楊千嬅談過去三十年人生經歷是修煉 自爆被丁子高投訴「衰聲」

樂壇天后楊千嬅日前到新城廣播，接受程凱欣主持的《原來生活好快樂》錄音訪問，剛巧與千嬅推出的新歌《Live MY Life》概念十分脗合。千嬅在訪問中與程凱欣深情對話，她除了回顧過去三十年人生，更大談與老公丁子高的相處之道。

楊千嬅接受新城廣播《原來生活好快樂》訪問。

千嬅透露去年完成21個月的巡迴演唱會，所以在農曆新年前已開始休息。「適逢今年三十周年，歌迷成日問幾時出新歌，自己又準備好唱咩歌，所以過去兩年巡迴一路都有做音樂，新歌已經做咗3、4隻，中間又做緊翻唱黑膠碟項目，依家就開始做新歌宣傳。」

而暑假期間，千嬅與丁子高和兒子丁進諾（Torres）前往旅遊，所以連串工作亦稍有延遲，她表示：「咁啱個仔放暑假，之前佢同爸爸去咗summer camp，畀佢哋兩個相處吓，我就Join最尾嗰程，玩咗一個星期，返嚟就開始做宣傳。」有傳千嬅成功申請在紅館舉行演唱會，她大賣關子謂：「8月會有細節公布，自己都等咗好耐，有機會就做，最緊要自己準備好。」

大談過去三十年人生經歷是修煉。

千嬅不經不覺入行三十年，回顧過去經歷人生不同階段，千嬅形容是一個沉澱，她稱：「其實人一出生就係一個修煉，你會遇到唔同起伏，而呢啲起伏係會不停重複，當呢啲起伏再重複時，睇你係用咩心態，每次應該係層層遞進，每個起伏係愈來愈大，因為你有一個人生高度，歲月同呢個世界去量度嘅時候，其實一路係加數，我學緊係減數，而減數嗰樣嘢唔係你能力不逮，又或者你內心軟弱咗，而係因為你個人嘅內核，有一個成長或者強大嘅時候，你先覺得有啲事情唔需要執著，應該專注自己想做嘅事，甚至忠於自己感受，去將自己擅長嘅發揮到最好。」

千嬅指要忠於自己感受。

千嬅與丁子高是「姊弟戀」，二人結婚15年，恩愛非常；問到倆口子相處之道，千嬅直言雙方性格要合得來，她說：「婚姻並唔係你最愛或激情時候結婚，而係激情過後，對方仍然可以相處，我覺得我都搵到一個好嘅對手去相處。」千嬅跟丁子高來自兩個不同的原生家庭，她指婚姻是唯一一次選擇自己的家人，所以相處的重量比較重要，「當然我哋唔係話結婚好耐，但係有經歷嘅，首先思維同步，我比佢大啲，所以成熟快，某啲事我睇得好開，有啲事可能唔係咁，中間會有啲卡住，但要有耐性去接收大家嘅差距，又願意去等待大家嘅節奏，呢個就要經營。」

自爆被老公丁子高投訴「衰聲」。

至於兩公婆有爭執時是否會平心靜氣作出討論？千嬅直言：「我哋姊弟戀嘅好處係我比較冷靜，唔會發癲，但最慘係我把聲好男仔，冇乜語氣，佢（丁子高）依家都會投訴我講嘢衰聲，但我唔係有任何情緒。」

詳細節目內容，請重溫7月31日，上午9:00 – 10:00，新城知訊台《原來生活好快樂》，網址：https://www.metroradio.com.hk/MetroInfo/

新城廣播有限公司據悉正籌劃改革《勁爆頒獎禮》，務求提升獎項認受性。消息指，行政總裁馬浚偉近日與高層密會，計劃將下屆頒獎禮獎項數目，由去年73個大幅削減至48個，重點包括整合新人獎及刪除合唱歌獎項。

剛剛圓滿落幕的《新城勁爆頒獎禮2025》，各獎項已經「塵埃落定」，得獎歌手亦拿到屬於自己的成績表。不過近日圈中傳出，新一年的《勁爆頒獎禮2026》將會有大地震！

據了解，現時分設男、女新人金銀銅獎的安排，或合併為單一「勁爆新人獎」，意味所有新人歌手將競逐唯一席位，競爭勢必加劇。而「勁爆合唱歌」獎項則傳全面取消，合唱作品須角逐「勁爆歌曲獎」，門檻提高。

消息人士透露，是次改革旨在「尊重音樂」，透過減少獎項數目提升質素與公信力，並加強樂迷信任。新城亦期望與唱片業界共同推動廣東歌發展。此外，馬浚偉計劃提升新城知訊台音樂節目水平，為樂壇注入新動力。

據悉，新城廣播有限公司行政總裁馬浚偉近日召集高層密會，誓要第二度優化勁爆頒獎禮，並大刀闊斧改革獎項。

馬浚偉今次改革目的在於提升獎項質素及認受性，對每首新歌的欣賞度及要求度進一步提升，並加強樂迷對獎項的信任度及尊重音樂。

有關方案若落實，將是繼去年優化頒獎禮後，再度進行重大改革，勢影響歌手未來一年策略。

消息指，獎項數目將由去年的73個大幅縮減至48個，當中包括新人獎及合唱獎。