昔日殭屍片代表人物錢小豪，憑《大頭綠衣鬥殭屍》成為無數影迷心中的男神，當年不但能打能演，更憑《太極張三豐》一句「我命由我不由天」成為經典金句，流傳至今。
錢小豪是昔日殭屍片代表人物
憑《大頭綠衣鬥殭屍》成為無數影迷心中的男神
近年錢小豪屢傳健康出狀況，暴瘦兼剃光頭曾令網民擔心不已。不過近日他精神回勇，狀態返哂嚟！日前他現身陸詩韻直播間，精神奕奕，笑容滿面，氣色紅潤，狀態比早前明顯回升。
近年錢小豪屢傳健康出狀況
當日小豪哥身穿長袖恤衫、戴上米白色Cap帽、招牌膠框眼鏡加持，整個人容光煥發。與他一同直播的前港姐亞軍陸詩韻開心到爆燈，更主動攬實小豪哥，粉絲見到都話：「童年回憶衝晒出嚟！」
一同與陸詩韻直播
陸詩韻更表示：「我嘅兒時偶像—小豪哥，竟然同我一齊直播，坐喺我隔籬，好似發夢咁！多謝小豪哥，多謝大家支持！」網民紛紛留言：「小豪哥真係冇變過！」、「希望佢一直身體健康，繼續拍戲！」
仲攬到實
藝人錢嘉樂接受李有毅（Ben）和兒子李國煒（Benson）主持的新城《Ben同Benson「chur」到行》節目錄音訪問，嘉樂80年代在麗的電視台做龍虎武師，由特技人轉做動作導演，再化身遊戲節目的「獎老」，嘉樂當年是由胞兄錢小豪帶入行，然而當初他曾因哥哥擁有「主角光環」而心生嫉妒。
左起：李有毅、錢嘉樂、李國煒
嘉樂透露小時候是一名經常模仿哥哥的小屁孩，兩兄弟同樣不是讀書的材料，看書本總是打瞌睡，所以小豪十多歲便投考邵氏訓練班，當年未畢業的他被張徹導演看中，年紀少少便擔綱電影男主角，嘉樂稱：「佢嗰年只有十五歲，不過邵氏人工唔能夠滿足佢，所以佢要『秘撈』。」
錢嘉樂
在圈中打滾一段日子，小豪便介紹嘉樂入電視台做龍虎武師，嘉樂指當年純粹「搵啖飯食」，並沒想過要拍電影做主角，他說：「哥哥帶我學一門技能，我就誤打誤撞入咗行，不過都幾好玩，有錢嘛，雖然日薪唔多，得百二蚊，但日日出現金，銀包好漲卜卜，買燒鵝髀可以唔使斬，成隻買嚟扯。」後來嘉樂加盟影壇「大哥大」洪金寶的「洪家班」，開始其電影生涯。
錢嘉樂分享當年做龍虎武師的點滴。
嘉樂在「洪家班」是最年輕的龍虎武師，包辦所有高難度動作，雖然身經百戰，但也多次因意外而斷手斷腳，直到有天醒覺生命有周期，體能會下降，他說：「見啲前輩無論以前幾威都好，年紀大咗都冇得威，就開始識得尊重拍戲。」
錢嘉樂在「洪家班」是最年輕的龍虎武師，所以包辦所有高難度動作。
問嘉樂多年來做替身不見樣可有感到遺憾？他說：「冇！惟一係哥哥早熟，高我成個頭，又靚仔過我，我哋好close，有一年邵氏首映，見到哥哥畀咁多記者圍住，點解佢可以做主角？點解我就要跳樓、跳車、被火燒？我哋一齊成長，大家應該平起平坐嘛，我又被人冷落，當時有少少感覺！我都係靠自己努力，唔係靠面口搵食，冇話做替身唔抵，只係為人服務。」
錢嘉樂坦言曾嫉妒哥哥錢小豪。
嘉樂直言初入行時被影視圈的花花世界吸引，又跟很多紅星合作過，例如與鍾鎮濤和葉蒨文拍攝電影《殺入愛情街》時，他便替鍾鎮濤拖實葉蒨文隻手，嘉樂笑言：「我嗰時直情以為自己係鍾鎮濤。」
左起：李有毅、錢嘉樂、李國煒
詳細節目內容，請留意5月24日，晚上11時–凌晨1時，新城知訊台《Ben同Benson Chur到行》，網址：https://www.metroradio.com.hk/MetroInfo/
