Twins宣傳照晒馬甲線被質疑P圖 花絮短片曝光證「真材實料」

「英皇娛樂25+ HAPPY BIRTHDAY慶典」第二批藝人宣傳照日前釋出，當中阿Sa蔡卓妍、阿嬌鍾欣潼的馬甲線引起網民熱烈討論，網民大讚相片「勁靚」、「Twins好瘦呀」，但亦都有網民質疑是AI P圖。

阿Sa和阿嬌的馬甲線引起網民熱烈討論。

昨日（3月9日）釋出的官方拍攝花絮短片中，阿Sa蔡卓妍一如以往身形fit爆、狀態十足，至於身形經常成為討論焦點的阿嬌亦狀態大勇，明顯見到她的腹肌線條分明，腰間馬甲線清晰可見，絕對是真材實料。對於網民質疑官方P上馬甲線，又留言指：「係咪AI吖」、「p到阿嬌咁fit」，阿嬌就話：「絕對唔係AI啦，我都真係好努力㗎，有片有真相。」至於阿Sa則謂：「日日都同Kenny一齊加操！」另外，不少網民留言想「龍虎豹」合體表演，經理人霍汶希（Mani）回應：「今次英皇家族25+演唱會會有好多藝人crossover，密切留意我哋官方公佈。」

影片截圖

影片截圖

影片截圖

影片截圖

影片截圖

今年除了是英皇娛樂25周年，同時亦是Twins出道25周年。早前舉行的「TWINS 25週年1314新春限定粉絲見面會」叫好叫座，兩場show都跟fans玩到癲，合照、hi bye、送禮物等，福利好到滿瀉。見面會結束後，世界各地的fans都敲碗要求加開巡迴場，不過由於一早說明fm是「新春限定」，只此兩場，絕不加場，加上二人工作檔期亦排得滿滿，一眾走寶fans唯有得個恨字。

影片截圖

不過，錯過了的fans亦不用灰心，目前阿Sa阿嬌密鑼緊鼓為「英皇娛樂25+演唱會」 做表演準備，想親眼見證阿嬌完美馬甲線、Twins合體演出的歌迷要把握機會撲飛。

Twins將於今年12月18至20日假會展舉行《Twins Side by Side Concert》Sidetrack演唱會。消息一出即全城瘋搶，一票難求，不少fans都話「㩒到手都軟埋都㩒唔到飛」。主辦單位日前已經順應民意加開21及22日兩場，不過門票依然極速被掃清。今日（9月28日）主辦單位宣佈終極加場，加開12月23日一場。由18號唱到23號，一連六場，唱到跟大家預祝聖誕。

《Twins Side by Side Concert》Sidetrack演唱會終極加開12月23日一場。

終極加場，阿Sa直言開心又頭痕，「我自己都要上網㩒飛呀，你哋真係唔好同我爭！我自己都係得十幾張，有冇搞錯呀！哈哈。冇咩事我都係部署吓點㩒飛啦。」至於阿嬌就話，這次Sidetrack演唱會對她來說是一個全新挑戰，「對於我嚟講全部都係新歌，好有挑戰性。」她又笑說：「所有大家熟嘅歌我哋都唔會唱嘅。」阿Sa接着說：「咁又唔係嘅，即係唱得太多吖嘛，係唱得太多嗰啲唔唱，哈哈。」