古巨基53歲生日收窩心驚喜 5歲囝囝手繪「限量版Tee」爆感動

古巨基日前(18)53歲生日，收到5歲囝囝一份超窩心驚喜，令基仔幸福感滿滿！囝囝Kuson親手設計了一件T恤送給爸爸，T恤正面寫上「Best Papa Ever」，背面更有Kuson用中文親手寫下：「生日快樂，超人爸爸，我愛你！」仲配埋小朋友風格插畫，滿滿童真同愛意。

囝囝Kuson親手設計了一件T恤送給爸爸

古巨基日前(18日)53歲生日，收到5歲囝囝Kuson親手設計的T恤

據知照片由太太陳韻晴操刀拍攝，見到古巨基開心著上件「限量版Tee」，對鏡頭又晒正面又晒背面，之後更忍唔住錫咗囝囝一大啖，場面溫馨到爆。他更甜蜜留言：「設計師Kuson話呢件係限量版，全世界得一件送俾我！」

對鏡頭又晒正面又晒背面

忍唔住錫咗囝囝一大啖

場面溫馨

古巨基自從2019年升格做爸爸，多次於訪問中提到，將重心放在家庭，陪住囝囝成長：「以前成日諗住拼事業，但有咗小朋友先明，錯過成長比少賺錢更可惜。」

古巨基2019年升格做爸爸

轉眼Kuson已經5歲，古巨基不時於社交平台分享親子互動，無論是囝囝細心舉動定係一家三口的日常，都流露出佢對家庭嘅珍惜。

古巨基日前（2月28日）應香港童軍總會邀請，擔任童軍總會115周年音樂會的表演嘉賓，同場還有太極樂隊和鄧小巧等。壓軸登場的古Sir，向觀眾拜年，還送上《愛神》、《花灑》、《友共情》和《愛得太遲》，掀起全場高潮！

古巨基擔任童軍總會115周年音樂會的表演嘉賓。

早前Tyson Yoshi在Chill Club翻唱古Sir的舊作《愛神》，除了引起不少網民大讚Tyson唱抒情歌的潛力外，同時還引發樂迷向原唱求Live。他寫道：「之前收到DM有人話想聽我唱《愛神》，所以今晚特別揀咗呢首廿三年前嘅作品為大家表演。 廿三年前，好多回憶喔～ 你哋呢？」

古巨基再唱《愛神》。

《愛神》一出勾起唔少人回憶，紛紛留言：「23年前已經有神」、「超愛這首歌，至今仍循環聽」、「當年真係play隻CD嚟聽~超驚佢花~回憶真係返晒嚟，真心，點解基仔你唱功可以維持到今時今日，呢單野真係好crazy~~」；當然唔少得網民留言集氣希望古Sir開演唱會！

古巨基

古Sir在現場又指Kuson前晚亦有到紅館支持：「我屋企都有個6歲小童軍，舊年開始每逢周三穿童軍制服返學。我同佢講今晚來紅館幫好多童軍哥哥姐姐演出，佢就話要換埋制服跟我來，而家喺台邊睇我。」他認為兒子可從做童軍學習互相幫助的精神，Kuson 完成任務後回家還會分享獲獎章的喜悅，覺得有助小孩培養自信！

古巨基