香港連日天氣不穩定，天文台8日內四度發出黑色暴雨警報信號，昨日（5日）黑雨更維持足足近12小時，多區路面出現嚴重水浸，交通大受影響！藝人楊卓娜就在社交平台透露自己在黑雨期間發生的連環不幸事件，令她都不禁大嘆：「可惡嘅黑雨！」
楊卓娜分享自己在黑雨期間發生的連環不幸事件。
楊卓娜原定於昨日早上要搭飛機離港去旅行，前一晚回家時已困難重重，她在IG Story分享一段影片，紀錄下她在黑雨下艱難的歸家之路，影片中可見當時天色昏暗，暴雨連連，馬路與行人路已被雨水淹沒，水深淹及腳面，水流更夾雜著泥沙，楊卓娜無奈表示：「兩架車都返唔到屋企，我唯有行返屋企，希望大家都平安，希望唔會再黑雨！」
點擊看圖輯
楊卓娜分享自己在黑雨期間發生的連環不幸事件。
影片截圖
影片截圖
多得好心鄰居的幫忙，工人姐姐才能順利抵達機場。
楊卓娜雖然最後未能上機，但順利改搭下一班機，而老公和囡囡則如計劃先行出發。
影片截圖
影片截圖
之後，楊卓娜再左IG撰長文詳述她「疲於奔命的12小時」，「尋晚半夜2:30am左右，黑雨浸到車位前嘅馬路好似黃河咁，車返唔到屋企，我只能停泊一邊，徒步回家，爭啲俾水沖跌！突然醒起未拎Passport，隨手拎起放入手袋，然後去梳洗，諗住爭取時間去休息2小時，結果行雷閃電雨聲，令我擔心咗一晚，又擔心早上都移唔到車返車位，又擔心早上水浸太深未退，離開唔到屋企去機場，結果成晚都冇瞓！」
View this post on Instagram
直到早上七時，楊卓娜一行人冒着黑雨call到車前往機場，結果去到機場check-in時才發現沒有帶護照，「呢一刻真係『OMG』，『如雷灌頂』，全身血液停頓，真係呆咗我！我！我真係唔知點開囗同我身邊2位大人講，仲有已經入閘嘅團友。俾人教訓咗10分鐘，終於成功教工人姐姐搵到我嘅Passport，諗住過到關，但係又call唔到車，最後終於得到好鄰居嘅幫助送姐姐和passport來機場，但係，行行吓，路上又水浸全部車死火，天啊，旅行先嚟黑雨，仲要十萬火急撞正黑雨， 寸步難行。等咗1小時，我嘅英勇鄰居為咗唔好再喺路上遇上更多嘅水浸，更多嘅延誤，終於決定將姐姐車去附近地鐵站，我聰明又善良嘅姐姐最後幾經辛苦再用咗一個半小時終於將我嘅Passport送到我手上！」
多得好心鄰居的幫忙，工人姐姐才能順利抵達機場。
雖然楊卓娜最後未能上機，但得到一地勤同事的幫忙和建議，順利改搭下一班機，「雖然班機好爆，但係佢地好快都幫我確定下一班嘅機位，令六神無主嘅我好快可以安定落嚟！唔使加錢，仲安排咗一個好舒適嘅位置俾我。雖然我要拜拜楊生同豹豹佢哋條尾，但係無端端賺咗幾個鐘頭me time可以好好行吓街，喺機場食個靚lunch， 上機之後就可以好好補眠尋晚欠咗嘅美容覺！」
楊卓娜雖然最後未能上機，但順利改搭下一班機，而老公和囡囡則如計劃先行出發。
楊卓娜坦言：「經一事長一智，下次真係要小心啲，拎咗Passport Holder，唔等於拎咗Passport 㗎！反省完畢，繼續食嘢補返啲死咗嘅世（細）胞！」
