《那些年的．歌唱比賽》2026第一季圓滿舉行 三屆元老陳世耀成功克服妥瑞症封冠

由新城廣播主辦、i-concept全力贊助的《那些年的．歌唱比賽》2026第一季，已於前日（4月12日）於SPARK MEN舉行。今屆主題為「開心快樂時尚Vibes」，九位脫穎而出的參賽者以輕快歌曲一較高下。結果由三度參賽的陳世耀成功克服妥瑞症終於奪冠，激動落淚；亞軍則為選唱《黃金時代》的吳文生；季軍鄭翠嫻演唱《In Love Again》。而社工何佩珊演唱《我的驕傲》，為鼓勵年輕人感觸落淚，雖然最終落敗，但卻感動全場。新人歌手華浩然則擔任表演嘉賓。

是次比賽的專業評審團邀請了歌唱老師唐韋琪(Vikki)擔任星級評判，與及新城廣播總經理（項目及商業事務）朱靜宜、新城知訊台台長程凱欣、新城廣播音樂總監馬永齡。

所有參賽者與評判團及主持大合照。

冠軍陳世耀接受唐韋琪、朱靜宜頒獎。

冠軍陳世耀三度參賽終圓夢 自揭患妥瑞症
冠軍的陳世耀憑《浮華亂世》獲得評審一致青睞。他曾兩度參賽失利，今次第三度挑戰，終於登上頂峰。程凱欣對他讚不絕口：「恭喜你呀，終於長大啦！唱得好放，仲可以再放。」

陳世耀在賽後訪問中坦言，新城廣播的評判真正能令他進步：「其實我自己都玩過其他比賽，但好多時候評判唔會講評語，百幾二百個參賽者唱完就『叮』一聲落台，自己唔知邊度要改善。」他感激新城廣播的比賽讓他成長：「呢度嘅評判好專業，會講你嘅問題喺邊，令我一次比一次有進步。」

冠軍的陳世耀憑《浮華亂世》獲得評審一致青睞，成功克服妥瑞症。

奪冠一刻，陳世耀激動落淚。他坦言：「今次係我第一次喜極而泣。以前細個參加比賽都有贏過少少獎，但嗰啲只係小型比賽。今次呢個冠軍，係證明自己努力咗咁耐，終於有回報。」

訪問中，陳世耀更首度公開自己是一名妥瑞症患者。他透露：「我細個已經想唱歌，但因為呢個病，身體成日有控制唔到嘅動作，例如眨眼、縮頸，嚴重起嚟仲會『熬』出聲。學唱歌比一般人難好多。」他回憶十八、九歲開始接觸唱歌時，身體不受控的徵狀大大影響學習進度。「今日好開心得到大家認同，證明自己練咗咁耐係有啲交代。」

唐韋琪擔任評判。

以音樂為病患者發聲並鼓勵勿灰心放棄
陳世耀更道出參賽的終極心願：「我好想幫呢個族群嘅人發聲。我想話畀大家知，妥瑞症患者都可以同正常人一樣追夢。就算身體有缺陷，都唔需要放棄或者灰心。只要努力，係會有成果㗎！」他透露自己曾入圍《中年好聲音》一百強，可惜因唱功未夠扎實而止步。「我希望透過自己嘅歌聲，令大家認知原來妥瑞症患者可以同正常人一樣，有自己嘅夢想可以去追尋。」

唐韋琪鼓勵不要埋沒自己
唐韋琪在訪問中回應陳世耀的分享。她本身任教唱歌多年，接觸過不少有特殊需要的學生：「所有藝術性嘅嘢都可以幫助佢哋，令佢哋知道自己都做得到。藝術可以拉近人與人之間嘅距離，令人哋了解同欣賞佢哋。」她大讚陳世耀的努力比一般人加倍：「佢哋一旦有夢想，堅持同努力係比一般人更加犀利。佢哋會確認自己做得到。希望大家唔好埋沒自己，要繼續追夢。」

唐韋琪邀請所有參賽者合唱經典兒歌《夢中天使》。

評判團與主持合照（左起）馬永齡、程凱欣、唐韋琪、朱靜宜、主持麥卓華

社工何佩珊唱《我的驕傲》淚灑舞台
任職社工的何佩珊演唱《我的驕傲》時激動落淚，她透露：「今日第一次入到決賽，所以唱《我的驕傲》，希望藉住呢首歌同年青人分享同埋鼓勵佢哋。」感動全場。程凱欣讚揚社工：「呢位社工好偉大！我姐姐都係做社工，覺得有使命感，盡力去幫。」

唐韋琪邀所有參賽者大合唱經典兒歌《夢中天使》氣氛高漲
唐韋琪應邀擔任星級評判兼表演嘉賓，她不單止勉勵參賽者，演唱時更邀所有參賽者一齊大合唱其經典兒歌《夢中天使》，即時掀起全場高漲氣氛。另一位表演嘉賓華浩然則唱出新歌《最差的人》及林子祥的《分分鐘需要你》。

新人歌手華浩然擔任表演嘉賓。

亞軍吳文生接受程凱欣頒獎，並與主持麥卓華三人合照。

季軍鄭翠嫻接受馬永齡頒獎，並與主持麥卓華三人合照。

獎品方面，冠軍獲得TGC x ANGEL RO純淨飲水機（價值HK$3,680），亞軍獲得TGC 23公升抽濕機（價值HK$2,980），季軍獲得Philips AFEK ADD5981（價值HK$1,688）。

賽事吸引各地人士參加
今次歌唱比賽共收到約500個查詢及400個報名，參賽年齡由14歲到70多歲，最後選出十位進入決賽，其中一位臨時缺席。大會亦收到來自大灣區、吉隆坡及美國的報名，反應熱烈。

主力贊助： i-concept
場地贊助： SPARK MEN
獎品贊助： 駿盈世紀有限公司

冠、亞、季軍與評判團及主持合照。

歌手林德信（Alex）6月10日到新城廣播接受歐陽德勛主持的《沿途有我》訪問，歐陽德勛在節目開場時表示，與Alex已多年未見，但一直留意他的動態。「當時佢就係一個好瀟灑嘅Single Man，單身一個靚仔，後來突然間收到佢結婚消息，大個仔喇，我估佢應該好快會做爸爸，又畀我估中咗，唔使好耐就真係做咗爸爸。」

林德信（Alex）接受新城廣播《沿途有我》訪問。

被問及成為爸爸及丈夫後的感受，Alex坦言自己的轉變過程與其他朋友不同。「我覺得我嘅感受同其他做咗爸爸嘅朋友好唔同，好多朋友話BB一出世成個生活變晒，但反而我呢個轉變嘅時間好長。我覺得到今日，我仲係度吸收、消化緊呢件事，可能因為我本身性格都比較慢熱。」

Alex爆兩歲女兒愛聽《十分十二吋》、《阿里巴巴》。

談到兩歲的女兒，Alex笑言她遺傳了家族的音樂天份。「佢好細個已經好鍾意聽快歌，如果播慢歌氹佢瞓覺，佢唔鍾意。佢鍾意《十分十二吋》、《阿里巴巴》呢啲好快嘅Disco歌，好細個就已經識得跟住拍子又跳又叫。」
Alex以獨立歌手身份發展已經差不多六年，他透露今年計劃推出專輯，靈感來自一個家庭循環：「我爸爸（林子祥）以前有一張專輯叫《最愛》，個封面係佢抱住1歲嘅我。嗰陣佢39、40歲，我1歲。而家呢個循環啱啱返嚟，我40歲，我個BB而家2歲。我好想做返呢件事，專輯個封面就係林德信抱住個女，儘量將個pose重現番出嚟。」

Alex演音樂劇讀父親林子祥家書。

上月在西九龍戲曲中心大劇院完成了一場音樂劇《3026：音樂環遊記》的Alex，介紹故事背景設定在1000年後，AI毀滅了所有音樂和文化，他飾演的角色進入戲曲中心，與被AI刪除記憶的音樂人一同透過經典廣東歌找回回憶。他特別提到劇中重新演繹父親的經典金曲《分分鐘需要你》時，獲得了全新的理解。導演引導他思考：「如果你真係冇晒音樂，音樂唔再存在，你冇咗生活、呢個身份，或者你會珍惜啲咩？」

後來他找到一封父親小時候寫給他的手寫信。「佢寫嘅全部都係好無聊嘅嘢，『你而家返學點呀？最近讀書點呀？考試成績點呀？』、『我喺意大利行路嘅時候會諗起你』。我讀出嚟嘅時候，個個都覺得呢啲嘢好無聊，但係最珍貴。」他續說：「佢哋就係咁啟發到我，用一個全新嘅角度去唱《分分鐘需要你》。就係你係一個好細個嘅小朋友，好渴望你爸爸喺咁無聊嘅時候陪住你。我從來冇諗過可以咁樣唱。」

唱《分分鐘需要你》感觸走音。

Alex坦言當晚險些唱不下去：「我嗰晚差啲講唔出封信，我讀唔出……唱歌音都亂晒、走音，但係有真實嘅感覺。」當晚全家人都在場，包括爸爸林子祥，令他情緒更加波動。「我感覺到爸爸喺出面，感覺到所有家人喺出面，差啲崩潰。不過點都要講完對白、唱完先，忍住先。」

重溫節目，請於6月10日晚上九時登入知訊台《沿途有我》：https://www.metroradio.com.hk/MetroInfo/