梁釗峰被前女友爆出軌「幕前人物」 34歲「口罩小姐」李文意疑為「第三者」

38歲的歌手梁釗峰一向對感情事非常低調，今年4月化妝師女友Karen晒出多張合照公開戀情，但近日二人疑因第三者致分手，女方在細說與釗峰分手之事中就爆出第三者是「幕前人物」，對方曾向釗峰發訊息，表示：「掛住了」，網民亦從發訊人「llmy」，懷疑「L-M-Y」是李文意。

梁釗峰與化妝師Karen拍拖逾四年。

Karen於今年4月晒出多張合照公開戀情。

Karen搬離愛巢，並直指與釗峰之間有第三者。

釗峰承認分手，但否認出軌，「不要誤會，沒有回應不等於默認這回事」。

Karen之後發文反撃，並貼出疑似小三向釗峰發訊息，表示：「掛住了」的照片。

現年34歲的李文意（Myrilla）早年曾用筆名「My叔」撰寫旅遊文章，自2017年起為ViuTV及港台電視31擔任主持，2021年參加ViuTV《最後一屆口罩小姐選舉》，但於12強階段被淘汰。李文意之後主力拍攝網上短片，主打「女性向短劇」，不時與不同的藝人合作，當中就曾與釗峰合作；而早在2024年3月，釗峰亦曾貼出二人的合照，當時李文意留言：「暖哥！」 

李文意IG圖片

李文意IG圖片

李文意IG圖片

二人曾合做拍攝網上短片。

在短片中飾演已分手的情侶。

互動頗親密。

釗峰早在2024年3月就曾貼出二人的合照。

而網民覺得事有蹺蹊的是，二人曾經合作，又間中會在社交平台互動，但在釗峰逾2300位追蹤人士中卻不見李文意，估計是因被Karen發現而取消追蹤對方，而李文意就依然一直有追蹤釗峰。對於網上的傳言，李文意暫時未作出任何回應，但其Threads忽然由公開轉為私人，IG亦限制留言。

釗峰逾IG沒有追蹤李文意。

而李文意就依然一直有追蹤釗峰。

梁釗峰（釗峰）於2009年以四人組合C AllStar出道，2011年夥三隊友簽約寰亞走紅，再於2017年休團變個人發展。今年4月突宣布約滿轉做自資獨立歌手，離開合作超過13年的娘家。現年39歲的釗峰，為首支獨立作品《情緒價值補給員》接受雷霆881商業一台《星光背後》專訪。節目中，釗峰詳述離巢主因指：「我有惰性，呢十幾年太舒適，再簽約又係唔係一樣呢？想趁仲係三字頭闖下，如果再簽約，再過幾年我係唔敢試。」他感激公司多年栽培，亦坦承為跳出安全網感到忐忑，釗峰說：「都要計數，你問我驚唔驚，驚㗎！」節目中，釗峰亦罕有談及感情，他否認早前有指四年半地下情曝光後「見光死」的說法，不過，接受訪問後一周，他與女友先後證實這段關係分手收場。

釗峰早前為首支獨立作品《情緒價值補給員》接受雷霆881商業一台《星光背後》專訪，罕有提及感情事。

釗峰近年迷上越野長跑，談及在樂壇「長跑」的經歷，他於C AllStar年代比其他兄弟跑得快，及至近年被隊友陳健安或是同公司的馮允謙超前，問到釗峰離巢與同公司歌手之間的競爭有沒有關係，他說：「我無諗咁多，成功嘅公司，如果你配合到係天時地利人和，打橫瞓都會紅，啲歌都會OK，我真係無咁諗。」至於兄弟安仔有今天的成績，釗峰一直戥兄弟高興，「C AllStar時畀人感覺我突出，因為《天梯》，又或者個人發展我派歌快啲。組合嗰陣會在意啲，或者會有比較，因為大家同一起步點，除左想兄弟有掌聲，亦想啲掌聲落響自己度。但到2017年休團獨立之後，我打消晒呢啲念頭，會真心戥兄弟開心。」

女化妝師Karen月前單方面公開與釗峰的戀情。

分享多張甜密合照。

馮允謙或安仔已成功開了多次個唱，釗峰真心為好友高興，「好記得安仔疫情開咗一個無觀眾嘅網上騷，我響廠睇佢嘅騷，到中尾段，我係畀佢感動到流眼淚，大讚佢『好叻仔呀！』絕對無諗點解佢會開騷先。同佢經歷咁多，真心覺得佢啲歌好聽，嗰刻我亦覺得自己大個仔咗。」至於馮允謙，原來入寰亞後，二人亦成為了好兄弟，「Jay Fung呢個兄弟同C AllStar有啲唔同，我會稱呼佢係細佬，我緊張佢嘅成績，仲著緊過其他兄弟。我哋係傾偈擔當，係大家嘅《情緒價值補給員》，會互相比意見。譬如之前我計劃獨立離開，佢成日陪住我，認識Jay Fung，係我入寰亞不可多得嘅事，多咗個little bro。」

感情事一向低調的釗峰，早前被揭地下情，事緣其拍拖四年半的圈外女友無預警於社交網上載多張親密合照，之後有報導猜測二人關係「見光死」。節目中，釗峰大談吸引他的異性條件，他說：「最重要心地善良，同埋肯講對唔住，一個肯講對唔住嘅人，係對我有好大吸引力，因為會顧及人感受。」他指女友很吻合，「佢好肯講對唔住，一開始已經好了解我，大家會代入雙方思考，會考慮人哋點諗。我哋唔會隨便發脾氣，只要唔動氣，大家就無事，我哋成日傾呢啲嘢。」

Karen出Po稱「愛情裏容不下第三者」。

至於女友Po相令關係曝光他有沒有嬲？「我又無！真係無！反而會同佢傾如果呢個階段你想公開，just go ahead。只係後來收到朋友電話話啲相太過親密，先至知咁做或者會影響外間觀感，就同佢講唔好再post啦，反正大家都知道喇。」釗峰除了承認事件沒影響二人關係外，亦直認自己大男人。他一直把關係低調處理，只是想保護這段戀情，「大男人？我算呀！我係大男人，因為我驚無能力照顧我身邊嘅人，所以我要逞強！我唔係要你乜都聽晒我講，但我驚你唔聽我講而出咗事，咁我就保護唔到你，我會仲擔心。因為佢唔係圈內人，扯咗佢入嚟，我會好難保護對方。」快「男人40」的釗峰，亦因大男人主義所以未有結婚計劃，「我成日認為事業要達到一個點先會諗（結婚），因為未能夠畀到一個穩健、舒適嘅空間畀你身邊嘅人，所以就唔會諗住。」現階段，釗峰坦言只想專注勇闖其自資獨立歌手的路。奈何訪問後一周，釗峰女友於網上先稱失望搬走分手，釗峰隨即網上回應證實，更說：「分手，難過事。不要曲解，沒有回應不等於默認這回事。」他亦重申不再回應感情事，希望大家給予空間。