怨女俱樂部｜何雁詩憶述囝囝確診患上天使綜合症 為母則強只許自己在沖涼時喊來發洩情緒

ViuTV節目《晚吹—怨女俱樂部》昨晚（8月4日）播出一集，請來Stephanie何雁詩擔任嘉賓，分享她誕下患有罕見病兒子的心路歷程。

何雁詩任《怨女俱樂部》嘉賓。

分享誕下患有罕見病兒子的心路歷程。

一向喜歡小朋友的Stephanie憶述4年前得知自己懷孕時大感驚喜和幸福，當時產前檢查BB一切正常，但BB出世後9個月卻仍未懂得坐和爬，直至歲半時帶他看發展科醫生，醫生卻告知懷疑囝囝患有基因病，要再作進一步基因測試。Stephanie當時即刻上網翻查，當看到「天使綜合症」時，已直覺地覺得跟囝囝的徵狀很似：「解釋唔到點解佢咁開心啦，唔識講嘢、發展遲緩、有腦癇，全部都係我個仔嚟㗎。」

何雁詩囝囝。

何雁詩囝囝歲半時確診患有「天使綜合症」。

Stephanie坦言等出報告的日子非常煎熬，當得知鍾意水亦是其中一個症狀時，老公鄭俊弘（Fred）還會抱著兒子在廚房鋅盤，開著水喉說：「睇吓，佢都唔係好鍾意水啫！正常玩吓水之嘛，唔算好鍾意吖！」雖然當時大家仍抱著一絲希望，但其實自己心中已打定輸數。

何雁詩坦言等待兒子基因測試報告的日子非常煎熬。

何雁詩表示鍾意水亦是天使綜合症其中一個症狀。

何雁詩稱老公鄭俊弘為了不想承認兒子患病，曾抱著兒子在廚房鋅盤，開著水喉指兒子其實都不是太鍾意水。

聽報告一刻，當醫生告知囝囝真的患有「天使綜合症」，Stephanie當刻覺得：「噢！原來我哋個生命係從此唔同喇！」面對重創的頭一個月，無論是自己和Fred，甚至整個屋企氣氛都很不開心，感覺天空和所有東西都是灰色。Stephanie更指Fred曾怪責自己：「佢一直都想做一個100分嘅爸爸，當佢知道阿仔有呢個syndrome嘅時間，佢有啲怪責自己，點解爸爸會帶你嚟呢個世界上，令到你受苦。」

何雁詩知囝囝真的患有「天使綜合症」，覺得生命從此不一樣。

而記憶中自己只有一次跟Fred一齊喊：「我哋屋企望到一間幼稚園，一直都係想BB去上嗰間幼稚園嘅，已經plan晒，已經考埋收咗，跟住畀埋deposit，之後我哋話阿仔原來唔會上到呢間學校，唔會有我哋plan畀佢嘅future，佢唔會識得彈結他，佢唔會識得打golf，我哋對佢嘅呢啲expectation要放底。」Stephanie感覺是要將曾經幻想中的小朋友取消，去迎接新的未知之數。余迪偉聞言覺得：「識得講出嚟，兩公婆分享都係一個好好的療癒的方法，唔講唔講仲谷住啦。」

何雁詩記憶中自己只有一次跟老公鄭俊弘一齊喊。

何雁詩自言感覺是要將曾經幻想中的小朋友取消，去迎接新的未知之數。

到現在，Stephanie不諱言間中還會喊：「我擺出嚟呢個正面呢，係我必須要嘅。因為我唔覺得我需要喺人哋面前喊啦。咁但係我都有情緒，我都需要發洩，咁呢個時候我就可能喺沖涼嘅時候囉。我最鍾意沖涼喊，係一個expertise呀，好叻㗎我沖涼喊。我會同自己講我洗頭喊，我搽完conditioner就要停喇，因為我覺得唔開心係要set一個限期嘅。我作為人母，我要堅強，所以我要畀一個限期自己，沖完涼就夠喇。」

何雁詩認為作為人母要堅強，所以自己只在沖涼時喊，沖完涼就夠喇。

ViuTV原創劇《foodpanda 呈獻：存酒人》逢星期一至五晚上9時30分播出。劇集講述「市井酒吧」因快將結業，所以將多支無人領取的存酒歸還給客人。過程中，意外地發現每支存酒的背後，都有著獨一無二的故事。而在酒吧進行倒數的階段，眾人為這裡帶來令人難以忘懷的燦爛時光。

張新悅驚喜出演。

張新悅成最後存酒女神。

劇集1月8日晚迎來大結局，張新悅（Nicola）飾演的Elaine，一個令「市井酒吧」老闆雄哥（朱栢謙 飾）多年來念念不忘的女神驚喜現身。久未出演幕前的Nicola笑言和朱栢謙合作感到緊張：「因為佢係做舞台劇，最勁就係記台詞。但係我係最驚記台詞嘅人，好彩今次比較多眉來眼去，唔係講咁多對白，所以都OK handle到」。她形容今次角色的愛情故事相信大家都會有共鳴：「有一種得不到，酸酸地但又有啲感性嘅感覺。因為得唔到，所以心入面永遠都放唔低」。為了要以最佳狀態拍攝，Nicola笑言有經常補眠、做好護膚程序和每日敷3塊面膜：「因為女神要好靚，所以盡力做好準備。不過今次個角色其實好靠其他人，喺佢哋眼中做得好就得㗎啦」。

張新悅與朱栢謙合作感緊張。

每日做好皮膚管理為求做好角色。