「星展豐盛理財DBS Treasures」向來致力成為客戶最值得信賴的智慧理財夥伴，悉心聆聽客戶訴求及照顧客戶需要，務求讓客戶豐盛人生每一步！「星展豐盛理財DBS Treasures」不但理財視野具前瞻性，連推廣方法亦快人一步，最近一輯廣告便邀得經典神劇《尋秦記》的「黃金組合」古天樂、宣萱與林峯「世紀合體」，比明年元旦上映的《尋秦記》電影版提早近半年，「超前部署」重現網友最期待的「天命最Gold」黃金畫面！預告片日前推出後，已成功在各大社交網站洗板，網友紛紛讚好及轉發，集體回憶湧現！
林峯、古天樂、宣萱
林峯7場紅館騷最難忘記超多舞步
早於十年前已為DBS信用卡代言的古天樂，於19年與「最佳螢幕CP」宣萱拍住上為星展豐盛理財 DBS Treasures代言，去年再加入「細佬」林峯，以「家庭班」齊齊擔任代言人。雖然2019年拍竣《尋秦記》電影版後，古天樂、宣萱與林峯未有再在影視作品中合作，但「老Best」聚頭，大部份場口均是一Take過，默契依然！久未合作的三位老友記先來把酒談心，期間林峯大談紅館演唱會的難忘事：「最難忘是要記很多舞步，令我想起入行25年來行過的每一步，由起初3場加至7場，發現原來要行好第一步，才能踏出下一步！」誠如「星展豐盛理財DBS Treasures」的理財概念一樣「踏出一步，豐盛下一步」。
宣萱、古天樂、林峯
當宣萱問到古天樂最喜愛哪一個角色時？影帝的答案果然跟「星展豐盛理財DBS Treasures」一樣具有前瞻性兼多元化，古天樂說：「下一個吧！要多作嘗試才夠挑戰性呢！」阿峯聞言即提議跟古老闆下次交換角色，古老闆隨即笑言下次要玩多一次穿越，令人更加期待《尋秦記》電影版上映！期間宣萱分享近年跳出香港拍戲後，吸納了不少外地Fans，擁有生意頭腦的古老闆即提議要打造一個「姊弟齊飛」大計，一位巡迴演出；一位巡迴演唱，實行跨出一步，跨越國際！
宣萱、古天樂、林峯
古天樂大晒屈機智慧 古式幽默笑爆全場
其後阿峯公開多謝古老闆當年提議自己轉換跑道，突破事業的樽頸位，加上背後的專業團隊支持，令他的歌影視生涯更加豐盛；古老闆即親解何謂「豐盛」：「應該是玉樹林『峯』，『盛』極一時，這樣才叫豐盛！」古式幽默令宣萱及林峯笑不攏嘴，同時展現這位最佳代言人跟「星展豐盛理財DBS Treasures」一樣擁有超高智慧、超強智能，不但豐盛自己的人生每一步，同時豐盛了宣萱及林峯的人生！
林峯、古天樂
老闆拒劇透造就「寡人笑咗」梗圖再現
難得《尋秦記》三位主角為了「星展豐盛理財DBS Treasures」率先「世紀合體」，當然要為一眾苦等二十多年的劇迷「尋劇透」，早前曾公開表示看過電影版片段的宣萱，兩眼發光向古天樂探口風，豈料古生以招牌表情回覆：「冇回應、冇回應、冇回應！」林峯則以經典網絡梗圖「寡人笑咗」的表情「食花生」，相信這個含金量極高的「天命最Gold」廣告出街後，勢必掀起新一波Cap圖潮，為廣大網友提供更多創作素材，豐盛人生每一步！
宣萱、古天樂、林峯
娛樂訪談節目《星展豐盛理財保險策劃呈獻：一周星星》，逢周日晚10點翡翠台播映。節目每集將瞄準影視圈及歌壇等焦點人物進行訪談，並由區永權、許文軒、王鎮泉、潘盈慧輪流主持，本周日晚（28日）播出的第四集，嘉賓是還未正式上映已熱爆全港的電影《尋秦記》四位主演古天樂、宣萱、林峯及朱鑑然，主持則是區永權。
呢個白眼，係咪正先？
你哋唔好以為係扮打，宣萱真係「啪」一聲打落去古仔度。
今集《一周星星》絕對可以「笑聲笑聲滿載溫馨」形容，單是古仔與宣萱的爆笑互動，已值回票價！先說「本尊Fact Check」環節，區永權求證古仔是否如傳聞所指「唔畀人趷得」，現場即時變得儼如聯歡會般熱鬧。古仔先是很大反應：「你講咩呀？（馬上指著宣萱）佢嗰日唔趷過我唔開心。」區永權聞言接招追問宣萱：「傳聞呢個世上，得你一個可以對住鏡頭趷佢（古仔）。」古仔聞言又「搶答」：「我澄清番先，佢唔對住鏡頭都係趷架喇。」不過宣萱對二人一唱一和卻大力抗議，並指區永權都會寸古仔，古仔聞言再搞笑謂：「我好記仇嘅，你死緊喇今次！」
當年呢條NG片熱爆網。
古仔想再篤宣萱，但宣萱好精靈咁避開咗。
古仔暗示畀宣萱趷到冇晒感覺
此時林峯加入戰團，不過卻並非為宣萱護航：「我喺度諗緊邊一日你係冇趷佢嘅，又好似冇…」、「我未見過有其他人趷佢」。被圍攻的宣萱，即強調「開工我冇趷佢嘅」，豈料古仔依然反對：「你咁都夠膽講嘅？！」由於戰況太過混亂，區永權嘗試作出精闢分析打圓場：「你（指宣萱）會唔會趷佢（指古仔）趷到趷咗都唔覺得趷緊佢呢？」宣萱聞言竟哈哈大笑：「咁我真係唔知。」眼見「沉冤得雪」，古仔加多兩錢肉緊謂：「咪係咯！（點解你畀佢趷？）咁我都唔知吖嘛，我都慣咗喇嘛，你估我想架？！」宣萱在節目中，還會大方分享成功「趷古仔」秘訣，萬勿錯過。
宣萱同古仔嘅互動真係好甜蜜。
古仔成日叫宣萱「等等先」。
古仔笑宣萱「成日郁手郁腳」
其實宣萱除了把口唔放過古仔，連「雙眼」及「雙手」亦對古仔「零客氣」。事緣其中一Part，宣萱詳談拍攝電影版《尋秦記》時，與當年的當家花旦郭羨妮再𢇽聚首「仲啱傾過以前」時，古仔因一句「即係以前唔啱傾」口多多搭嗲，被宣萱「反白眼」攻擊兼被負評「搞屎棍」；之後宣萱提到重遇歐瑞偉（角色陶總管）時感覺很強烈，並指很快便能投入與對方的感情戲時，古仔又再口多多：「即係你同陶總管有感情線，你意思係。」宣萱聞言嬲到狂打古仔，古仔只能無奈回應：「成日郁手郁腳。」之後宣萱應區永權要求向古仔表達謝意，熱情的她即作勢送上「熊抱」，古仔見狀即閘住：「唔好郁手郁腳呀喂」、「唔好摸呀！」最後連環慘食檸檬的宣萱竟出拳狂打古仔，十分搞笑。
至於宣萱，梗係成日忍唔住爆笑啦。
宣萱模仿古仔喺片場嘅眼神。
呢吓小學雞鬥扁嘴大賽真係笑死。
妙談當年「篤到狂笑」NG網紅片
古仔和宣萱還大方談及了劇集《尋秦記》廣傳至今的網紅NG片，談到其中一條古仔因大力篤宣萱心口、篤到宣萱忍不住爆笑的NG片時，宣萱時隔多年依然覺得搞笑又委屈：「我睇親都笑，我估我睇三十、甚至一百次都會笑」、「佢冇當我女人咯，總之係…可能對佢嚟講（力度）四架啫，但對我嚟講已經係七、八架喇。」古仔聞言只能回應：「篤本身唔大力唔係叫做篤嘅，叫做撩！」隨即應區永權要求即場示範向宣萱「撩穴」，宣萱見狀即靈活閃避：「唔好撩我！」
宣萱想攬古仔表達謝意，但古仔似乎想謝絕好意。
宣萱呢吓又係打得好激動。
淨係睇宣萱表情包，都值回票價啦。
古仔爆宣萱愛說話：佢平時一定會同我講嘢，我病嗰日我先唔應佢架咋
玩了一大輪，古仔才正式為當年力度過猛解畫，期間他除會大爆宣萱「唔記得對白瘀事」，還笑言宣萱一分鐘都不能停下嘴巴，古仔：「你叫佢現場唔講嘢一分鐘係冇可能嘅事嚟，呢個係真事。」、「佢平時一定會同我講嘢架，除咗我病嗰日我先唔應佢架咋。」面對古仔連環強攻，宣萱一度使出「搞笑扁嘴樣」無聲抗議，豈料古仔照辦煮碗扁嘴「反擊」，想親眼直擊兩位大細路更多爆笑互動，密切留意今晚播出的一集《一周星星》。
