NWB喚醒黃淑蔓Rock Band魂 加入限定樂隊「Nowhere Meow」負責敲三角鈴吹牧童笛

寰亞樂隊Nowhere Boys （NWB）成軍十周年，於尖沙咀The ONE L606店舖開設NWB POST OFFICE「給十周年的概念店」，上周日（8月3日）邀請師姐「寰亞孻女」黃淑蔓（Feanna)擔任第二場「Nowhere Boys mini live gig」嘉賓。喚醒Feanna的樂隊魂，她笑言要加入成為NWB第六人，擔任吹奏牧童笛和三角鈴，更為這期間限定樂隊命名「Nowhere Meow」！

Nowhere Boys邀請師姐黃淑蔓擔任第二場「Nowhere Boys mini live gig」嘉賓。

Nowhere Boys與Feanna合作無間。

音樂會開始NWB演唱《無處遊人》、《That’s Why》和新歌《給失敗者的一封信》，觀眾勁High，反應熱烈，並吸引途人圍觀，非常熱鬧。主音Van介紹Feanna出場時，「我好鍾意Feanna把聲，好好聽！」Feanna自認是NWB粉絲，特別欣賞最近他們以「信件」為題材的勵志歌。她還自爆去年欣賞他們在西九舉行的「US音樂會」時，走入樂迷堆一齊跑圈吶喊，非常投入。

黃淑蔓Feanna

黃淑蔓Feanna

Van表示Feanna是NWB合作最多的女歌手，之前一齊跑School Tour，還有不同形式的YouTube Studio Live。他笑言：「有Feanna喺度大大減輕咗我哋陣『佬』味！」又稱NWB的歌曲交由Feanna演繹都會好驚喜。當日表演「少女動漫版」的《放飛之旅》 和「喵喵版」的《天陰間中有陽光》 ，觀眾意猶未盡大叫encore ，於是即興加碼演唱NWB的《Superpowers》。Van笑說：「估唔到呢首歌交畀Feanna唱會變咗一首卡通片主題曲，好有趣！」Feanna透露已收到NWB為自己寫的新歌Demo，由琴鍵手漁佬主理，他形容新歌節奏感強、J-Rock和動漫感覺。Van和Feanna異口同聲希望成為合唱歌，表示非常期待。

Van表示Feanna是NWB合作最多的女歌手。

Van、Feanna

這是Feanna第一次在商場店舖內夾live band唱歌，她對NWB說：「即使唱MMO（預設伴唱音樂）都好難，但你哋成個live band形式，我覺得好勁！」Van說：「其實有啲似十年前我哋初初夾band玩busking，或者喺咖啡店、酒吧表演，只有喇叭和幾條線，最重要諗辦法令所有樂器都發聲，好似今日我支木結他駁咗落電結他個喇叭。」Feanna讚他們即使沒有拍子機提示，而現場人聲嘈吵，NWB仍然可準確捉緊拍子表演，非常厲害。

今次Feanna第一次在商場店舖內夾live band唱歌。

期間，結他手Ken彈到一半突然跪地，事後他解釋：「當時我掛住望Feanna，彈低咗半格，然後再低兩度，亂咗又救唔返！」人跟音符一齊跣低，Van笑說：「天雨路滑！首歌彈到最激昂嘅時候，所以特別好笑，救唔返唯有重頭彈過。」Feanna笑指Ken就像掛住回頭望女仔而撞電燈柱，非常搞笑！

結他手Ken彈到一半突然跪地。

Feanna笑指Ken就像掛住回頭望女仔而撞電燈柱。

大合照

寰亞音樂五人樂隊Nowhere Boys出道十周年，首次跳出band房，日前在旺角舉行「MOKO x NOWHERE BOYS《Letters of Nowhere》簽唱會」，逾百歌迷捧場，大排長龍。五子表示好夢幻，沒想過Band仔在商場辦簽唱會，他們逐一與歌迷握手和在專輯上親筆簽名，並由主音Van的太太、西洋書法家Wendy題字寫上款，讓專輯更具紀念價值。

Nowhere Boys日前在旺角舉行「MOKO x NOWHERE BOYS《Letters of Nowhere》簽唱會」。

台上主持人問Nowhere Boys去年難忘事，結他手Ken說：「最難忘新專輯內好多歌都喺『二樓後座』錄音。」Van解說這是香港殿堂級樂隊Beyond以前的band房，如今已變成錄音室，是一個充滿傳奇和搖滾的地方，希望在市區重建，清拆前爭取機會在「二樓後座」錄歌。琴鍵手漁佬台上爆料，本月30日Nowhere Boys在中環舉行音樂會，將配合專輯四首以信件為題的作品，分為四個章節演出，立即被Van制止繼續劇透。

Nowhere Boys

Nowhere Boys

除了簽和唱，Nowhere Boys更與歌迷玩了兩個遊戲。為配合新專輯以信件做主題，第一個遊戲由歌迷寫信反鼓勵Nowhere Boys，有文字有圖畫，令他們好感動。第二個遊戲由Nowhere Boys做動作讓歌迷估歌名，場面非常搞笑。

與歌迷玩了兩個遊戲

與歌迷玩了兩個遊戲

Nowhere Boys更打破簽唱會慣例，臨時加入encore環節。Ken笑說：「Band騷梗係有encore！」原定演唱《給失敗者的一封信》及《給勝利者的一封信》兩首歌，他們笑言與觀眾都很任性，成功爭取即興多演唱《給夢想家的一封信》。台上Van說：「呢首歌啟發自歌迷，其實追星係雙向嘅感動。我哋由細到大聽好多唔同嘅音樂，我哋嘅Rock Hero俾咗好多能量我哋，因為佢哋實現咗佢哋嘅夢想，成為咗我哋嘅夢想家，我哋都希望Nowhere Boys將搖滾嘅精神傳承落去。」

Nowhere Boys

Nowhere Boys

簽唱會結束後，Van興奮地說：「真係估都估唔到，我哋會喺商場搞簽名會，仲簽咗兩個鐘！」結他手Ken表示踏入MOKO新世紀廣場回憶湧現，他說：「好多回憶，以前呢度有一間結他舖，我成日去㗎！」鼓手Nate說：「我成日嚟行街食嘢，因為我係鄰居（街坊），好開心今日代表太子嘅居民嚟表演，平時我踢拖嚟，今日著到好整齊。」

為歌迷簽名、合照。

為歌迷簽名、合照。

為歌迷簽名、合照。

為歌迷簽名、合照。

Van說：「平時完騷留低同歌迷影相傾偈都係一班人，今日有機會同佢哋逐個相處，例如有歌迷同我講《地球候機室》會喺咩時候幫咗佢。而最開心係聽到佢哋話買咗飛睇我哋30號喺中環嘅音樂會。」他又讚太太勞苦功高，即場為每張專輯寫上款，要請她食大餐慰勞。他說：「如果由我哋寫，只有我哋睇得明，為咗尊重歌迷，一家要寫得好好睇睇。」在太太面前摸了很多女歌迷的手，Van立即解釋：「我都摸咗好多男歌迷嘅手，我哋好想緊握每位歌迷嘅手，多謝佢哋俾咗好多能量我哋。」

主音Van的太太、西洋書法家Wendy為歌迷題字寫上款。

主音Van的太太、西洋書法家Wendy為歌迷題字寫上款。

大合照