唱作歌手黃明德（Dark）日前迎來22歲生日，一班Fans特別於麥當勞為他搞了一個「漢堡神偷」主題生日會，還送上一個超搞鬼的「說謊（雪芳）」蛋糕，全場笑到碌地！今次是Dark人生第一次於麥當勞開生日會，玩到high爆之餘，經過今次生日會，Dark自言對麥當勞的角色名稱一清二楚，絕對是「漢堡專家」。
一班Fans特別於麥當勞為黃明德搞了一個「漢堡神偷」主題生日會。
Dark自爆其實十分渴望於麥當勞開生日會，不過之後又怕醜地說：「未算係夢想，但一直都想試吓！之前有首歌叫《只想和你吃漢堡》，啲Fans覺得好代表到我，Fans Club就好好book咗麥當勞幫我搞生日會。」至於將主題定為「漢堡神偷」，Dark搞笑地說：「我首歌叫《只想和你吃漢堡》，佢哋就覺得漢堡神偷有『漢堡』呢兩個字，同埋可能佢哋覺得似我個樣啩，咁就揀咗做主題。」
點擊看圖輯
一班Fans特別於麥當勞為黃明德搞了一個「漢堡神偷」主題生日會。
Dark自爆十分渴望於麥當勞開生日會。
今次生日會最搶鏡的，絕對係Fans精心準備嘅「說謊（雪芳）」蛋糕！原來Dark早前推出新歌《大鬧說謊城》，Fans就玩食字訂製一個雪芳蛋糕，上面有Dark的糖漿肖像及沙排裝飾，Details位滿分！Dark見到即時O晒嘴，「最難忘、最驚喜係收到fans送俾我嘅蛋糕，首先個蛋糕好大嚿！同埋上面係有我個樣喺度，我個樣係一塊食得嘅糖漿牌，又有沙排，因為我最近打沙排。」切蛋糕時，Dark一口咬甩自己個頭，引來全場大笑。
Fans送上一個超搞鬼的「說謊（雪芳）」蛋糕。
生日會上，Dark跟Fans玩遊戲玩到癲，更豪言對麥當勞的角色名瞭如指掌，「以前只識漢堡神偷，而家連小飛飛、滑嘟嘟都記埋！」問到生日願望，Dark大吉利是得來又「超務實」：「希望我可以過到下一個生日，就已經非常之開心。」
「漢堡神偷」生日卡
「漢堡神偷」生日卡
由英皇娛樂主辦、恒生保險冠名贊助、英皇鐘錶珠寶、英皇金融及國泰贊助的【恒生保險呈獻：25+英皇群星演唱會】將於5月4日隆重登陸啟德體育園主場館，日前於Klook的優先訂票火速售罄，全城反應熱烈，3月18日上午10時以恒生信用卡優先搶飛，並於19日上午10時公開發售。
《25+英皇群星演唱會》 將於3月18日上午10時以恒生信用卡優先搶飛，並於19日上午10時公開發售。
為慶祝英皇娛樂25+周年，於3月至5月展開一連串【英皇娛樂25+HAPPY BIRTHDAY 慶典】盛事。英皇娛樂今日（3月15日）下午舉辦第一炮盲盒活動，英皇娛樂呈獻聯乘廣東話流行曲remix的本地熱爆DJ組合「節拍星期五」（Beat Friday）推出香港有史以來的第一架電車Disco—【英皇娛樂25+Moving Cantopop Disco電車派對】，將電車變身舞池，實行一邊打碟、一邊與沿路公眾及粉絲齊齊狂歡。
曾比特、許靖韻、女子組合VIVA成員Ada、Macy、ValC、Andy及Dark一行七人更登上專屬電車。
英皇娛樂藝人包括曾比特（Mike）、許靖韻（Angela）、女子組合VIVA成員姜咏鑫（Ada）、馬思惠（Macy）、張鈊貽（ValC）、黎展峯（Andy）及黃明德（Dark）驚喜現身，一行七人更登上專屬電車，一起聽著英皇娛樂金曲串燒remix，勾起集體回憶，大「搖」大「擺」從銅鑼灣電車總站一路巡遊至屈地街車廠，全程超過一小時。
全港首次【英皇娛樂25+Moving Cantopop Disco電車派對】正式啟航！
大批粉絲守候在電車路沿線，等候偶像出現，high 爆整個港島！在登上電車之旅前，七位藝人先走入鬧市與公眾熱熱身，快閃銅鑼灣東角行人專用區，大派25+英皇群星演唱會限定應援扇，落力撥動大家的熱情，更與公眾合照及簽名，與粉絲近距離互動，引起騷動。
在登上電車之旅前，七位藝人先走入鬧市與公眾熱熱身，快閃銅鑼灣東角行人專用區，大派25+英皇群星演唱會限定應援扇及於在場公眾互動。
派發應援物資後，過百粉絲跟隨藝人們一同步行前往電車總站等候電車啟程，藝人們關心粉絲們有否成功於優先購票中買到演唱會飛，被粉絲反問會否出席5月4日演唱會，Mike即揚言：「公司這個盛事各位大師兄大師姐都出動，我都成日比人問會唔會加場呀，但我可以同大家講如果加場，我實會唱足咁多場！」Mike更大爆：「Beat Friday為25+全新創作左一首全新經典金曲串燒Remix，我喺電車上面已經率先試聽，聽講好快就會推出市場，大家真係要拭目以待呀！」
Mike
經常周遊列國的Angela說道：「早前放完假返來，已經ready好開工嘅心情，但今日電車活動竟然係咁 chill，可以寓工作於娛樂！」。而VIVA今日「三缺一」，Ada、Macy和ValC不約而同表示，今日Carina的位置由Angela頂上。她們提到上次曾試過在利東街快閃跳舞，今日想邀請Angela一起在電車上和她們跳《FOMO》！
全港首次【英皇娛樂25+Moving Cantopop Disco電車派對】，過百粉絲熱情歡送，盛況及熾熱氣氛high爆整個港島！
從中學時期就開始busking生涯的Dark表示對街頭表演非常熟悉：「唔止busking，如果大家有睇我哋公司social media頻道『All About Wrongs』，我哋成日都畀枉阿姐叫落區做任務，例如街頭訪問、點歌環節，又整蠱路人咁，簡直係銅鑼灣地膽。」今次派對 Beat Friday除了大玩一首首英皇廣東金曲外，更將新一代歌手作品融入其中。Andy表示：「之前我都有去過Beat Friday嘅party，氣氛真係好正，今次聽到自己嘅歌《我需要哭》被重新演繹，令首歌即刻冇咁悲傷，簡直係一隻『跳得』嘅悲情歌，佢哋嘅party簡直係失戀靈丹！」
全港首次【英皇娛樂25+Moving Cantopop Disco電車派對】，過百粉絲熱情歡送，盛況及熾熱氣氛high爆整個港島！
全港首次【英皇娛樂25+Moving Cantopop Disco電車派對】，過百粉絲熱情歡送，盛況及熾熱氣氛high爆整個港島！
相請不如偶遇！張敬軒恰巧在上環準備開工，知道電車將要駛來，隨即停下來等待並興奮打卡！軒仔驚喜出現讓一眾師弟師妹驚喜非常，場面有趣！
影片截圖
影片截圖
影片截圖
除了電車派對外，日前淺水灣灘畔商場the pulse宣佈於3月28日至4月19日將化身期間限定慶典據點，舉行【英皇娛樂25+嘉年華】。整個嘉年華以英皇娛樂25+慶典為主題，結合音樂表演、體能挑戰與互動遊戲，更會邀請英皇娛樂藝人擔任神秘嘉賓落場齊齊玩，為Fans打造多個與藝人近距離互動的機會。
活動嘉年華重頭活動包括：海邊限定音樂表演 「BUSKING BY THE SEA」以及復活節期間舉行的尋星城市任務【EEG 25+ RunHNT】。參加者只需2人組隊，由the pulse出發，在南區沿途尋找隱藏的明星應援物並掃碼得分，最快最高分完成任務的隊伍即可贏取《25+英皇群星演唱會》門票兩張，展開一場前所未有的「尋星 × 城市探索」體驗。快點到the pulse社交媒體報名，與偶像見面！
