一網民於Threads分享在中環置地廣塲(Landmark)的尷尬經歷。他指當時因地面濕滑不慎跌倒,周圍路人雖目擊事件卻無人上前攙扶,最終需自行起身,事件引發網民對「港式人情味」的兩極討論。
一網民於Threads分享在中環置地廣塲的尷尬經歷。Threads截圖
商場跌倒無人問
事主描述,下午時分行經置地廣塲某入口時,因地面濕滑「成個人跣低」,當時周圍雖有多名途人目睹,但無人主動協助,最終只能「慢慢自己爬起身」。他在帖文中強調純粹記錄經歷,並標註「不喜勿插」,卻意外掀起熱議。
事主因地面濕滑「成個人跣低」,當時周圍雖有多名途人目睹,但無人主動協助。AI生成圖
網民辯證:冷漠定係尊重?
帖文引來過百留言,有網民直言此為「香港人特色」:「你覺得冇人幫你,其實路人都有睇住你有冇事,見你郁得就唔會特登走過嚟」。更有人以幽默比喻解釋:「你試吓跌到成地橙,就會發現啲橙自己識歸位」,暗示港人並非冷漠,而是傾向觀察後再決定是否介入。
有網民暗示港人並非冷漠,而是傾向觀察後再決定是否介入。AI生成圖
亦有網民同意虱和,「嗰一刻,大家ignore(無視)你係最俾面嘅下台階左」、「相反我上次黑雨見到有人落車跣親 坐足3秒都即刻有4,5個人去扶 我覺得香港人係默默地關注 見你自己搞得掂先走姐」。
有網民分享類似經驗
不過都有網民認為香港人就是如此缺乏關懷精神,「求人不如求己」:「我以前試過著咗短褲出街時落雨,對垃圾拖鞋唔防滑,我喺一條向下嘅斜路跣低再向前滑,隻腳拗柴再加膝頭哥皮都磨走成隻腳都係血。 嗰到喺正巴士站隔離,啲人見到係無一個人幫我,真係冷眼旁觀」。
有網民認為香港人就是如此缺乏關懷精神。Threads截圖
有網民認為香港人就是如此缺乏關懷精神。Threads截圖