媽咪童年苦心安排海量課外班 成功造就23歲何榛綦百般舞藝唱跳兼備

迎接23歲的歌手何榛綦（Natalie）昨晚（13日）接受新城知訊台《沿途有我》主持歐陽德勛直播訪問，分享她由「細細粒小辣椒」到如今唱跳歌手的成長故事。德勛憶述，早年在「家燕媽媽藝術中心」見到一群小朋友正在上跳舞堂，當時已覺得有位小朋友跳得特別勁，仲要好專心對住鏡子努力跳舞，而呢位跳得好叻的妹妹仔就是Natalie，更形容當時童年的Natalie：「細細粒係小辣椒！」

百戰小辣椒何榛綦（Natalie）接受歐陽德勛訪問分享成長故事。

海量課外班的童年 媽咪苦心栽培成就今日舞台
德勛更讚Natalie自7、8歲起便參加北京比賽，甚至遠赴新加坡接受訓練，累積無數舞台經驗，真正「身經百戰」。

Natalie坦言，童年時期媽媽為她安排了大量課程，包括唱歌、爵士舞、大提琴、古箏、琵琶、鋼琴、繪畫、游泳、珠心算及朗誦等。她坦言：「細個時都有嬲媽咪，當時諗，個個同學都去玩，點解我要學咁多？」

但隨著成長，她逐漸理解媽媽的用心，希望她能找到真正的興趣。最終，她保留了唱歌與跳舞，並將這兩項技能發展成事業。（演唱會可以展現十八般舞藝？）她即笑言：「好多都已忘記晒！古箏也只學到小學三年級。」

何榛綦與歐陽德勛合照。

K-pop影響與音樂夢
Natalie坦言自己深受K-pop文化影響，最喜歡的組合是BLACKPINK。她表示，作為歌手已不再是「細個唔怕羞」的狀態，如今更懂得要向樂迷交代，肩負起唱片公司旗下藝人的身份。她希望透過舞台展現屬於自己的音樂與舞蹈力量。

媽咪童年苦心安排海量課外班。

學術與歌手雙重身份
除了歌手身份，Natalie剛完成傳理系大學學位，並將於9月開始攻讀碩士課程。她解釋選擇傳理系是因為容易接觸，且能應用於工作。至於是否會再讀博士，她笑言暫時未定。面對雙重身份，她坦言「一定好艱苦」，既要拍攝工作，又要應付考試，但自認是時間安排得宜的人，能夠提前計劃，平衡學業與事業。

Natalie的故事展現了從童年訓練到舞台實戰的堅毅，亦反映她在學術與音樂之間的努力平衡。未來，她將繼續以「百般舞藝」與「唱跳兼備」的姿態，走出屬於自己的天空。

成功造就23歲何榛綦百般舞藝唱跳兼備。

詳細節目內容，請重溫5月14日，晚上9-10時，新城知訊台《沿途有我》，網址：https://www.metroradio.com.hk/MetroInfo/

歌手林德信（Alex）6月10日到新城廣播接受歐陽德勛主持的《沿途有我》訪問，歐陽德勛在節目開場時表示，與Alex已多年未見，但一直留意他的動態。「當時佢就係一個好瀟灑嘅Single Man，單身一個靚仔，後來突然間收到佢結婚消息，大個仔喇，我估佢應該好快會做爸爸，又畀我估中咗，唔使好耐就真係做咗爸爸。」

林德信（Alex）接受新城廣播《沿途有我》訪問。

被問及成為爸爸及丈夫後的感受，Alex坦言自己的轉變過程與其他朋友不同。「我覺得我嘅感受同其他做咗爸爸嘅朋友好唔同，好多朋友話BB一出世成個生活變晒，但反而我呢個轉變嘅時間好長。我覺得到今日，我仲係度吸收、消化緊呢件事，可能因為我本身性格都比較慢熱。」

Alex爆兩歲女兒愛聽《十分十二吋》、《阿里巴巴》。

談到兩歲的女兒，Alex笑言她遺傳了家族的音樂天份。「佢好細個已經好鍾意聽快歌，如果播慢歌氹佢瞓覺，佢唔鍾意。佢鍾意《十分十二吋》、《阿里巴巴》呢啲好快嘅Disco歌，好細個就已經識得跟住拍子又跳又叫。」
Alex以獨立歌手身份發展已經差不多六年，他透露今年計劃推出專輯，靈感來自一個家庭循環：「我爸爸（林子祥）以前有一張專輯叫《最愛》，個封面係佢抱住1歲嘅我。嗰陣佢39、40歲，我1歲。而家呢個循環啱啱返嚟，我40歲，我個BB而家2歲。我好想做返呢件事，專輯個封面就係林德信抱住個女，儘量將個pose重現番出嚟。」

Alex演音樂劇讀父親林子祥家書。

上月在西九龍戲曲中心大劇院完成了一場音樂劇《3026：音樂環遊記》的Alex，介紹故事背景設定在1000年後，AI毀滅了所有音樂和文化，他飾演的角色進入戲曲中心，與被AI刪除記憶的音樂人一同透過經典廣東歌找回回憶。他特別提到劇中重新演繹父親的經典金曲《分分鐘需要你》時，獲得了全新的理解。導演引導他思考：「如果你真係冇晒音樂，音樂唔再存在，你冇咗生活、呢個身份，或者你會珍惜啲咩？」

後來他找到一封父親小時候寫給他的手寫信。「佢寫嘅全部都係好無聊嘅嘢，『你而家返學點呀？最近讀書點呀？考試成績點呀？』、『我喺意大利行路嘅時候會諗起你』。我讀出嚟嘅時候，個個都覺得呢啲嘢好無聊，但係最珍貴。」他續說：「佢哋就係咁啟發到我，用一個全新嘅角度去唱《分分鐘需要你》。就係你係一個好細個嘅小朋友，好渴望你爸爸喺咁無聊嘅時候陪住你。我從來冇諗過可以咁樣唱。」

唱《分分鐘需要你》感觸走音。

Alex坦言當晚險些唱不下去：「我嗰晚差啲講唔出封信，我讀唔出……唱歌音都亂晒、走音，但係有真實嘅感覺。」當晚全家人都在場，包括爸爸林子祥，令他情緒更加波動。「我感覺到爸爸喺出面，感覺到所有家人喺出面，差啲崩潰。不過點都要講完對白、唱完先，忍住先。」

重溫節目，請於6月10日晚上九時登入知訊台《沿途有我》：https://www.metroradio.com.hk/MetroInfo/