薛家燕聯同直播女企ViVi舉行業慈善義賣 墟冚爆場籌款勢破紀錄

備受喜愛的「家燕媽媽」薛家燕（Nancy Sit）聯同Mixx Collection直播女企業家陳沈沂（ViVi），昨日（8月3日）於旺角舉辦《家燕媽媽慈善同樂日》，超過500套家燕姐極具紀念價值的登台服飾進行義賣，縱然天氣不穩，但仍成功吸引超過五百人流，使活動墟冚爆場。另有多位星級好友現身撐場，包括黃夏蕙、沈芝華、蘇淑萍、陳彥行、古天樂媽媽、吳君如媽媽及佘詩曼媽媽等，齊齊為慈善出力，場面熱鬧非凡！莒光文化服務基金主席曾醒明先生亦帶同義工團隊出席活動。

薛家燕聯同Mixx Collection直播女企業家ViVi，昨日在旺角舉辦《家燕媽媽慈善同樂日》。

現場墟冚爆場！

活動透過Mixx Collection直播平台直擊現場盛況及同步進行義賣，反應熱烈，連同線下收益估算可籌得逾廿萬善款，全數將捐贈莒光文化服務基金。家燕媽媽於活動中感謝一眾出錢出力的粉絲與朋友，表示：「多謝咁多位善長人翁、贊助商同ViVi團隊嘅熱心策劃，最緊要幫到基層同有需要嘅家庭，真係好感恩！」

活動透過Mixx Collection直播平台直擊現場盛況及同步進行義賣。

《真情》首度出場的「好姨」外套也捐贈出來義賣。

家燕姐更透露夏蕙姨、行姐、蘇淑萍、古天樂媽媽、吳君如媽媽及佘詩曼媽媽等都是特別撥冗過來捧場支持今次活動，沈芝華更是專程從美國飛回來，覺得眾星友對她好有愛且非常有心。她還說：「如果有機會再搞慈善義賣登台衫活動，都想試吓叫埋佢哋捐埋一份，齊齊再搞大佢！」 莒光文化服務基金主席曾醒明先生亦於活動後表示：「非常感謝家燕媽媽與ViVi對機構多年的支持，今次活動她們不計成本將收益捐贈，讓基層家庭得以受惠。」

多位星級好友現身撐場，包括黃夏蕙、陳彥行。

還有吳君如媽媽（左二）、沈芝華 （左三）、古天樂媽媽（中間）等，齊齊為慈善出力。

佘詩曼媽媽（左）

蘇淑萍（右）也到場支持家燕姐。

ViVi與家燕媽媽再度合作 大讚對方熱愛工作

對於今次慈善策劃，ViVi表示榮幸：「好開心再同家燕姐合作，佢真係好熱愛工作，好敬佩佢咁有魄力。籌備今次活動時大家好多Ideas碰撞，家燕姐辦事又係『嘭嘭聲』，即講即做好有效率！連我團隊同事都笑我同家燕姐哩方面好似。」ViVi期望未來有更多慈善合作，甚至不抗拒有戲劇上的合作機會，更笑言歡迎各界邀約洽談。

ViVi開直播義賣籌款。

家燕媽媽與ViVi（右）為做善事出心出力，合作無間。

歌手張德蘭將於5月30日在紅館舉行入行60周年演唱會《相識是緣份》，惟她日前為演唱會試衫時不幸發生意外，導致左臂甩骹及骨裂。張德蘭昨日（4月23日）到新城廣播接受薛家燕、思敏及范振鋒主持的新城電台節目《開心大派對》錄音訪問，親述受傷經過及最新康復情況，並強調會積極面對，務求以最佳狀態演出。

張德蘭接受薛家燕《開心大派對》錄音訪問。

張德蘭表示習慣工作前先去洗手間，以免阻礙後續行程，但當日對場地環境不熟悉，加上心急，未有留意地上有一級黑色梯級而踏空：「我一起步已經知道大事不妙，因為級數都幾高。」她回憶當時第一時間想到不能用手撐地，以免傷勢更嚴重，於是用手臂側面着地：「點知都卸唔到咁多力量，就『砰』一聲路落地，自己都聽到自己『clock』一聲。」

她續指，跌倒後整邊身扯着劇痛，手部更一度失去知覺，無法自行站起。幸得丈夫在附近男廁聽到她大叫，即時趕來協助：「好彩有佢喺度，因為佢以前有打功夫，好有直覺，佢一摸就話『唔得，老婆你一定係甩咗骹』。」同時要求太太要即時前往就醫。

左起：范振鋒、薛家燕、張德蘭、思敏

雖然劇痛難耐，但張德蘭坦言當時一度猶豫應否即時離開：「我話唔得，約齊晒所有人上嚟，咁樣走好似唔係幾好。」但在丈夫堅持下，她最終妥協。她先由相熟的骨醫診治，惟醫生指甩骹位置太痛，無法即時復位，必須到醫院在全身麻醉下進行。經詳細檢查後，醫生發現她除了甩骹亦有骨裂，幸情況不算嚴重，毋須接受手術。

她說：「醫生話如果做手術仲麻煩，要落螺絲就真係大手術。因為呢個裂嘅程度唔係太厲害，就希望好似我今日咁，孭住呢把『槍』（護托），穩定啲，唔好郁動上臂嘅位置咁多。」

張德蘭為演唱會試衫不慎跌傷。

張德蘭透露，現時傷勢已明顯好轉，痛楚減輕，但仍需佩戴護托固定位置。她解釋，因部分肌肉仍在腫脹發炎，會有繃緊感覺，影響到手指活動：「手指尾就差少少，但醫生話正常，因為入面嘅肌肉仲腫，就會影響到壓到一啲神經線。呢個問題應該唔大，如果我聽日去照X光，睇吓個片，骨裂冇問題，就要開始做物理治療。」

她呼籲大家不用太過擔心，並展現一貫樂觀態度：「我而家都有郁，我哋都好勤力、好進取，我覺得真係要郁，就算我整親隻手，今日我都一定要出嚟，因為我唔想困喺自己屋企，我覺得真係要見吓人、郁動吓，就更加快好。」

張德蘭左臂腫脹發炎戴護托亮相。

雖然受傷來得突然，但張德蘭未有因此氣餒。她透露是次演唱會獲資深填詞人鄭國江老師送上一首新歌，名為《快意人生》。她指歌詞猶如在為自己打氣：「歌詞係話要開心，做人最緊要係開心，即使遇到挫折都只係考驗，你應該樂觀去面對。」她認為這首歌十分適合現時的情況，充滿正能量。

張德蘭強調，演唱會將如期於5月30日在紅館舉行，她會繼續投入排練，只是會因應傷勢調整部分動作。她說：「就算我整傷咗手，今日我都一定要出嚟。我覺得真係要見吓人，郁動吓。」她又感謝各界關心，並表示會以最佳狀態回饋等了14年的樂迷。

詳細節目內容，請重溫4月25日，下午2- 3時，新城知訊台《開心大派對》節目，網址：https://www.metroradio.com.hk/MetroInfo/