阿嬌為新戲瘦到骨感 自爆「有身材焦慮」　夜市狂掃美食忍不到！

現年44歲的鍾欣潼（阿嬌）近日在新片《好好說再見》中徹底拋開女神包袱，挑戰飾演一位患有絕症的單親媽媽。為了呈現病人瘦弱的狀態，她開拍前狠心減肥，務求令自己看起來更瘦削。阿嬌早前接受內地媒體訪問時直認，自己雖然沒有「容貌焦慮」，但卻一直有「身材焦慮」——因為她容易發胖，加上年紀漸長，新陳代謝變慢，減肥對她來說真係唔簡單。

在新片《好好說再見》中，挑戰飾演一位患有絕症的單親媽媽。

自爆有「身材焦慮」

其實，阿嬌出道多年體重起伏好似坐過山車，最誇張時曾一度「脹爆」。直到2022年參加《乘風破浪的姐姐3》，她成功激減13kg，足足瘦咗兩個碼，狀態回到顏值巔峰，網民齊齊大讚「女神歸位」，仲有人話靚過初出道。不過，今年初Twins演唱會時，她又圓潤返一圈，最近為拍新戲再次修身成功。

昨日，阿嬌就在社交平台上載一條 vlog，寫道：「嬌個朋友吧~阿嬌下班後去做什麽？#生活vlog #記錄真實生活 #工作日記」。片中見到她在吉隆坡夜市盡情掃街，串燒、甜品、地道小食全都試，食到眉飛色舞，完全唔怕長肉。身邊有人笑話：「減肥都要食㗎！」阿嬌即刻瘋狂點頭，之後回到酒店仲繼續開餐，試食馬來西亞薄餅，食相超滿足。

在吉隆坡夜市盡情掃街

串燒、甜品、地道小食全都試

不怕肥

食得開心

44歲嘅阿嬌（鍾欣潼）日前於小紅書上載一段卸妝影片，即刻成為全網熱話！呢位素顏天花板一卸妝，竟然同上妝「差唔多冇分別」。網民震驚：「佢係卸咗啲咩？好似擦走啲灰塵咁！」討論度一度衝上熱話。

阿嬌平常不介意素顏出鏡

一樣是美美的

影片中見到，阿嬌示範卸妝程序：先用卸妝油乾手按摩，再加水乳化沖掉，再做二次清潔。卸妝後，皮膚依然緊緻透亮，毛孔細到近乎隱形；五官輪廓分明，高鼻樑、下顎線全部keep住，連黑眼圈都唔明顯。有網民打趣：「化妝化幾個鐘，最後卸完同未化一樣！」

阿嬌日前表演推卸妝

卸完更美

阿嬌於影片中亦分享保養心得：「以前覺得護膚品越貴越好，依家越用越簡單，用啱自己嘅，同埋要補水。塗太多反而塞毛孔。」唔少網友讚她講得實在，認同「卸乾淨＋減法保養」先係真正王道。