由首屆《中年好聲音》的首位五燈選手，到去年正式進軍樂壇成為流行歌手，並有幸踏上紅館競逐新人獎的Jenny李泇霖，早前透露要做唱作歌手。承諾兌現了，泇霖首支唱作廣東歌《中女的幸福》今天（7月29日）面世！此曲由她親自作曲，並與老公Andy黃文漢攜手填詞，更請來好拍檔兼資深音樂人Damon徐洛鏘編曲及監製。
Jenny李泇霖推出首支唱作廣東歌《中女的幸福》。
首次唱作，以為泇霖會一本正經唱情歌，但她竟然想輕鬆幽默一下：「《中女的幸福》係我第一首發表嘅自創歌曲，曲風與之前三首歌好唔同，亦係首次挑戰Pop R&B風格，所以想輕輕鬆鬆開心吓，唱Live都預咗要跳舞，哈哈！」不過輕鬆背後，泇霖更想帶出「一生一愛情」及「知足常樂」的信念；同時輸送快樂能量、唱出愛情真諦，告訴大家最簡單的也是最動人。
點擊看圖輯
Jenny李泇霖推出首支唱作廣東歌《中女的幸福》。
MV圖片
MV圖片
獲Venus支嚳儀借出自助烘焙店拍MV。
李泇霖、支嚳儀
李泇霖
李泇霖與老公
MV圖片
泇霖把自己對愛情、婚姻和幸福的領略娓娓道來，「有人話現代愛情總係離離合合，人來人往。但係結咗婚13年，我明白到原來最完美嘅人生，係搵到一位對你從一而終、互信互愛嘅人，一齊經歷所有唔完美嘅事情。愛情要混和人生五味，先至係最甜蜜嘅愛情。呢個係我同先生相處咗十幾年後悟到嘅真諦！」
MV圖片
《中女的幸福》的歌詞加入了不少幽默元素，例如「無大肉大魚共靚袋，卻每秒有你跟我攜手愛心灌溉……」又例如「你說你想給我神級生活，曾懷疑存幾個零未夠多……」等等。泇霖希望透過這些生活細節，嬉笑怒罵反映現實：「過富裕生活固然係每個人嘅夢想，但係物質以外，兩個人相處仲有好多值得珍惜嘅地方，例如無時無刻嘅陪伴、義無反顧嘅支持、同甘共苦嘅默契等等。人生匆匆，希望大家都珍惜緣份，珍惜眼前人。」
觀看相關影片按連結：https://youtu.be/bUOd7jYf8ss
MV方面，繼續由老公親自執導，但另一驚喜是得到「中聲」好友的支持！泇霖分享：「好多謝我喺《中年好聲音》團戰嘅好拍檔Venus支嚳儀，借出佢嘅自助烘焙店畀我拍MV，用『整蛋糕』去比喻建立一段關係，好有意思！成個MV都色彩繽紛，充滿歡欣同溫馨感覺，不單止色香味俱全，仲好有人情味！最有趣是，拍MV當日剛好係我老公生日前夕，正好就地取材幫佢預祝生日，好有意思！」泇霖還提醒大家MV一定要看到尾，因為最後有彩蛋情節！
獲Venus支嚳儀借出自助烘焙店拍MV。
李泇霖、支嚳儀
出道一年，李泇霖分享過「女性自強」三部曲，先後推出的三首單曲《梅特林克的青鳥》、《女二》及《居於心裡》，憑歌寄意與大家一起打破成長陰影、粉碎愛情迷思，以及從失去中學會擁有。來到第四部曲，泇霖想跳出沉重課題，以清新溫暖的Pop R&B作品《中女的幸福》暢談「幸福」，唱出女孩由邂逅心上人，到大家結為夫妻，再到彼此信守無論經歷任何考驗，都會攜手走過人生每個關卡，愛到天荒地老。她還開心說：「我以前做好不少婚宴司儀，婚禮上多數係新郎唱歌畀新娘聽。現在新娘子終於有歌唱，可以回禮啦！」
李泇霖
泇霖還分享了歌曲背後的有趣故事：原來《中女的幸福》是她12年前自己作曲、填詞送給老公作為生日禮物的絕密創作！如今再與老公合力填上新詞，正式公諸於世，把十多年來彼此領略的夫妻相處之道寫進歌裡，希望有更多人相信「一生一愛情」；而且選擇在老公生日的月份推出這首新歌，正好把12年前的禮物加碼送多次，別具意義！
李泇霖與老公
