楊卓娜遊馬爾代夫解鎖新技能克服恐懼成功挑戰潛水

娛圈事

楊卓娜遊馬爾代夫解鎖新技能克服恐懼成功挑戰潛水

2026年03月03日 10:00 最後更新：12:55

藝人楊卓娜近日趁新年假期，與家人飛馬爾代夫旅行，並解鎖新技能，克服恐懼，同囡囡Jasmine一同挑戰人生第一次潛水成功，興奮道：「多謝靚仔教練同埋楊生鼓勵，無放棄我！」

楊卓娜在IG晒出潛水的影片，並分享自己當時的感受，「我不停叫救命，尖叫，感覺自己就嚟要call白車，不停叫『I Need To Go Back ！I Need To Go Back!』講真，當時好似有大石砸住心口，好似有人捻住我條頸，我完全口鼻都呼吸唔到，我覺得我係咁大，我返唔到上岸，我唔想同沉船一齊！同埋我冇魚鰓，我唔可以留係水底！但係佢哋仍然冇理我，堅持要我繼續！」

點擊看圖輯

楊卓娜近日與家人飛馬爾代夫旅行。

克服恐懼成功挑戰潛水。

影片截圖

View this post on Instagram

A post shared by Yeung Cheuk Na (@lennayeung)

楊卓娜自言是連游水頭都不會濕水的人，所以要她將整個頭浸下水真的令她非常害怕和緊張，直到見到第一條魚，「但係當我喺水底成功見到第一條魚，我終於可以慢慢冷靜，終於可以搵返自己嘅呼吸！水底世界，真係好靚，我原本只打算喺呢度5分鐘，結果停留咗一小時，教練打手勢要離開，我卻戀戀不捨！」

經過今次，楊卓娜又笑指另一半「燈箱大王」楊志翹已為她和囡囡訂好新一年的目標，「佢要我同Jasmine 去考牌，但係我話目標係，新一年加入海洋關注組，做多啲對海洋有益嘅事，保育我哋嘅美麗大自然。」

往下看更多文章

夫妻的博弈｜楊卓娜兩分鐘捉姦戲晒神級淚崩多元情緒層層遞進穿透觀眾心

《宏利保險呈獻：夫妻的博弈》昨晚（9月1日）劇情講述婉蘭（楊卓娜飾）向幸如（高海寧飾）、家謙（馬國明飾）哭訴老公俊豪（杜大偉飾）搭上餐廳侍應家瑩（李靈燁飾）。幸如想起預知夢捉姦時遇上車禍的情境，會發生在婉蘭身上，隨即與家謙趕往營救婉蘭……

楊卓娜繼早前在酒吧向好姊妹哭訴老公出軌的戲份獲讚後，昨晚再晒神級淚崩演技。其中一幕，她得知兒子被家瑩接放學，即趕返餐廳，用手袋大力拍枱後，她聲淚俱下質問兒子：「你就咁跟啲衰人走，你知唔知媽咪會好擔心？」李靈燁即甜笑溫柔說：「咁賢仔打嚟舖頭，話等咗媽咪好耐都未嚟接佢，咁我咪走去接佢囉。」面對小三扮「人畜無害」地挑釁，娜姐把幾火怒掟手袋，更說：「我就算冇人接仔都唔使你幫手呀！」不過當兒子說：「家瑩姐姐好好，唔似得你成日大聲鬧人！」氣得娜姐喝斥李靈燁到餐廳後巷講數。

娜姐忍着胃癌痛楚，怒斥：「你搞我老公得，但搞我個仔就唔得！」不過李靈燁笑住還擊：「你老公唔愛你」、「我同佢先係天生一對」、「我覺得我做賢仔媽咪好過你囉！」激到娜姐聲都變了說：「你再搞我個仔，我殺咗你都得呀！」但其病情似受情緒影響，說完隨即痛到彎腰，李靈燁得戚地說：「仲話殺咗我？睇你個死樣，阿豪見到你都冇胃口啦！」

之後娜姐決定離婚，到酒店捉姦！她忍受着被癌魔折磨的痛楚，步履蹣跚地找尋房間。當她開門見老公與小三在床上，雖然已有心理準備，但娜姐見狀兩行眼淚直流，拿起手機拍下老公出軌證據。杜大偉急急下床搶她的手機，場面混亂，最終娜姐趁機逃離酒店，雖然被李靈燁推出馬路，但幸好高海寧及時救駕！整場捉姦戲僅兩分鐘，娜姐連番轉換情緒，將無奈、心死、憂心、絕望、憤怒、驚恐等情緒層層遞進，感染力驚人，難怪被網民形容為「教科書」演技。

不過，原來娜姐很怕拍喊戲！早前她接受tvb.com訪問時坦言「唔係話喊就喊」，演出時要拿捏得很準確，才能令觀眾感受到角色的情緒遞進：「咁先可以表達到當時個氣氛。」她謙稱將功勞歸於拍檔，全靠大家一齊投入演出，在互相推動下，才可自然地釋放感情：「唔係淨係自己喊完就算，要畀番對手情緒，大家互相配合，場戲先會好睇。」

而高海寧營救楊卓娜一幕亦相當搶戲，毫不輸蝕。她深怕娜姐捉姦時會發生車禍，隨即與馬國明驅車直奔酒店。高海寧全程心急如焚、憂心忡忡，更不斷催促駕車的馬國明：「可唔可以揸快啲呀？我唔可以畀佢有事㗎！」將關心好姊妹的心情表露無遺。抵達現場後，高海寧奮不顧身衝出馬路，將娜姐推回行人路，自己卻退避不及。面對疾馳而來的汽車，高海寧嚇得緊閉雙眼；千鈞一髮之際，車輛及時煞停。逃過一劫的她瞬間眼泛淚光，整個人嚇得呆立當場，直到馬國明上前安撫，她才回過神來。