氣壯說：「基本容不下愛情！」
Ryan坦言單身不渴求愛情。
詳細節目內容，請重溫4月8日，晚上9-10時，新城知訊台《沿途有我》，網址：https://www.metroradio.com.hk/MetroInfo/
由陸浩明（六號），馮熙燮（Ryan）及羅毓儀（Yuki）主持；香港外星政治學會總監何啟華（Stan）擔任顧問的綜藝節目《呢度都有外星人》昨晚（8月24日）主題「集體事件」。
主持跟嘉賓直播前來過大合照。
主持跟嘉賓直播前來過大合照。
華富邨一直是UFO出沒的香港都市傳說，更成為不少電影中的題材。不過一直都只能目睹飛碟，但今次Stan請來的嘉賓；任職護士的麥小姐（Megan）於近距離見到外星生物，Stan說︰「所有華富邨事件，都屬於第一類接觸，只係望到。而Megan嘅case唔係咁簡單，係見到隻飛碟落咗地，有外星人行出嚟，變咗第三類接觸好震撼。」Megan表示事件塵封近40年，今趟首次在螢幕上分享，可以算是機緣巧合，她說︰「之前無意間同位醫生傾開，細個喺華富邨見過UFO。醫生好有興趣，之後介紹Stan畀我認識。」
Megan親述在華富邨的「第三類接觸」。
Megan親述在華富邨的「第三類接觸」。
事發時Megan就讀中三，當日黃昏她獨自在華富邨華美樓家中溫習。忽然外面由光亮變黑，感覺有些像日蝕，好奇驅使Megan行出露台，便見到一個超巨大的物體完全遮蓋住大廈，她憶述當時情景說︰「件物體好似一隻巨大嘅鱟，移動得好慢。當時好驚，怕佢會跌落嚟。」Megan最後出去看過究竟，當時發生一奇怪事，整個世界像只剩下Megan存在，她形容︰「耳仔好似喺水底咁隔住一層，世界變得好安靜。」
Megan在15樓下望飛碟及外星人位置。
Megan在15樓下望飛碟及外星人位置。
飛行物慢慢降落在公園平台，中間一道門隨即打開，Megan說︰「四個全身白色、三、四呎高、瘦身、手腳纖細嘅人形生物，一個跟一個，好有秩序跳落嚟。」她形容小矮人全白造型似是穿上太空衣，面部容貌看不清，雙臂不時擺動。他們落地之後似在找甚麼，最後往Megan所在的15樓望上去，她說︰「佢哋知道我望緊，我驚到退後咗一步。」而平台的外星生物懸浮在空中移動一陣後，最後飄回飛碟以極快速度消失。
外星人曾往上望向Megan所在位置。（AI圖片）
外星人曾往上望向Megan所在位置。（AI圖片）
「外星顧問」Stan分析Megan遇到的情況，只有一種解釋︰「喺美國拜訪過一位研究者Tom Dongo，寫過一本書叫《Merging Dimensions》。佢嘅假設喺兩個唔同維度交疊，Megan嘅情況似係見到兩個維度交疊咗嘅時間。」事件引來網民在Chat-room熱烈討論，同時提出很多問題。
美國研究者Tom Dongo著作《Merging Dimensions》。
美國研究者Tom Dongo著作《Merging Dimensions》。
此外，類似事件發生在1975年日本的「甲府事件」，六號提到兩名小學生，河野雅人與山畑克博在回家途中，目睹天空出現兩隻飛碟逼近，艙門打開跳出兩個高約130公分的生物，六號補充︰「佢哋身穿銀色制服，皮膚深褐色佈滿皺紋，無眼、鼻等五官，最特別係有3隻銀色獠牙外露，其中一個仲拍咗其中一位小朋友膊頭一下。」兩位小朋友嚇到狂奔回家，事後將所見畫成圖畫，更有商家製成手辦模型出售，銷路還不俗。
日本「甲府事件」兩名小學生跟外星生物接觸。
日本「甲府事件」兩名小學生跟外星生物接觸。
目擊小學生的繪畫製成手辦模型出售。
目擊小學生的繪畫製成手辦模型出售。
目擊小學生的繪畫製成手辦模型出售。
目擊小學生的繪畫製成手辦模型出售。
